കോതമംഗലം: മൗണ്ട് സീനായി (കാതോലിക്കേറ്റ് അരമന) മാര്‍ ബസേലിയോസ് കത്തീഡ്രലിന്റെ പതിനഞ്ചാം വാര്‍ഷികവും പരി. ബാവയുടെ ഓര്‍മ്മപ്പെരുന്നാളും 29, 30 എന്നീ തീയതികളില്‍ നടക്കും.
29ന് രാവിലെ 7.30ന് ഫാ. വര്‍ഗീസ് മൈക്കുളങ്ങരയുടെ മുഖ്യകാര്‍മികത്വത്തില്‍ മൂന്നിന്‍മേല്‍ കുര്‍ബാനയും തുടര്‍ന്ന് കൊടിയേറ്റ് ചടങ്ങും നടക്കും. വൈകിട്ട് 7ന് സന്ധ്യാനമസ്‌കാരം, പ്രസംഗം എന്നിവയ്ക്ക് ശ്രേഷ്ഠ കാതോലിക്കാ ബാവ പ്രധാനകാര്‍മികത്വം വഹിക്കും. തുടര്‍ന്ന് രാത്രി 8.30ന് എം.എ. കോളേജ് കുരിശിന്‍തൊട്ടിയിലേക്ക് പ്രദക്ഷിണവും തമുക്ക് നേര്‍ച്ചയും നടക്കും.
പ്രധാന പെരുന്നാള്‍ ദിവസമായ 30ന് രാവിലെ 8ന് ശ്രേഷ്ഠ കാതോലിക്കാ ബാവയുടെ പ്രധാന കാര്‍മികത്വത്തില്‍ മൂന്നിന്‍മേല്‍ കുര്‍ബാന. 10.30ന് പ്രദക്ഷിണം, 11.30ന് ആശീര്‍വാദം, നേര്‍ച്ചസദ്യ. 12.30ന് കൊടിയിറക്കം നടക്കും.
No comments:
Post a Comment