പള്ളിക്കര സെന്റ് മേരീസ്‌ കത്തീഡ്രലില്‍ വി ദൈവമാതാവിന്റെ വാങ്ങിപ്പ് പെരുന്നാളും ശുനോയോ നോമ്പാചരണവും AUG 10-15
details
യാക്കോബായ യൂത്ത് അസോസിയേഷന്‍ അങ്കമാലി ഭദ്രാസനം
"സെന്റ് മേരീസ്‌ യൂത്ത് വോയിസില്‍" വാര്‍ത്തകള്‍ തരാന്‍ ആഗ്രഹിക്കുന്നവര്‍ editor.akhilshaju@gmail.com എന്ന മെയിലിലേയ്ക്ക് വാര്‍ത്തകളും ഫോട്ടോസും മെയില്‍ ചെയ്യുകയോ 9809626508 എന്ന നമ്പറിലേയ്ക്ക് വിളിക്കുകയോ ചെയ്യുക
Saturday, July 30, 2011
Thursday, July 28, 2011
യേശുവിന്റെ 12 ശിഷ്യന്മാരില്‍ ഒരാളായ പീലിപ്പോസിന്റേതെന്നു കരുതുന്ന ശവകുടീരം തുര്‍ക്കിയിലെ ഹീരോപ്പോളീസില്‍ കണ്ടെത്തി
യേശുവിന്റെ 12 ശിഷ്യന്മാരില്‍ ഒരാളായ പീലിപ്പോസിന്റേതെന്നു കരുതുന്ന ശവകുടീരം തുര്‍ക്കിയിലെ ഹീരോപ്പോളീസില്‍ കണ്ടെത്തി
ഹീരോപ്പോളിസ്: യേശുവിന്റെ 12 ശിഷ്യന്മാരില്‍ ഒരാളായ പീലിപ്പോസിന്റേതെന്നു കരുതുന്ന ശവകുടീരം തുര്‍ക്കിയിലെ ഹീരോപ്പോളീസില്‍ കണ്ടെത്തി. ഇറ്റാലിയന്‍ പുരാവസ്തു ഗവേഷകന്‍ പ്രൊഫ.ഫ്രാന്‍സെസ്‌കോ ഡി'അന്‍ഡ്രിയയുടെ നേതൃത്വത്തിലുള്ള സംഘമാണ് ശവകുടീരം കണ്ടെത്തിയത്. പീലിപ്പോസ് സംസ്‌ക്കരിക്കപ്പെട്ടുവെന്ന് കരുതുന്ന സ്ഥലത്ത് വര്‍ഷങ്ങളായി ഉദ്ഖനനം നടത്തുകയായിരുന്നു ഫ്രാന്‍സെസ്‌കോയും സംഘവും. കല്ലറയുടെ ഘടനയും എഴുത്തുകളും കല്ലറ പീലിപ്പോസിന്റേതാണന്ന് തെളിയിക്കുന്നതാണന്ന് അദ്ദേഹം വ്യക്തമാക്കി.
12 ക്രിസ്തു ശിഷ്യന്മാരില്‍ ബേത്‌സയ്ദായിലെ പീലിപ്പോസ് എന്നാണ് അദ്ദേഹം അറിയപ്പെടുന്നത്. യേശു ഗലീലിയിലേക്ക് പോകുമ്പോള്‍ പീലിപ്പോസിനെ കാണുകയും തന്നെ അനുഗമിക്കാന്‍ ആവശ്യപ്പെടുകയും ചെയ്യുകയായിരുന്നുവെന്നാണ് ബൈബിള്‍ പറയുന്നത്. മറ്റ് 11 ശിഷ്യന്മാരും യേശുവിനെ സ്വയം അനുഗമിച്ചപ്പോള്‍ പീലിപ്പോസിനെ യേശു ക്ഷണിക്കുകയായിരുന്നു. അതിനാല്‍ യേശു കണ്ടെത്തിയ ശിഷ്യന്‍ എന്നാണ് പീലിപ്പോസ് അറിയപ്പെടുന്നത്.
സമരിയായിലും ഗ്രീസിലും ഏഷ്യയിലെ മറ്റു ഭാഗങ്ങളിലും സുവിശേഷം പ്രസംഗിച്ച പീലിപ്പോസ് എ.ഡി 80 ല്‍ തുര്‍ക്കിയിലെ ഹീരോപ്പോളിസില്‍ വച്ചാണ് മരിക്കുന്നത്. റോമന്‍ സാമ്രാജ്യത്തിന്റെ ഭാഗമായിരുന്നു അന്ന് ഹീരോപ്പോളിസ്. ക്രിസ്തുമതത്തെ കഠിനമായി എതിര്‍ത്ത ഹീരോപ്പോളിസ് ഗവര്‍ണര്‍ പീലിപ്പോസിനെ വധിക്കാന്‍ ഉത്തരിവിട്ടു. തലകീഴായി തൂക്കിയിട്ടാണ് അദ്ദേഹത്തെ കൊലപ്പെടുത്തിയത്.
Tuesday, July 26, 2011
ശ്രേഷ്ഠ കാതോലിക്കാ ബാവാ കാലത്തെ അതിജീവിച്ച വ്യക്‌തിത്വം: മന്ത്രി ബാബു
കൊച്ചി: ശ്രേഷ്ഠ ബസേലിയോസ് തോമസ് പ്രഥമന്‍ കാതോലിക്ക ബാവ കാലത്തെ അതിജീവിച്ച വ്യക്‌തിത്വമാണെന്നു മന്ത്രി കെ. ബാബു അഭിപ്രായപ്പെട്ടു. ശ്രേഷ്ഠ ബാവായുടെ 83-ാം ജന്മദിനാഘോഷത്തില്‍ പങ്കെടുത്തു സംസാരിക്കുകയായിരുന്നു അദ്ദേഹം.
പുത്തന്‍കുരിശ്‌ പാത്രിയര്‍ക്കാ സെന്ററില്‍ നടന്ന ആഘോഷത്തില്‍ സമൂഹത്തിന്റെ നാനാതുറകളിലുള്ളവര്‍ ബാവായ്‌ക്ക് ആശംസകളര്‍പ്പിക്കാന്‍ എത്തി.
മുഖ്യമന്ത്രി ഉമ്മന്‍ചാണ്ടി, പ്രതിപക്ഷ നേതാവ്‌ വി.എസ്‌. അച്യുതാനന്ദന്‍, പിണറായി വിജയന്‍, മന്ത്രി ടി.എം. ജേക്കബ്‌, ടി.എച്ച്‌. മുസ്‌തഫ തുടങ്ങിയവര്‍ ആശംസകള്‍ നേര്‍ന്നു. ജോസഫ്‌ മാര്‍ ഗ്രിഗോറിയോസ്‌, ഏബ്രഹാം മോര്‍ സേവേറിയോസ്, ആര്‍ച്ച്‌ ബിഷപ്പ്‌ കുര്യാക്കോസ്‌ മോര്‍ സേവേറിയോസ്, യൂഹാനോന്‍ മോര്‍ മിലിത്തിയോസ്‌, ഡോ. കുര്യാക്കോസ്‌ മോര്‍ തെയോഫിലോസ്‌, ഡോ. ഗീവര്‍ഗീസ്‌ മോര്‍ കൂറിലോസ്‌, മാത്യൂസ് മോര്‍ തേവോദോസിയോസ്‌, മാത്യൂസ് മോര്‍ അഫ്രേം, കുര്യാക്കോസ്‌ മോര്‍ ഇവാനിയോസ്‌, ഏലിയാസ്‌ മോര്‍ അത്തനാസിയോസ്, കുര്യാക്കോസ്‌ മോര്‍ ക്ലിമീസ്‌, മര്‍ക്കോസ്‌ മോര്‍ ക്രിസോസ്‌റ്റമോസ്‌, സക്കറിയാ മോര്‍ പീലക്‌സിനോസ്‌, ഗീവര്‍ഗീസ്‌ മോര്‍ ബര്‍ണബാസ്‌, യു.ഡി.എഫ്‌. കണ്‍വീനര്‍ പി.പി. തങ്കച്ചന്‍, ഡോ. ഡി. ബാബുപോള്‍, മുന്‍ മന്ത്രിമാരായ ജോസ്‌ തെറ്റയില്‍, എസ്‌. ശര്‍മ, കെ.പി. ധനപാലന്‍ എം.പി, എം.എല്‍.എമാരായ സാജു പോള്‍, ബെന്നി ബഹനാന്‍, വി.പി. സജീന്ദ്രന്‍, അന്‍വര്‍ സാദത്ത്‌, ജോസഫ്‌ വാഴയ്‌ക്കന്‍, ഡി.സി.സി. പ്രസിഡന്റ്‌ വി.ജെ. പൗലോസ്‌, ബാബു പോള്‍, എം.ജെ. ജേക്കബ്‌, എം.എം. മോനായി എന്നിവര്‍ ആശംസകള്‍ നേര്‍ന്നു. സഭാ വൈദീക ട്രസ്‌റ്റി കണിയാംപറമ്പില്‍ കുര്യന്‍ കോറെപ്പിസ്‌കോപ്പ, സഭാ ട്രസ്‌റ്റി ജോര്‍ജ്‌ മാത്യു തെക്കേതലക്കല്‍, സഭാ സെക്രട്ടറി തമ്പു ജോര്‍ജ്‌ തുകലന്‍, കോര്‍ എപ്പിസ്‌കോപ്പമാരും നിരവധി വൈദികരും സംബന്ധിച്ചു.
Subscribe to:
Posts (Atom)
