"സെന്റ് മേരീസ്
യൂത്ത് വോയിസില്" വാര്ത്തകള് തരാന് ആഗ്രഹിക്കുന്നവര് editor.akhilshaju@gmail.com എന്ന മെയിലിലേയ്ക്ക് വാര്ത്തകളും ഫോട്ടോസും മെയില് ചെയ്യുകയോ 9809626508 എന്ന നമ്പറിലേയ്ക്ക് വിളിക്കുകയോ ചെയ്യുക
സ്കൂള് വാന് പുഴയില് വീണ് നാല് കുട്ടികള് മരിച്ചു
|
|
സ്കൂള് വാന് പുഴയില് വീണ് നാല് കുട്ടികള് മരിച്ചു
|
|
|
|
തിരുവനന്തപുരം: കഠിനംകുളം ചാന്നാങ്കര പാലത്തിനു സമീപം സ്കൂള് ബസ് പാര്വതിപുത്തനാറിലേക്കു മറിഞ്ഞ് നാല് കുട്ടികള് മരിച്ചു. കുട്ടികളടക്കം 20 പേര്ക്കു പരുക്കേറ്റു. കഴക്കൂട്ടം സെന്റ് ആന്ഡ്രൂസ് ജ്യോതിനിലയം സ്കൂളിലെ വിദ്യാര്ഥികളാണ് അപകടത്തില്പ്പെട്ടത്. പുതുക്കുറിച്ചി കാര്ത്തികയില് സുരേഷ്കുമാറിന്റെ മകന് ആരോമല് എസ്. നായര് (9), ശാന്തിപുരം ട്രീസ്റ്റ് കോട്ടേജ് സന്തോഷിന്റെ മകള് കനിക (6), കഠിനംകുളം വീണാഭവനില് പരേതനായ മനോജ്കുമാറിന്റെയും വീണയുടെയും മകന് അശ്വിന് (9) എന്നിവരാണു മരിച്ചത്.
പരുക്കേറ്റ 14 കുട്ടികളെ മെഡിക്കല് കോളജ് ആശുപത്രിയിലും മറ്റുള്ളവരെ വിവിധ സ്വകാര്യ ആശുപത്രികളിലും പ്രവേശിപ്പിച്ചു. ഇന്നലെ വൈകിട്ടു മൂന്നരയോടെയാണു വാന് അപകടത്തില്പ്പെട്ടത്. എല്.കെ.ജി. മുതല് പ്ലസ്ടുവരെ പഠിക്കുന്ന 23 കുട്ടികള് വാനിലുണ്ടായിരുന്നു. നായ കുറുകെ ചാടിയപ്പോള് നിയന്ത്രണം വിട്ട വാന് ആറ്റിലേക്കു മറിയുകയായിരുന്നെന്നാണു വിവരം. ആറ്റിലുണ്ടായിരുന്ന മണല്വഞ്ചിയിലേക്കാണു വാന് മറിഞ്ഞത്. അതിനാല് അധികം വെള്ളത്തിലേക്കു താഴാതിരുന്നതു വന്ദുരന്തം ഒഴിവാക്കി.
വെള്ളത്തിലേക്കു തെറിച്ചുവീണ കുട്ടികളാണു മരിച്ചത്. പത്തോളം പേരെ വാന് ഡ്രൈവര് രക്ഷപ്പെടുത്തി. ഓടിക്കൂടിയ നാട്ടുകാര് മറ്റു കുട്ടികളെ രക്ഷിച്ചു. ചില കുട്ടികള് നീന്തിയും വാനിനു മുകളില് കയറിയും രക്ഷപ്പെട്ടു. വാനിന്റെ വാതില് മുകളിലായി മറിഞ്ഞതു രക്ഷാപ്രവര്ത്തനം എളുപ്പമാക്കി. നാലു കുട്ടികളെ കാണാനില്ലെന്ന സംശയത്തേത്തുടര്ന്നു തെരച്ചില് രാത്രിവരെ നീണ്ടു. സമീപത്തുള്ള ബി.പി.എം. യു.പി. സ്കൂളിന്റെ വാനാണു ജ്യോതിനിലയം സ്കൂളിലെ കഠിനംകുളം ഭാഗത്തുള്ള വിദ്യാര്ഥികള്ക്കുവേണ്ടി വര്ഷങ്ങളായി ഓടുന്നത്.
വാനിന്റെ ഡ്രൈവര് വെട്ടിതുറ മഡോണ കോട്ടേജില് ജെഫേഴ്സണ് (30), ക്ലീനര് വെട്ടുതുറ ടെറിന് കോട്ടേജില് ഷിബിന് (19) എന്നിവരെ രാത്രി ഏഴരയോടെ അറസ്റ്റ് ചെയ്തു. 10 വര്ഷത്തിലേറെയായി ഇതേ സ്കൂള് വാഹനത്തില് ക്ലീനറായും ഡ്രൈവറായും ജോലി ചെയ്തുവരികയാണു ജെഫേഴ്സണെന്നു നാട്ടുകാര് പറയുന്നു. |
|
|
No comments:
Post a Comment