മലേക്കുരിശില് നൂറുകണക്കിന് വിശ്വാസികള് കബര് വണങ്ങി
കോലഞ്ചേരി: മലേക്കുരിശ് ദയറായില് കബറടങ്ങിയ ശ്രേഷ്ഠ കാതോലിക്ക മാര് ബസേലിയോസ് പൗലോസ് ദ്വിതീയന് ബാവയുടെ 15-ാമത് ശ്രാദ്ധപ്പെരുന്നാളിനോട് അനുബന്ധിച്ച് കനത്ത മഴയിലും നൂറുകണക്കിന് വിശ്വാസികള് ബാവായുടെ കബര് വണങ്ങി. ബുധനാഴ്ച വൈകീട്ട് ബാവയുടെ മാതൃ ഇടവകയായ ചെറായി പള്ളിയില് നിന്ന് എത്തിയ ദീപശിഖാ പ്രയാണത്തിനും, മലങ്കര സഭയുടെ വിവിധ മേഖലകളില് നിന്ന് എത്തിയ തീര്ത്ഥാടകര്ക്കും ദയറാകവാടത്തില് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന് ബാവയുടെ നേതൃത്വത്തില് സ്വീകരണം നല്കി. തുടര്ന്ന് കാലം ചെയ്ത ബാവയുടെ കബറിങ്കല് ശ്രേഷ്ഠ ബാവയുടെയും മെത്രാപ്പോലീത്തമാരുടെയും വൈദികരുടെയും കാര്മികത്വത്തില് ധൂപപ്രാര്ത്ഥന നടത്തി. തുടര്ന്ന് നടന്ന അനുസ്മരണ സമ്മേളനം ദയറാധിപന് കുര്യാക്കോസ് മാര് ദിയസ്കോറസ് മെത്രാപ്പോലീത്തയുടെ അധ്യക്ഷതയില് ശ്രേഷ്ഠ ബാവ ഉദ്ഘാടനം ചെയ്തു. മെത്രാപ്പോലീത്തമാരായ ഗീവര്ഗീസ് മാര് അത്താനാസ്യോസ്, ഡോ. മാത്യൂസ് മാര് ഈവാനിയോസ്, മര്ക്കോസ് മാര് ക്രിസോസ്റ്റമോസ്, മാത്യൂസ് മാര് അഫ്രേം, ഗീവര്ഗീസ് മാര് കൂറിലോസ്, പത്രോസ് മാര് ഒസ്താത്തിയോസ്, കുര്യാക്കോസ് മാര് ഐറേനിയോസ്, ഗീവര്ഗീസ് മാര് ഒസ്താത്തിയോസ്, ഏലിയാസ് മാര് അത്താനാസിയോസ് എന്നിവരും സ്ലീബാ പോള് വട്ടവേലില് കോര്എപ്പിസ്കോപ്പ എന്നിവര് പ്രസംഗിച്ചു.
അഡ്വ. വര്ഗീസ് ക്നാലത്തിന് ഷെവലിയാര് മുദ്ര ബാവ അണിയിച്ചു. കൂടാതെ വിദ്യാഭ്യാസ അവാര്ഡുദാനവും കബറിങ്കല് അഖണ്ഡപ്രാര്ത്ഥനയും നടത്തി.
അഡ്വ. വര്ഗീസ് ക്നാലത്തിന് ഷെവലിയാര് മുദ്ര ബാവ അണിയിച്ചു. കൂടാതെ വിദ്യാഭ്യാസ അവാര്ഡുദാനവും കബറിങ്കല് അഖണ്ഡപ്രാര്ത്ഥനയും നടത്തി.
No comments:
Post a Comment