ക്രിസ്മസിന് ഇനി പത്തുനാള്‍

ധനുവിലേക്ക് കടക്കുന്ന കുളിര്‍രാവുകള്‍ക്കൊപ്പം ക്രിസ്മസിനെ വരവേല്‍ക്കാന്‍ നാടും നഗരവും ഒരുങ്ങി. പിറവിത്തിരുനാള്‍ ആഘോഷിക്കാനുള്ള ഒരുക്കം തകൃതിയായതോടെ വിപണിയും സജീവമായി. നക്ഷത്രങ്ങള്‍ വാങ്ങി രാവുകള്‍ക്ക് ചന്തം കൂട്ടാനാണ് ഇപ്പോള്‍ തിരക്ക്.നക്ഷത്രങ്ങളും പുല്‍ക്കൂടുകളും ക്രിസ്മസ് ട്രീകളും കേക്കുകളും വ്യാപാരികള്‍ ഒരുക്കിക്കഴിഞ്ഞു. പുത്തന്‍വിപണി തന്ത്രങ്ങള്‍ ഒരുക്കി കടുത്ത മത്സരത്തിനുള്ള തയ്യാറെടുപ്പിലാണ് എല്ലാവരും.

കുട്ടികളെ ലക്ഷ്യമിട്ടാണ് വിപണിയിലെ പ്രധാന ഒരുക്കങ്ങള്‍. നക്ഷത്രങ്ങള്‍ക്ക് സിനിമാ പേരുകളാണ് നല്‍കിയിട്ടുള്ളത്. സ്‌നേഹവീട് നക്ഷത്രത്തിന് 195 രൂപയാണ് വില. കൃഷ്ണനും രാധയും കൂടിയതും കുറഞ്ഞതുമുണ്ട്. കൂടിയതിന് 195, കുറഞ്ഞത് 65 എന്നിങ്ങനെയാണ് വില. ഡാം 999 - 400 രൂപയാണ് വില. അലങ്കാര ബള്‍ബുകളാല്‍ ഉണ്ടാക്കിയ നക്ഷത്രത്തിന്റെ രൂപം മാത്രമാണ് ഡാം 999 എന്ന് ഒരു വ്യാപാരി പറഞ്ഞു.

20 രൂപ മുതല്‍ 700 രൂപവരെ വിലവരുന്ന നക്ഷത്രങ്ങള്‍ വിപണിയിലുണ്ട്. പതിനഞ്ചോളം വ്യത്യസ്ഥ നക്ഷത്രങ്ങളാണ് ഉള്ളത്. സാധാരണ നക്ഷത്രം മുതല്‍ ചിറകുകള്‍ ഉള്ള നക്ഷത്രങ്ങള്‍ വരെ വ്യാപാര കേന്ദ്രങ്ങളില്‍ സ്ഥാനം പിടിച്ചിട്ടുണ്ട്. ഇഷ്ടതാരങ്ങളുടെ സിനിമാപ്പേരിലുള്ള നക്ഷത്രങ്ങള്‍ വാങ്ങാന്‍ മാതാപിതാക്കളെയും കൂട്ടി കുട്ടികള്‍ കടകള്‍ കയറിയിറങ്ങുന്നു.ഇല്ലിയിലും പ്ലൈവുഡിലും തീര്‍ത്ത പുല്‍ക്കൂടുകള്‍ക്ക് ഇത്തവണ 600 മുതല്‍ 1000 രൂപവരെ വിലവരും.

വ്യത്യസ്തങ്ങളായ കേക്കുകള്‍ ഒരുക്കി ബേക്കറികളും തയ്യാറായി കഴിഞ്ഞു. പ്ലംകേക്ക്, മാര്‍വല്‍ കേക്ക്, ക്യാരറ്റ് കേക്ക്, ബനാനകേക്ക്, ഓറഞ്ച്, പൈനാപ്പിള്‍ തുടങ്ങി കൊളസ്‌ട്രോള്‍ ഫ്രീയായ കേക്കുകള്‍ വരെ ഒരുങ്ങിക്കഴിഞ്ഞു. എന്നാല്‍, കേക്കുവിപണി സജീവമാവുക 20-ാം തിയ്യതിയോടെയാകുമെന്ന് ഒരു വ്യാപാരി പറഞ്ഞു. പ്ലംകേക്കുകളാണ് ഇപ്പോള്‍ ധാരാളമായി വിറ്റഴിയുന്നത്. മറ്റ് കേക്കുകള്‍ 18 മുതല്‍ ധാരാളമായി ഉണ്ടാക്കിത്തുടങ്ങും.

ക്രിസ്മസ് കാര്‍ഡുകളുടെ വിപണി ഇത്തവണ തീരെ കുറഞ്ഞു. ഇന്റര്‍നെറ്റും മൊബൈല്‍ ഫോണ്‍ എസ്.എം.എസ്. സംവിധാനവും സന്ദേശം അയയ്ക്കല്‍ വേഗത്തിലാക്കിയപ്പോള്‍ കാര്‍ഡുകളോടുള്ള പ്രിയം കുറഞ്ഞു. എന്നാല്‍, പഴമയെ സ്‌നേഹിക്കുന്നവര്‍ ഇപ്പോഴും കാര്‍ഡുകള്‍ അന്വേഷിച്ച് എത്തുന്നുണ്ട്. 10 രൂപ മുതല്‍ 150 രൂപ വരെ വരുന്ന കാര്‍ഡുകള്‍ വിപണിയിലുണ്ട്. വിദ്യാര്‍ഥികള്‍ പരസ്​പരം കൈമാറിയിരുന്ന മൂന്നുരൂപയുടെയും അഞ്ചുരൂപയുടെയും കാര്‍ഡുകള്‍ ഇപ്പോള്‍ ഇറങ്ങുന്നില്ല.

ക്രിസ്മസ് ട്രീകളും കൂടുതലായി എത്തിത്തുടങ്ങുന്നതേയുള്ളു. എല്‍.ഇ.ഡി. ബള്‍ബുകളാല്‍ അലങ്കരിച്ച ട്രീകളും ലഭിക്കും. നഗരത്തിരക്കിനിടയില്‍ സ്വന്തം നിലയില്‍ ക്രിസ്മസ് ട്രീ ഒരുക്കാന്‍ സമയം ലഭിക്കാത്ത ഇന്‍സ്റ്ററ്റ് ആഘോഷക്കാരാണ് ക്രിസ്മസ് ട്രീകള്‍ക്ക് ഏറെയും വരുന്നത്.വ്യാപാരസ്ഥാപനങ്ങള്‍ക്ക് മുമ്പില്‍ ക്രിസ്മസ്ട്രീ ഒരുക്കി ആളുകളെ ആകര്‍ഷിക്കാനുള്ള ശ്രമവും തുടങ്ങി. തൊടുപുഴയിലെ ഒരു വ്യാപാരസ്ഥാപനത്തിനു മുന്നില്‍ 60 അടി പൊക്കത്തില്‍ 600 മീറ്റര്‍ പട്ട് ഉപയോഗിച്ച് നിര്‍മ്മിച്ച ക്രിസ്മസ് ട്രീ കൗതുകക്കാഴ്ചയായി.

മണ്ണത്തൂര്‍ സെന്റ്‌ ജോര്‍ജ്‌ യാക്കോബായ സുറിയാനിപള്ളി സംരക്ഷണ സമിതി പുറപ്പെടുവിക്കുന്ന പ്രസ്താവന.

1887 ല്‍ തോലനികുന്നേല്‍ ആദായികത്തനാരില്‍ നിന്നും 10,000 ചക്രം കൊടുത്ത് തീറു വാങ്ങി 1890 ല്‍ പരിശുദ്ധ അന്ത്യോക്യ സിംഹസനതിന്കീഴില്‍ ഉറച്ച നിന്ന് കൊള്ളാമെന്നു സമ്മതിച് മുവാറ്റുപുഴ സബ് രെജിസ്ട്രാര്‍ ഓഫീസിലെ (S .R .O .) ഉടമ്പടി പ്രകാരം ഭരിക്കപ്പെട്ടു വരുന്ന ഈ പള്ളിയില്‍ 1993 ല്‍ യാക്കോബായ സഭാക്കുവേണ്ടി വികാരിയായി ചുമതലയേറ്റ ഫാ.ഏലിയാസ് ജോണ് മണ്ണാത്തിക്കുളം1999 ലും 2003 ലും പള്ളിയില്‍ പ്വിശ്വാസത്തില്‍ നിന്നും വ്യതിചലിച്ചു പ്രശ്നമുണ്ടാക്കി. എന്നാല്‍ കണ്ടനാട്‌ ഭദ്രാസനാധിപനായ ഡോ.മാത്യൂസ്‌ മോര്‍ ഇവാനിയോസ് മെത്രാപ്പോലിത്തയെ ചെന്ന് കണ്ട് യാക്കോബായ സഭയില്‍ ഉറച്ചുനിന്നുകൊള്ളമെന്നു സമ്മതിച്ചു പള്ളിയില്‍ നിന്നും 2011 നവംബര്‍ മാസം വരെ യാക്കോബായ ശമ്പള രെജിസ്റ്ററില്‍ ഒപ്പിട്ട് സമ്പളം വാങ്ങിയിട്ടുണ്ട് ആയതിന്റെ രേഖ ആര്‍ക്ക് വേണമെങ്കിലും നേരിട്ട് കണ്ട് ബോധ്യപെടവുന്നതാണ്.
എന്നാല്‍ കഴിഞ്ഞ ഒരു കൊല്ലമായി പള്ളിയിലെ പ്രധാന ശുശ്രുഷകന്റെ ഭാര്യയുടെ രോഗ ചികിത്സക്കെന്ന പേരില്‍ വിദേശത്തുള്ള പള്ളിയിലേക്ക് സഹായം അഭ്യര്‍ഥിച്ചു വ്യാജ ലെറ്റര്‍ പാടുകളും സീലുകളും ഉപയോഗിച്ച് പള്ളി ട്രസ്റ്റിയോ മാനേജിംഗ് കമ്മിറ്റി ഇടവക പോതുയോഗമോ അറിയാതെ പണപ്പിരിവ് തുടങ്ങി. ആ വിവരംചോദിക്കുകയുണ്ടായി.അതിനു തൃപ്തികരമായി മറുപടി തരാതെ വന്നപ്പോള്‍ മാനേജിംഗ് കമ്മിറ്റിയും ഇടവകക്കാരും ഭക്ത സംഘടനാ പ്രവര്‍ത്തകരും മേത്രപോലിതയ്കു പരാതി നല്‍കുകയും അതനുസരിച് അദ്ധേഹത്തെ ഭാദ്രസന ആസ്ഥാന ചാപ്പലിലെയ്ക്ക് സ്ഥലം മാറുകയും ചെയ്തു. പകരം ഫാ. പൗലോസ്‌ ഞാടുകലയെ പള്ളിയിലെ വികാരിയായി നിയമിക്കുകയും ചെയ്തു.ടി. കല്പന പ്രകാരം 4 .12 .2011 ല്‍ ഞായറാഴ്ച വിശുദ്ധ കുര്‍ബാന അര്‍പിച്ചുകൊണ്ടിരുന്ന ഫാ. പൗലോസ്‌ ഞാറ്റുകാലായേ പള്ളിയില്‍ കയറി മര്‍ദിക്കാന്‍ ഫാ.ഏലിയാസ് ജോണ് കുറെ ഗുണ്ടകളുമായി വന്ന്‍ ബഹളം വെച്ചു.തുടര്‍ന്ന്‍ പോലീസെ അധികാരികളുടെ നിര്‍ദേശപ്രകാരം സംഘര്‍ഷം ഒഴിവാക്കുന്നതിനു വേണ്ടി പിന്നീട് പള്ളി വാതില്‍ അടച്ചിട്ട് മാത്രമാണ് വി. കുര്‍ബാന പൂര്‍ത്തിയാക്കാന്‍ കഴിഞ്ഞത്. ഈ പള്ളി സ്ഥാപിതമായ ശേഷം ഇന്നുവരെ യാക്കോബായ സുറിയാനി സഭയില്‍ ഉറച്ചു നില്‍ക്കുകയും യാക്കോബായ തിരുമേനിമാരുടെ മാത്രം അധീനതയില്‍ ഇരുന്നിട്ടുള്ളതും ആകുന്നു. 2003 ല്‍ പള്ളിയില്‍ കൂടിയ പൊതുയോഗം യാക്കോബായ സഭയുടെ 2002 ലെ ഭരണഘടനാ അന്ഗീകരിചിട്ടുണ്ട്. ചില കുബുദ്ധികള്‍ പ്രചരിപ്പിക്കുന്നതുപോലെ ഈ പള്ളിയിലെ ഒരു പൊതുയോഗവും 1934 ലെ ഓര്‍ത്തഡോക്സ് ഭരണഘടനാ അഗീകരിച്ചിട്ടില്ല .അതിനനുകൂലമായ ഒരു കോടതി വിധിയും നിലവില്‍ ഇല്ലാത്തതുമാണ്.ആയതിനാല്‍ മുന്‍ വികാരി ഫാ.ഏലിയാസ് ജോണ് മണ്ണാത്തികുളത്തിന്റെ പേരിലുള്ള ഇപ്പോഴത്തെ വിവാദങ്ങള്‍ കക്ഷിവഴക്കായി ചിത്രീകരിച്ചു മുതലെടുക്കാന്‍ ശ്രമിക്കുന്നവരെ തിരിച്ചറിഞ്ഞു ഇടവക ജനങ്ങളും എല്ലാ സഭ വിശ്വാസികളും സത്യവിശ്വാസത്തില്‍ ഉറച്ചു നില്‍ക്കണം എന്ന്‍ അപേക്ഷിക്കുന്നു.

എന്ന്

മണ്ണത്തൂര്‍ സെന്റ്‌ ജോര്‍ജ്‌ യാക്കോബായ സുറിയാനിപള്ളി

മാനേജിംഗ് കമ്മിറ്റി

സിഡ്‌നിയില്‍ ക്രിസ്മസ് കരോള്‍ തുടങ്ങി

സിഡ്‌നി: സിഡ്‌നി സെന്റ് മേരീസ് യാക്കോബായ സുറിയാനി പള്ളിയിലെ ക്രിസ്തുമസ് കരോളിന് തുടക്കമായി. ന്യൂസൗത്ത് വെയില്‍സിലെ വിവിധ പ്രദേശങ്ങളില്‍ താമസിക്കുന്ന എല്ലാ ഇടവകക്കാരുടെയും വീടുകള്‍ സന്ദര്‍ശിക്കുന്ന വിധത്തിലാണ് കരോള്‍ ക്രമീകരിച്ചിരിക്കുന്നത്. വീടുകളില്‍ കയറിയിറങ്ങിയുള്ള കരോളിന് ഊഷ്മളമായ വരവേല്‍പ്പാണ് ലഭിക്കുന്നത്. ക്രിസ്തുമസിനോടനുബന്ധിച്ച് പ്രത്യേക പ്രാര്‍ത്ഥന ഉണ്ടായിരിക്കുമെന്ന് വികാരി റവ.ഫാ. ഗീവര്‍ഗീസ് കുഴിയേലില്‍ അറിയിച്ചു.

സഭകള്‍ തമ്മില്‍ കൂടുതല്‍ ഐക്യപ്പെടണം: -മാര്‍ ജോര്‍ജ് ആലഞ്ചേരില്‍

കൊച്ചി: സഭകള്‍ തമ്മില്‍ സ്‌നേഹത്തില്‍ കൂടുതല്‍ ഐക്യപ്പെടണമെന്ന് സീറോ മലബാര്‍ സഭ മേജര്‍ ആര്‍ച്ചുബിഷപ്പ് മാര്‍ ജോര്‍ജ് ആലഞ്ചേരില്‍ അഭിപ്രായപ്പെട്ടു. കെസിബിസി സംഘടിപ്പിച്ച ക്രൈസ്തവ മെത്രാന്മാരുടെ സമ്മേളനത്തില്‍ അധ്യക്ഷത വഹിക്കുകയായിരുന്നു അദ്ദേഹം.

സഭ ഐക്യത്തിന്റെ പ്രതീകമാണ്. ഈ ഐക്യം സമൂഹം മുഴുവന്‍ വ്യാപകമാക്കണം. ഈ ഐക്യത്തിന്റെ ദൗത്യത്തില്‍ എല്ലാ സഭകളും ഒരുമിച്ച് പ്രവര്‍ത്തിക്കണമെന്ന് ആലഞ്ചേരി പറഞ്ഞു. ആര്‍ച്ച് ബിഷപ്പ് സുസൈപാക്യം, മലങ്കര കത്തോലിക്കാസഭ അധ്യക്ഷന്‍ മേജര്‍ ആര്‍ച്ച് ബിഷപ്പ് മോര്‍ ബസേലിയൂസ് ക്ലീമിസ് കാതോലിക്കാ ബാവ, സിഎസ്‌ഐ സഭാ ബിഷപ്പ് തോമസ് സാമുവല്‍, യാക്കോബായ സഭയിലെ മെത്രാപ്പോലീത്തമാരായ കുര്യാക്കോസ് മോര്‍ ഈവാനിയോസ്, മാത്യൂസ് മാര്‍ അപ്രേം, കുര്യാക്കോസ് മാര്‍ ക്ലീമസ്, കെസിബിസി എക്യുമേനിസം കമ്മീഷന്‍ ചെയര്‍മാന്‍ ആര്‍ച്ചുബിഷപ്പ് മാര്‍ മാത്യു മൂലക്കാട്ട്, കെസിബിസി സെക്രട്ടറി ജനറല്‍ ആര്‍ച്ചുബിഷപ്പ് തോമസ് മാര്‍ കുറിലോസ് തുടങ്ങിയവര്‍ സംസാരിച്ചു.

അഴിമതിരഹിത സമൂഹം എന്ന വിഷയത്തെക്കുറിച്ച് യാക്കോബായ സുറിയാനി സഭയിലെ മെത്രാപ്പോലീത്ത ഏലിയാസ് മോര്‍ അത്തനാസിയൂസ് പ്രബന്ധം അവതരിപ്പിച്ചു. ജീവന്റെ മഹത്ത്വം എന്ന വിഷയത്തെക്കുറിച്ച് കെസിബിസി ഫാമിലി കമ്മീഷന്‍ സെക്രട്ടറി ഫാ. ജോസ് കോട്ടയില്‍ പ്രബന്ധം അവതരിപ്പിച്ചു. സീറോ മലബാര്‍, ലത്തീന്‍ മലങ്കര കത്തോലിക്കാ സഭകളിലെ മെത്രാന്മാരെക്കൂടാതെ ഓര്‍ത്തഡോക്‌സ്, യാക്കോബായ, മാര്‍ത്തോമ എന്നീ സഭകളിലെ മെത്രാന്മാര്‍ അടക്കം 47 പേര്‍ ക്രൈസ്തവ മെത്രാന്മാരുടെ സമ്മേളനത്തില്‍ പങ്കെടുത്തു.

കോലഞ്ചേരി പള്ളിയില്‍ ഹിതപരിശോധന വേണം.

കോലഞ്ചേരി: പള്ളിയില്‍ ഹിതപരിശോധന നടത്തി ഭൂരിപക്ഷത്തിന് പള്ളി വിട്ടുനല്‍കുകയും ന്യൂനപക്ഷത്തിന് ആനുപാതികമായ അവകാശങ്ങള്‍ നല്‍കുകയും ചെയ്ത് തര്‍ക്കങ്ങള്‍ പരിഹരിക്കണമെന്ന് ഇടവക പൊതുയോഗം ആവശ്യപ്പെട്ടു. ഹിതപരിശോധന പൂര്‍ത്തിയാകും വരെ ഇടവക വിശ്വാസികള്‍ക്ക് പള്ളി ആരാധനയ്ക്ക് തുറന്നു നല്‍കണമെന്നും യോഗം ആവശ്യപ്പെട്ടു. ഫാ. വര്‍ഗീസ് ഇടുമാരിയുടെ അധ്യക്ഷതയില്‍ ഫാ. ബേബി മാനാത്ത്, ഫാ. കുര്യാക്കോസ് വെട്ടിക്കാട്ടില്‍, ഫാ. പ്രിന്‍സ് മരുതനാട്ട്, സ്ലീബ ഐക്കരക്കുന്നത്ത്, ജോണി മനിച്ചേരില്‍, ബാബു പോള്‍, കെ.എ. തമ്പി, കെ.എസ്. വര്‍ഗീസ്, കെ.വി. തോമസ്, ചെറിയാന്‍ പി. വര്‍ഗീസ്, പൗലോസ് കുറ്റിപറിച്ചേല്‍, സജി കക്കാട് എന്നിവര്‍ പ്രസംഗിച്ചു.

മുല്ലപ്പെരിയാര്‍: പ്രശ്‌നത്തിന് പരിഹാരം കാണണം - യാക്കോബായ സഭ.

പുത്തന്‍കുരിശ്: മുല്ലപ്പെരിയാര്‍ അണക്കെട്ട് സംബന്ധിച്ച പ്രശ്‌നങ്ങള്‍ എത്രയുംവേഗം പരിഹരിക്കണമെന്ന് കേന്ദ്ര-സംസ്ഥാന സര്‍ക്കാരുകളോട് യാക്കോബായ സുറിയാനി സഭ ആവശ്യപ്പെട്ടു. ഇടതു മുന്നണിയുടെ നേതൃത്വത്തില്‍ നടത്തുന്ന സഹന സമരങ്ങള്‍ക്ക് യാക്കോബായ സുറിയാനി സഭ പിന്തുണ വാഗ്ദാനം ചെയ്യുന്നതായി ശ്രേഷ്ഠ ബസേലിയോസ് തോമസ് പ്രഥമന്‍ കാതോലിക്ക ബാവ പത്രക്കുറിപ്പില്‍ പറഞ്ഞു.

അടൂര്‍ പള്ളിയില്‍ പെരുന്നാളിന് കൊടിയേറി

അടൂര്‍ മോര്‍ ഇഗ്നാത്തിയോസ് പള്ളി പെരുന്നാളിന് വികാരി ഫാ പോപ്സണ്‍ വര്‍ഗീസ്‌ കൊടിയേറ്റുന്നു
                                 View Photos

അടൂര്‍: അടൂര്‍ മോര്‍ ഇഗ്നാത്തിയോസ് യാക്കോബായ സുറിയാനി പള്ളി പെരുന്നാളിന് കൊടിയേറി. വികാരി ഫാ പോപ്സണ്‍ വര്‍ഗീസ്‌ വിശുദ്ധ കുര്‍ബാനയ്ക് ശേഷം കൊടിയേറ്റി. 18 നും 20 നും നടക്കുന്ന സുവിശേഷ യോഗങ്ങള്ളില്‍ ഫാ റോയ് ജോര്‍ജ് കട്ടച്ചിറ, ഫാ പൗലോസ്‌ പാരെക്കര, എന്നിവര്‍ വചന പ്രഗോഷണം നടത്തും. 19 ന് 6 മണിക് അടൂര്‍ നെല്ലിമൂട്ടിപടിയില്ലുള മോര്‍ അഫ്രേം ചാപ്പലിലെ സന്ധ്യാനമസ്കാരത്തിന് ശേഷം ഭക്തി നിര്‍ഭരമായ റാസ നടക്കും. 20 ന് രാവിലെ വിശുദ്ധ മൂന്നിന്മേല്‍ കുര്‍ബാനയ്ക് സഭ സുന്നഹദോസ് സെക്കെട്ടറി അഭിവന്ദ്യ ജോസഫ്‌ മോര്‍ ഗ്രീഗോറിയോസ് തിരുമേനി മുഖ്യ കാര്‍മ്മികത്തം വഹിക്കും, തുടര്‍ന്ന് നേര്‍ച്ചവിളംബ്, ആശീര്‍വാദം എന്നിവയോടെ പെരുന്നാള്‍ ചടങ്ങുകള്‍ സമാപിക്കും. വികാരി ഫാ പോപ്സണ്‍ വര്‍ഗീസ്‌, അസി: വികാരി ഫാ ഗീവര്‍ഗീസ് ബ്ലലാഹേത്, ട്രസ്റ്റി ബിനു ജോണ്‍, സെക്കെട്ടറിമാരായ തോമസ്‌ തരകന്‍, വിബി വര്‍ഗീസ്‌ പെരുന്നാള്‍ കമ്മറ്റി കണ്‍വീനര്‍മാരായ ടി ഇ ജോയ്, സജി മുരിക്കനാല്‍ എന്നിവര്‍ നേതൃത്തം നല്‍കും.

മാര്‍ത്തോമ്മന്‍ കത്തീഡ്രലില്‍ ജൂബിലി പെരുന്നാളിന്‌ ഒരുക്കങ്ങളായി

Notice

Notice

മുളന്തുരുത്തി: മാര്‍ത്തോമ്മന്‍ കത്തീഡ്രലില്‍ തോമാ ശ്ലീഹായുടെ ചരമസ്‌മരണയായ ജൂബിലി പെരുന്നാളിന്‌ ഒരുക്കങ്ങള്‍ ആരംഭിച്ചു. 18 മുതല്‍ 21 വരെ ആഘോഷിക്കുന്ന പെരുന്നാളിന്റെ കൊടിയേറ്റം 18 ന്‌ രാവിലെ 7.30 ന്‌ ജോസഫ്‌ മോര്‍ ഗ്രിഗോറിയോസ്‌ നിര്‍വഹിക്കും. ശ്രേഷ്‌ഠ കാതോലിക്ക ബസേലിയോസ്‌ തോമസ്‌ പ്രഥമന്‍ ബാവാ, ക്‌നാനായ ഭദ്രാസന ആര്‍ച്ച്‌ ബിഷപ്പ്‌ കുര്യാക്കോസ്‌ മോര്‍ സേവേറിയോസ്‌, മാത്യൂസ്‌ മോര്‍ അഫ്രേം മെത്രാപ്പോലീത്ത എന്നിവര്‍ പെരുന്നാള്‍ ചടങ്ങുകള്‍ക്ക്‌ കാര്‍മികത്വംവഹിക്കും. 2000 കിലോഗ്രാം മറയൂര്‍ ശര്‍ക്കര കൊണ്ട്‌ നിര്‍മിക്കുന്ന 'മധുര നേര്‍ച്ച' ഏറ്റവും ദൈര്‍ഘ്യമേറിയ പ്രദക്ഷിണം, തോമാശ്ലീഹായുടെ തിരുശേഷിപ്പ്‌ വണക്കം, 11000 പേര്‍ക്കുള്ള നേര്‍ച്ചസദ്യ എന്നിവ പെരുന്നാളിന്റെ പ്രത്യേകതകളാണ്‌. പെരുന്നാള്‍ നടത്തിപ്പിനായി വിവിധ കമ്മിറ്റികള്‍ രൂപീകരിച്ച്‌ പ്രവര്‍ത്തനം ആരംഭിച്ചു.

ക്രിസ്മസ് ആഘോഷം വിശ്വാസികളില്‍ ഉണര്‍വുണ്ടാക്കണം -ശ്രേഷ്ഠ ബാവ

പെരുമ്പാവൂര്‍: ക്രിസ്മസ് ആഘോഷം വിശ്വാസികളില്‍ പുതിയ ഉണര്‍വുണ്ടാക്കണമെന്നും കൃസ്തീയ ജീവിതം മറ്റുള്ളവര്‍ക്ക് മാതൃകയാകണമെന്നും ശ്രേഷ്ഠ ബസേലിയോസ് തോമസ് പ്രഥമന്‍ ബാവ പറഞ്ഞു. വെങ്ങോല മാര്‍ ഗബ്രിയേല്‍ പ്രെയര്‍ ടവറില്‍ നടന്ന ക്രിസ്മസ് സന്ധ്യയും അങ്കമാലി ഭദ്രാസന മേഖലാ യോഗവും ഉദ്ഘാടനം ചെയ്യുകയായിരുന്നു ബാവ. ജസ്റ്റിസ് സുരേന്ദ്രമോഹന്‍ ക്രിസ്മസ് സന്ദേശം നല്‍കി. കേക്ക് മുറിച്ച് ബാവ, ക്രിസ്മസ് ആഘോഷങ്ങള്‍ക്ക് തുടക്കം കുറിച്ചു. 70 വയസ്സിന് മുകളിലുള്ള ഏഴ് വൈദികരെയും ഡോക്ടറേറ്റ് ലഭിച്ച ജോമി ജോസഫ് ചുള്ളി കശ്ശീശയേയും ആദരിച്ചു. ഡോ. എബ്രഹാം മാര്‍ സേവേറിയോസ് മെത്രാപ്പോലീത്തയുടെ അധ്യക്ഷതയില്‍ ഫാ. വര്‍ഗീസ് കല്ലാപ്പാറ, ഇ.സി. വര്‍ഗീസ് കോറെപ്പിസ്‌കോപ്പ, കുര്യാക്കോസ് വല്ലാപ്പിള്ളില്‍ കോറെപ്പിസ്‌കോപ്പ തുടങ്ങിയവര്‍ പ്രസംഗിച്ചു.

സുവിശേഷ യോഗം

അങ്കമാലി: മൂക്കന്നൂര്‍ സെന്റ് ജോര്‍ജ് സെഹിയോന്‍ യാക്കോബായ പള്ളിയില്‍ നടന്ന സുവിശേഷ യോഗം ശ്രേഷ്ഠകാതോലിക്ക ബസേലിയോസ് തോമസ് പ്രഥമന്‍ ബാവ ഉദ്ഘാടനം ചെയ്തു. എ.വി. ജേക്കബ്ബ് കോര്‍ എപ്പിസ്‌കോപ്പ അധ്യക്ഷനായി. ഫാ. ജോസഫ് പുത്തന്‍പുരയ്ക്കല്‍ മുഖ്യസന്ദേശം നല്‍കി. ഫാ. വര്‍ഗീസ് അരീയ്ക്കല്‍, ഫാ. ജേക്കബ്ബ് അരീയ്ക്കല്‍, ഫാ. ജേക്കബ്ബ് മാത്യു, ഫാ. കെ.ടി. യാക്കോബ്, ഫാ. ഏല്യാസ് ഐപ്പ്, ഫാ. പോള്‍ പാറയ്ക്ക, പി.എം. ഏല്യാസ്, കെ.ഐ. പൗലോസ്, പി.വി. തമ്പി എന്നിവര്‍ പ്രസംഗിച്ചു.

മുല്ലപ്പെരിയാര്‍ - ചപ്പാത്ത് സമര പന്തലില്‍ ഉപവാസ പ്രാര്‍ത്ഥനായജ്ഞം നടത്തി.

മലങ്കര യാക്കോബായ സിറിയന്‍ സണ്‍‌ഡേ സ്കൂള്‍ അസോസിയേഷന്‍ അംഗങ്ങള്‍ ചപ്പാത്ത് സമര പന്തലില്‍ എത്തി സമര ഭടന്മാര്‍ക്കും നിരാഹാരമനുഷ്ടിക്കുന്നവര്‍ക്കും പിന്തുണ പ്രകടിപ്പിച്ചു ഉപവാസ പ്രാര്‍ത്ഥനായജ്ഞം നടത്തി. ഇടുക്കി ഭദ്രാസന മെത്രാപ്പോലിത്ത അഭി കുര്യാക്കോസ് മാര്‍ ക്ലീമിസ് മുല്ലപ്പെരിയാര്‍ ഡാമിന്റെ കാലപ്പഴക്കത്തെ അനുസ്മരിച്ചു 116 മെഴുകുതിരി തെളിയിച്ചു പ്രാര്‍ത്ഥനായജ്ഞം ഉദ്ഘാടനം ചെയ്തു. എം ജെ എസ് എസ് എ ജനറല്‍ സെക്രട്ടറി ബേബി മാത്താറ,ഫാ വര്‍ഗീസ് ജേക്കബ്‌,ഫാ ജെയിംസ്‌ കുര്യന്‍ ,ഫാ ടി ഓ ഏലിയാസ്, ബേബി വര്‍ഗീസ്‌ യെല്‍ദോ വര്‍ഗീസ്‌ ,ബിജു മാന്ത്രക്കല്‍,കെ.പി പൗലോസ്‌,ഡി കോര എന്നിവര്‍ നേതൃത്വം നല്‍കി.അടിമാലി,നെടുങ്കണ്ടം,കോതമംഗലം,പെരുമ്പാവൂര്‍,പുത്തന്‍കുരിശു എന്നീ കേന്ദ്രങ്ങളില്‍ ഉപവാസ പ്രാര്‍ത്ഥനായജ്ഞം നടത്തുമെന്ന് ജനറല്‍ സെക്രട്ടറി അറിയിച്ചു.

പുത്തന്‍കുരിശില്‍ സുവിശേഷപ്പന്തലിന് കാല്‍നാട്ടി

കോലഞ്ചേരി: അഖില മലങ്കര സുവിശേഷ യോഗത്തിന്റെ പന്തലിന്റെ കാല്‍നാട്ടു കര്‍മം പുത്തന്‍കുരിശ് പാത്രിയര്‍ക്കാ സെന്ററില്‍ ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ നിര്‍വഹിച്ചു.

സുവിശേഷ സംഘം പ്രസിഡന്റ് ഏലിയാസ് മാര്‍ അത്തനാസ്യോസ് മെത്രാപ്പോലീത്തയുടെ അധ്യക്ഷതയില്‍ കുര്യാക്കോസ് മാര്‍ ക്ലിമിസ് മെത്രാപ്പോലീത്ത, കോര്‍ എപ്പിസ്‌കോപ്പമാരായ ഇ.സി. വര്‍ഗീസ്, ജോര്‍ജ് മാത്തോട്ടം, ഫാ. സാജു ചെറുവിള്ളില്‍, ജോയ് പി. ജേക്കബ്, കെ.പി. പീറ്റര്‍, മോന്‍സി വാവച്ചന്‍, തോമസ് കണ്ണാടി, പൗലോസ് മുടക്കുന്തല, മത്തായി പുറപ്പാടത്ത്, ഡോ. കെ.സി. രാജന്‍, കെ.കെ. മേരിക്കുട്ടി, എ.വി. പൗലോസ് എന്നിവര്‍ സംബന്ധിച്ചു.

മണ്ണത്തൂര്‍ പള്ളിയില്‍ തര്‍ക്കം തുടരുന്നു

കൂത്താട്ടുകുളം: മണ്ണത്തൂര്‍ സെന്റ് ജോര്‍ജസ് പള്ളിയില്‍ ഇരുവിഭാഗങ്ങള്‍ തമ്മിലുള്ള തര്‍ക്കം തുടരുന്നു. ഞായറാഴ്ച ഇരുവിഭാഗവും പള്ളിയിലെത്തി. യാക്കോബായ വിഭാഗം പള്ളിമുറ്റത്തെത്തിയപ്പോഴേക്കും പോലീസ് തടഞ്ഞു. താത്കാലിക പന്തലൊരുക്കി പ്രത്യേകം തയ്യാറാക്കിയ അള്‍ത്താരയില്‍ ഫാ. പൗലോസ് ഞാറ്റുംകാല കുര്‍ബ്ബാന അര്‍പ്പിച്ചു. കുര്‍ബ്ബാനയ്ക്ക് ശേഷം യാക്കോബായ വിഭാഗം വിശ്വാസികള്‍ പ്രതിഷേധ യോഗം ചേര്‍ന്നു. കെ.പി. പൈലി, വി.എം. കുര്യാക്കോസ്, ജേക്കബ് ജോണ്‍, ഷെറിന്‍ പോള്‍, ബന്നി പൈലി, സാജു കെ. പോള്‍ എന്നിവര്‍ പ്രസംഗിച്ചു.

കോതമംഗലം മാര്‍ ബേസില്‍ കായിക കിരീടം ഉറപ്പിച്ചു.

കൊച്ചി: സെന്റ്‌ ജോര്‍ജിന്റെ വെല്ലുവിളി പടക്കമായി. കല്ലടി കണ്ണുവച്ചത്‌ രണ്ടാം സ്‌ഥാനത്തിന്‌. വെല്ലുവിളിക്കാര്‍ക്കു മുന്നില്‍ തളരാതെ കുതിക്കുന്ന കോതമംഗലം മാര്‍ ബേസില്‍ കൗമാര പ്രതിഭകളുടെ കായിക കിരീടം ഉറപ്പിച്ചു.

കഴിഞ്ഞ മീറ്റുകളിലൊക്കെ മൂന്നാംദിനം മുതല്‍ വലിയ എതിര്‍പ്പുകളില്ലാതെ ജില്ല ചാമ്പ്യന്‍ഷിപ്പ്‌ നേടിയിരുന്ന എറണാകുളത്തിന്‌ പാലക്കാട്‌ കടുത്ത വെല്ലുവിളിയാണ്‌. മീറ്റ്‌ ഇന്ന്‌ അവസാനിക്കാനിരിക്കെ കഴിഞ്ഞ വര്‍ഷത്തെ ചാമ്പ്യന്‍മാരായ എറണാകുളത്തിന്‌ ഇതുവരെ വ്യക്‌തമായ ലീഡ്‌ നേടാനായിട്ടില്ല. 55-ാം സംസ്‌ഥാന സ്‌കൂള്‍ കായിക കിരീടത്തിനായി എറണാകുളവും പാലക്കാടും തമ്മിലുള്ള പൊരിഞ്ഞ പോരാട്ടത്തിനാണ്‌ എറണാകുളം മഹാരാജാസ്‌ കോളജ്‌ ഗ്രൗണ്ടിലെ ട്രാക്കും ഫീല്‍ഡും സാക്ഷ്യം വഹിക്കുന്നത്‌. കേവലം 22 പോയിന്റിന്റെ വ്യത്യാസം മാത്രമാണ്‌ പാലക്കാടും എറണാകുളവും തമ്മിലുള്ളത്‌. നിലവിലെ ചാമ്പ്യന്‍മാരായ എറണാകുളത്തിന്‌ 219 പോയിന്റുകളാണ്‌ ഇതുവരെയുള്ളത്‌. പാലക്കാട്‌ 197 പോയിന്റുകളുമായാണ്‌ എറണാകുളത്തെ വെല്ലുവിളിക്കുന്നത്‌. മൂന്നാം സ്‌ഥാനത്തുനില്‍ക്കുന്ന മലപ്പുറത്തിന്‌ 51 പോയിന്റു മാത്രമാണ്‌ നേടാനായത്‌. കോഴിക്കോടിന്റെ സമ്പാദ്യം 44 പോയിന്റാണ്‌.

സ്‌കൂളുകളില്‍ നിലവിലെ ചാമ്പ്യന്‍മാരായ കോതമംഗലം സെന്റ്‌ ജോര്‍ജ്‌ സ്‌കൂളിനെ ബഹുദൂരം പിന്നിലാക്കിയാണ്‌ മാര്‍ ബേസില്‍ അമരത്തായത്‌. 119 പോയിന്റ്‌ ഇതുവരെ മാര്‍ ബേസില്‍ നേടി. ചാമ്പ്യന്‍മാരായ സെന്റ്‌ ജോര്‍ജ്‌ 54 പോയിന്റുമായി പട്ടികയില്‍ നാലാമതാണ്‌. സംസ്‌ഥാന സ്‌കൂള്‍ കായികമേളയിലെ രണ്ടാം സ്‌ഥാനമെന്ന സ്വപ്‌നവുമായി ഇറങ്ങിയ പാലക്കാട്‌ കല്ലടി സ്‌കൂള്‍ ലക്ഷ്യത്തിലേക്കുള്ള പോക്കിലാണ്‌. ഇതുവരെ 62 പോയിന്റുകള്‍ സ്വന്തം പേരില്‍ കുറിച്ച കല്ലടി മുന്നാം സ്‌ഥാനത്തു തന്നെയുണ്ട്‌. 63 പോയിന്റുള്ള പറളിയാണ്‌ രണ്ടാമത്‌. പറളിയുടെ മത്സരങ്ങള്‍ ഏറെക്കുറെ അസാനിച്ച സാഹചര്യത്തില്‍ ആവസാന ദിനമായ ഇന്ന്‌ മുന്നേറാമെന്ന പ്രതീക്ഷയിലാണ്‌ കല്ലടിക്കാര്‍. കിരീട പ്രതീക്ഷ നഷ്‌ടമായി നിലനില്‍പ്പിനുള്ള പോരാട്ടം നടത്തുന്ന സെന്റ്‌ ജോര്‍ജിനോടാണ്‌ കല്ലടിയുടെ മത്സരം. പക്ഷേ പോള്‍വാള്‍ട്ടിലുള്‍പ്പെടെ ചില ഇനങ്ങളില്‍ അവസാന ദിനത്തില്‍ കല്ലടിക്ക്‌ ഉറച്ച പ്രതീക്ഷയാണുള്ളത്‌. മുണ്ടൂര്‍ സ്‌കൂള്‍ അഞ്ചാമതാണ്‌. ആദ്യ രണ്ടു ദിനവും പോയിന്റു നിലയില്‍ പിന്നാക്കമായിരുന്ന സെന്റ്‌ ജോര്‍ജ്‌ ഇന്നലെ കുറച്ചെങ്കിലും പോയിന്റുകള്‍ നേടിയതാണ്‌ പട്ടികയില്‍ താഴെ വിഴാതിരിക്കാന്‍ എറണാകുളത്തെ സഹായിച്ചത്‌.