മൂക്കന്നൂര്‍ സെഹിയോന്‍ പള്ളിയില്‍ പെരുന്നാള്‍ തുടങ്ങി

അങ്കമാലി: മൂക്കന്നൂര്‍ സെന്റ് ജോര്‍ജ് സെഹിയോന്‍ പള്ളിയില്‍ പ്രതിഷ്ഠാ പെരുന്നാളും സുവിശേഷ യോഗവും തുടങ്ങി. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ കൊടിയേറ്റി. സുവിശേഷ യോഗത്തില്‍ എ.വി. ജേക്കബ് കോര്‍ എപ്പിസ്‌ക്കോപ്പ അധ്യക്ഷനായി. ഫാ. വര്‍ഗീസ് അരീയ്ക്കല്‍, ഫാ. ജേക്കബ് മാത്യു, ഫാ. കെ.ടി. യാക്കോബ്, ഫാ. ഏല്യാസ് ഐപ്പ്, ഫാ. പോള്‍ പാറയ്ക്ക, പി.എം. ഏല്യാസ്, കെ.ഐ. പൗലോസ്, പി.വി. തമ്പി എന്നിവര്‍ പ്രസംഗിച്ചു.

ഞായറാഴ്ച 9ന് യൂഹാനോന്‍ മോര്‍ മിലിത്തിയോസ് മെത്രാപ്പോലീത്തയുടെ മുഖ്യ കാര്‍മ്മികത്വത്തില്‍ കുര്‍ബാന, തുടര്‍ന്ന് പ്രദക്ഷിണം, പാച്ചോര്‍ നേര്‍ച്ച, വൈകീട്ട് 5.15ന് സന്ധ്യാ പ്രാര്‍ത്ഥന, ഭക്തസംഘടനകളുടെ വാര്‍ഷികം, കലാപരിപാടികള്‍ എന്നിവ ഉണ്ടാകും.

നന്മകള്‍ സമൂഹത്തിന് വഴികാട്ടിയാകണം -ശ്രേഷ്ഠബാവ

കോലഞ്ചേരി: വ്യക്തിപരമായ നന്മകള്‍ സമൂഹത്തിന് വഴികാട്ടിയാകണമെന്ന് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ പറഞ്ഞു. കുറ്റ സെന്റ് ജോര്‍ജ് യാക്കോബായ പള്ളിയില്‍ ഒരുവര്‍ഷം നീണ്ടുനിന്ന ജൂബിലി ആഘോഷങ്ങളുടെ സമാപന സമ്മേളനം ഉദ്ഘാടനംചെയ്ത് പ്രസംഗിക്കുകയായിരുന്നു ബാവ.

ഡോ. എബ്രഹാം മാര്‍ സേവേറിയോസ് മെത്രാപ്പോലീത്തയുടെ അധ്യക്ഷതയില്‍ നടന്ന സമ്മേളനത്തില്‍ നിര്‍ധനര്‍ക്കുള്ള വീടിന്റെ താക്കോല്‍ദാനവും വാര്‍ധക്യകാല പെന്‍ഷന്‍പദ്ധതിയും സോവനീര്‍ പ്രകാശനവും നടത്തി. ബ്ലോക്ക് പഞ്ചായത്തംഗം ടി.കെ. പോള്‍, വികാരി ഫാ. റെമി എബ്രഹാം, ഫാ. ജോര്‍ജ് കൂരന്‍, ഫാ. സി.കെ. സാജു, ഫാ. ഡാനിയേല്‍ തട്ടാറയില്‍, ഫാ. ഡോ. ജോര്‍ജ് വര്‍ഗീസ്, ഫാ. ജെയ്‌സന്‍ വര്‍ഗീസ്, ഫാ. ജിജോ വര്‍ഗീസ്, മെമ്പര്‍മാരായ എം.എ. മോഹനന്‍, അബ്ദുള്‍ ജബ്ബാര്‍, ട്രസ്റ്റിമാരായ തമ്പി, എല്‍ദോ എന്നിവര്‍ പ്രസംഗിച്ചു.

പിറവം സെന്‍റ് മേരീസ്‌ യാക്കോബായ സുറിയാനി പള്ളിയില്‍ ഇടവക സംഗമം

പിറവം: സെന്‍റ് മേരീസ്‌ യാക്കോബായ സുറിയാനി പള്ളിയിലെ ഇടവക സംഗമം ഡിസംബര്‍ 17 ,18 (ശനി,ഞായര്‍) തീയതികളില്‍ നടക്കും.17 ന് ഉച്ചകഴിഞ്ഞു 2 മണിക്ക് യൂത്ത് അസോസിയേഷന്റെയും കേഫ യൂണിറ്റിന്റെയും ആഭിമുഖ്യത്തില്‍ പാത്രിയര്‍ക്ക പതാക വഹിച്ചുകൊണ്ടുള്ള വിളംബര റാലി രാവിലെ പള്ളിയില്‍ നിന്നും ആരംഭിച്ചു ഇടവകയുടെ വിവിധ സ്ഥലങ്ങളിലെ കുടുംബ യൂണിറ്റുകളുടെ സ്വീകരണങ്ങള്‍ക്ക് ശേഷം തിരികെ പിറവം വലിയ പള്ളിയില്‍ എത്തിച്ചേരും. ഡിസംബര്‍ 19 ഞായറാഴ്ച ഉച്ചകഴിഞ്ഞ് 3 .30 ന് കുടുംബയൂണിറ്റുകളുടെ റാലി സെന്‍റ് ജോസഫ്‌ സ്കൂള്‍ ഗ്രൗണ്ടില്‍ നിന്നും ആരംഭിക്കും. ശ്രേഷ്ഠ കാതോലിക്ക ബാവയെയും അഭി.മെത്രാപ്പോലിത്തമാരെയും അലങ്കരിച്ച വാഹനത്തില്‍ റാലിയില്‍ പള്ളിയിലേയ്ക്ക് സ്വീകരിച്ചാനയിക്കും.
റാലി പള്ളിയില്‍ എത്തിചേരുമ്പോള്‍ പൊതു സമ്മേളനം ആരംഭിക്കും.വലിയ പള്ളി വികാരി വന്ദ്യ സൈമണ്‍ ചെല്ലിക്കട്ടില്‍ കോര്‍ എപ്പിസ്കോപ്പ സ്വാഗതം ആശംസിക്കും. ഇടവക മെത്രാപോലീത്ത അഭി.മാത്യൂസ്‌ മോര്‍ ഇവാനിയോസ്‌ അദ്ധ്യക്ഷത വഹിക്കുന്ന യോഗത്തില്‍ ബഹുമാനപ്പെട്ട സംസ്ഥാന എക്സൈസ് വകുപ്പ് മന്ത്രി ശ്രീ കെ.ബാബു സംഗമം ഉദ്ഘാടനം ചെയ്യും.കിഴക്കിന്റെ കാതോലിക്ക ആബൂന്‍ മോര്‍ ബസ്സേലിയോസ്‌ തോമസ്‌ പ്രഥമന്‍ ബാവ അനുഗ്രഹ പ്രഭാഷണം നടത്തും.
പരി.എപ്പിസ്കോപ്പല്‍ സുന്നഹദോസ്‌ സെക്രട്ടറി അഭി ഡോ. ജോസഫ്‌ മോര്‍ ഗ്രീഗോറിയോസ്‌ മെത്രാപോലീത്ത,അഭി.എലിയാസ് മോര്‍ അത്താനാസിയോസ് മെത്രാപോലീത്ത, അഭി.കുര്യാക്കോസ് മോര്‍ തെയോഫിലാസ് മെത്രാപോലീത്ത, അഭി. ഐസക് മോര്‍ ഒസ്താത്തിയോസ് മെത്രാപോലീത്ത, ശ്രീ ജോസ് കെ മണി എം പി, കമാണ്ടര്‍ ബെന്നി ബഹനാന്‍ ,ബാര്‍ ഈത്തോ മഹീറോ തമ്പു ജോര്‍ജ് തുകലന്‍ (സഭ സെക്രട്ടറി), കമാണ്ടര്‍ ജോര്‍ജ് മാത്യു തെക്കേതലക്കല്‍(സഭ ട്രസ്റ്റീ )ശ്രീ സാബു കെ ജേക്കബ്‌ (പിറവം ഗ്രാമ പഞ്ചായത്ത് പ്രസിഡണ്ട്‌ ) ഫാ ഗീവര്‍ഗീസ് തെറ്റാലില്‍, ട്രസ്റ്റി ശ്രീ മത്തായി തെക്കുംമൂട്ടില്‍,സഭ മാനേജിംഗ് കമ്മിറ്റി അംഗങ്ങളായ ഷെവ.അബ്രാഹം ജോസഫ്‌ പേങ്ങനമറ്റത്തില്‍,ഭദ്രാസന കൌണ്‍സില്‍ അംഗം ശ്രീ സ്കറിയ തച്ചാമറ്റം,സണ്‍‌ഡേ സ്കൂള്‍ ഡയറക്ടര്‍ ശ്രീ തോമസ്‌ മണപ്പാട്ട് , ശ്രീ എം പി യാക്കോബ് (സണ്‍‌ഡേ സ്കൂള്‍ ഹെഡ്മാസ്റ്റര്‍ ) ശ്രീ സാബു കോട്ടയില്‍ (യൂത്ത് അസോസിയേഷന്‍ സെക്രട്ടറി) ശ്രീ ബിജു വര്‍ഗീസ് (സെക്രട്ടറി, സത്യ വിശ്വാസ സംരക്ഷണ സമിതി) ശ്രീ ബിനീഷ്(കേഫ സെക്രട്ടറി) ശ്രീമതി കുഞ്ഞുമോള്‍ ജോര്‍ജ് (മര്‍ത്ത മറിയം വനിതാസമാജം സെക്രട്ടറി) എന്നിവര്‍ ആശംസകളര്‍പ്പിച്ചു സംസാരിക്കും. ‌തുടര്‍ന്ന് സമ്മാനദാനം നിര്‍വ്വഹിക്കും.കുടുംബ യൂണിറ്റു സെക്രട്ടറി ശ്രീ ഷാജു ഇലഞ്ഞിമറ്റത്തില്‍ റിപ്പോര്‍ട്ട് അവതരിപ്പിക്കും.കുടുംബ യൂണിറ്റു കോ ഓര്‍ഡിനേറ്റര്‍ റവ.ഫാ വര്‍ഗീസ് പനച്ചിയില്‍ നന്ദി പറയും.

മേഖല ധ്യാന യോഗം

കിഴക്കമ്പലം: യാക്കോബായ സുറിയാനി സഭയുടെ അഖില മലങ്കര സുവിശേഷ യോഗത്തിന്റെ മുന്നോടിയായി പള്ളിക്കര മലേക്കുരിശു പള്ളിയില്‍ മേഖല ധ്യാനയോഗം നടത്തി. സുവിശേഷസംഘം പ്രസിഡന്റ് ഏലിയാസ് മാര്‍ അത്തനാസ്യോസ് ഉദ്ഘാടനംചെയ്തു. കത്തീഡ്രല്‍ വികാരി ഫാ. ബാബു വര്‍ഗീസ് അധ്യക്ഷനായി. ജോര്‍ജ് മാന്തോട്ടം കോറെപ്പിസ്‌കോപ്പ ധ്യാനപ്രസംഗം നടത്തി. ഫാ. സി.പി. വര്‍ഗീസ്, ഫാ. എല്‍ദോസ് തേലപ്പിള്ളി, എന്നിവര്‍ പ്രസംഗിച്ചു.

നടുവട്ടം പള്ളിയില്‍ ഓര്‍മപ്പെരുന്നാള്‍

കാലടി: നടുവട്ടം സെന്റ് മേരീസ് യാക്കോബായ സുറിയാനി പള്ളിയില്‍ വിശുദ്ധ ദൈവമാതാവിന്റെ ഓര്‍മപ്പെരുന്നാള്‍ ജനവരി 13 മുതല്‍ 15 വരെ ആഘോഷിക്കും. 13 ന് 5.30 ന് കൊടിയേറ്റും. 14 ന് വിശുദ്ധ മൂന്നിന്മേല്‍ കുര്‍ബാന, സന്ധ്യാപ്രാര്‍ത്ഥന, പ്രദക്ഷിണം. 15 ന് വിശുദ്ധകുര്‍ബാന, പ്രദക്ഷിണം, നേര്‍ച്ചസദ്യ. വികാരി ഫാ. എബ്രഹാം കൂളിയാട്ടില്‍, ബെന്നി അറയ്ക്കപ്പറമ്പില്‍, എ.എം.ചെറിയാന്‍, എ.വൈ.ജിനു, എം.ഡി.പൗലോസ്, എ.വി.ജോര്‍ജ് എന്നിവര്‍ നേതൃത്വം നല്‍കുന്ന ആഘോഷകമ്മിറ്റി രൂപവത്കരിച്ചു.

ശ്രേഷ്ഠ ഇടയന്‍പദവി ലഭിച്ചു

 മലങ്കര യാക്കോബായ സുറിയാനി സഭയിലെ സീനിയര്‍ മെത്രാപ്പോലീത്ത ഡോ. എബ്രഹാം മാര്‍ സേവേറിയോസിന് ശ്രേഷ്ഠ ഇടയന്‍ എന്ന പദവി ലഭിച്ചു. ദമാസ്‌കസിലെ പാത്രിയാര്‍ക്കാ അരമനയില്‍ നടന്ന സമര്‍പ്പണ ചടങ്ങില്‍ മാര്‍ മര്‍ത്ത്യാസ് പീലക്‌സിനോസ്, മാര്‍ മത്താറോഹോം, മാര്‍ തിമോത്തിയോസ് തുടങ്ങിയവര്‍ സംബന്ധിച്ചു. പരിശുദ്ധ ഇഗ്‌നാത്തിയോസ് സഖാ പാത്രിയാര്‍ക്കീസ് ബാവ മുഖ്യകാര്‍മികത്വംവഹിച്ചു.

ക്രിസ്മസ് ആഘോഷവും പുരോഹിതരെ ആദരിക്കലും ഇന്ന്

കൊച്ചി: യാക്കോബായ സഭ ക്രിസ്മസ് ആഘോഷവും ഗാനോത്സവവും പുരോഹിതരെ ആദരിക്കലും  ഇന്ന് നടത്തും. പെരുമ്പാവൂര്‍ മാര്‍ ഗബ്രിയേല്‍ പ്രാര്‍ത്ഥനാ കേന്ദ്രത്തില്‍ വൈകിട്ട് അഞ്ചിന്, സഭാവക്താവ് ഫാ. വര്‍ഗീസ് കല്ലാപ്പാറ, ഫാ. കെ.കെ. ഗീവര്‍ഗീസ്, ഫാ. കെ.ഐ. ജോര്‍ജ്, ഫാ. വര്‍ഗീസ് കൊച്ചുപുര, ഫാ. പ്രൊഫ. മത്തായി പാടത്ത്, ഫാ. ഗീവര്‍ഗീസ് കാരമേല്‍, അറക്കല്‍ വര്‍ഗീസ് കോര്‍ എപ്പിസ്‌കോപ്പ, വല്ലാപ്പിള്ളി കുര്യാക്കോസ് കോര്‍ എപ്പിസ്‌കോപ്പ എന്നിവരെ ആദരിക്കും.

വിശ്വാസ സംരക്ഷണസമിതി വര്‍ക്കിങ് കമ്മിറ്റി

കൊച്ചി: യാക്കോബായ സഭയിലെ വിശ്വാസ സംരക്ഷണ സമിതിയുടെ വര്‍ക്കിങ് കമ്മിറ്റി യോഗം 12ന് മൂന്നുമണിക്ക് പുത്തന്‍കുരിശ് പാത്രിയാര്‍ക്കാ സെന്ററില്‍ ചേരും. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ അധ്യക്ഷനാകും.

മുല്ലപ്പെരിയാര്‍ സംരക്ഷിക്കൂ, കേരള ജനതയെ രക്ഷിക്കൂ"

"മുല്ലപ്പെരിയാര്‍ സംരക്ഷിക്കൂ, കേരള ജനതയെ രക്ഷിക്കൂ" എന്നാ 

മുദ്രാവാക്യം ഉയര്‍ത്തി കരിങ്ങാച്ചിറ സെന്‍റ് ജോര്‍ജ് കത്തീഡ്രല്‍ 

യൂത്ത് അസോസിയേഷന്‍ നടത്തിയ ഒപ്പ് ശേഖരണ കാംമ്പൈന്‍ 

അഭി.കുര്യാക്കോസ് മോര്‍ തെയോഫിലോസ് മെത്രാപ്പോലിത്ത 

ഉദ്ഘാടനം ചെയ്യുന്നു.വലിയ ക്യാന്‍വാസിലായി ഒരു ലക്ഷം 

പേരുടെ ഒപ്പുകള്‍ ശേഖരിച്ചു കഴിഞ്ഞു.ജനങ്ങളുടെ ആശങ്കകളു

ടെ പ്രതീകമായി ഇത് പ്രധാനമന്ത്രിക്ക് അയച്ചു കൊടുക്കും.

മണ്ണത്തൂര്‍ പള്ളി; തര്‍ക്കം തീര്‍ക്കാന്‍ കലക്‌ടര്‍ ചര്‍ച്ച തുടങ്ങി

കൊച്ചി: മണ്ണത്തൂര്‍ സെന്റ്‌ ജോര്‍ജ്‌ യാക്കോബായ പള്ളിയില്‍ ആരാധനയര്‍പ്പിക്കുന്നതു സംബന്ധിച്ച്‌ യാക്കോബായ, ഓര്‍ത്തഡോക്‌സ് വിഭാഗങ്ങള്‍ തമ്മിലുള്ള തര്‍ക്കം പരിഹരിക്കുന്നതിന്‌ ജില്ലാ കലക്‌ടര്‍ ഇരുവിഭാഗവുമായി ഇന്ന്‌ ചര്‍ച്ച നടത്തും. പ്രാഥമിക ചര്‍ച്ചയ്‌ക്കുശേഷം മൂവാറ്റുപുഴ ആര്‍.ഡി.ഒ. കൂടുതല്‍ ചര്‍ച്ചകള്‍ക്കായി കലക്‌ടറോട്‌ അഭ്യര്‍ഥിക്കുകയും ചെയ്‌തിരുന്നു. അതിന്റെ അടിസ്‌ഥാനത്തില്‍ വ്യാഴാഴ്‌ച രാത്രി കലക്‌ടര്‍ പി.ഐ. ഷേക്‌പരീത്‌ യാക്കോബായ വിഭാഗവുമായി ചര്‍ച്ച നടത്തി. ഓര്‍ത്തഡോക്‌സ് വിഭാഗം ഇന്ന്‌ കുര്‍ബാന നടത്തുമെന്ന്‌ അഭ്യൂഹമുയര്‍ന്നിരുന്നെങ്കിലും ഇരുവിഭാഗത്തിനും ഇന്നലെ കുര്‍ബാന നടത്താന്‍ അനുമതി ലഭിച്ചില്ല

മുല്ലപെരിയാര്‍ അധിവേഗ പരിഹാരം വേണം: ശ്രേഷ്ഠ ബാവ

Read Manorama

കൊല്‍ക്കത്ത ആശുപത്രിയില്‍ തീപിടുത്തം: 84 പേര്‍ മരിച്ചു‍‍

കൊല്‍ക്കത്ത: ദക്ഷിണ കൊല്‍ക്കത്തയിലെ ധാകൂരിയയിലെ എഎംആര്‍ഐ ആശുപത്രിയിലുണ്ടായ തീപിടുത്തത്തില്‍ 84 പേര്‍ മരിച്ചതായി സ്ഥിരീകരണം. മരിച്ചവരില്‍ ഭൂരിപക്ഷവും രോഗികളാണ് . അത്യാഹിത വിഭാഗത്തില്‍ ചികിത്സയിലായിരുന്ന എല്ലാ രോഗികളും മരിച്ചു. ഇവിടെ 40 പേരാണ് ചികിത്സയിലുണ്ടായിരുന്നത് . മരണസംഖ്യ ഇനിയും ഉയരുമെന്നാണ് സൂചന. അപകടത്തില്‍ രണ്ട് മലയാളി നഴ്‌സുമാരും മരിച്ചു.കോട്ടയം ജില്ലയിലെ കോതനല്ലൂര്‍ പുളിക്കല്‍ കുഞ്ഞുമോന്റെ മകള്‍ വിനീത (23), ഉഴവൂര്‍ ഏച്ചേരില്‍ പരേതനായ രാജപ്പന്റെ മകള്‍ രമ്യാ രാജപ്പന്‍ (24) എന്നിവരാണ് മരിച്ച മലയാളികള്‍. 

അഖില മലങ്കര സുവിശേഷ യോഗം: പന്തലിന് കാല്‍നാട്ടല്‍ 11ന്

കോലഞ്ചേരി: യാക്കോബായ സഭയുടെ 22-ാമത് അഖില മലങ്കര സുവിശേഷ യോഗത്തിന്റെ പന്തല്‍കാല്‍നാട്ട് കര്‍മം ഞായറാഴ്ച നടക്കും. വൈകീട്ട് 4ന് പുത്തന്‍കുരിശ് പാത്രിയര്‍ക്കാ സെന്റര്‍ ഗ്രൗണ്ടില്‍ ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ കാല്‍നാട്ടുകര്‍മത്തിന് മുഖ്യകാര്‍മികനാകും. അന്‍പതിനായിരം പേര്‍ക്ക് ഇരിക്കാവുന്ന പന്തലാണ് നിര്‍മിക്കുന്നത്. 26 മുതല്‍ 31 വരെ നടക്കുന്ന സുവിശേഷ മഹായോഗത്തിന്റെ ചിന്താവിഷയം ''ജീവന്റെ വഴി'' എന്നതായിരിക്കുമെന്ന് പബ്ലിസിറ്റി കണ്‍വീനര്‍ മോന്‍സി വാവച്ചന്‍ അറിയിച്ചു.

പള്ളികളും പള്ളിവക സ്വത്തുകളും ഇടവക ജനങ്ങളുടേതാണെന്ന് ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ.

കോലഞ്ചേരി: പള്ളികളും പള്ളിവക സ്വത്തുകളും ഇടവക ജനങ്ങളുടേതാണെന്ന് ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ. കോലഞ്ചേരി പള്ളിത്തര്‍ക്കം സംബന്ധിച്ച് ചേര്‍ന്ന മാനേജിങ് കമ്മിറ്റിയുടെയും ഭക്തസംഘടനാ ഭാരവാഹികളുടെയും യോഗം ഉദ്ഘാടനം ചെയ്യുകയായിരുന്നു ബാവ. തര്‍ക്കമുള്ള പള്ളികളില്‍ ഹിതപരിശോധന നടത്തി ഭൂരിപക്ഷത്തിന് വിട്ടുകൊടുക്കണമെന്നും ന്യൂനപക്ഷത്തിന് ആരാധനാ സ്വാതന്ത്ര്യം അനുവദിക്കണമെന്നും ബാവ ആവശ്യപ്പെട്ടു. യോഗത്തില്‍ ഭദ്രസനാധിപന്‍ ഡോ. മാത്യൂസ മാര്‍ ഈവാനിയോസ് അധ്യക്ഷനായി. സഭാ സെക്രട്ടറി തമ്പൂ ജോര്‍ജ് തുകലന്‍, സ്ലിബാ പോള്‍ വട്ടവേലില്‍ കോര്‍ എപ്പിസ്‌കോപ്പ, ഫാ. വര്‍ഗീസ് ഇടുമാരി, ഫാ. ബേബി മാനാത്ത്, സ്ലീബ ഐക്കരകുന്നത്ത്, ജോണി മനിച്ചേരില്‍, ബാബുപോള്‍, കെ.എ. തമ്പി, പൗലോസ് പി. കുന്നത്ത്, കെ.എസ്. വര്‍ഗീസ്, നിബു കെ. കുര്യാക്കോസ് എന്നിവര്‍ പ്രസംഗിച്ചു.

കുറ്റ സെന്റ് ജോര്‍ജ് പള്ളിയില്‍ സില്‍വര്‍ജൂബിലി സമാപനവും പെരുന്നാളും

കോലഞ്ചേരി: കുറ്റ സെന്റ് ജോര്‍ജ് യാക്കോബായ പള്ളിയിലെ മൂറോന്‍ അഭിഷേക കൂദാശയുടെ സില്‍വര്‍ ജൂബിലി ആഘോഷങ്ങളുടെ സമാപനവും പരിശുദ്ധ പൗലോസ് മാര്‍ കൂറിലോസ് മെത്രാപ്പോലീത്തായുടെ ഓര്‍മപ്പെരുന്നാളും 9 മുതല്‍ 11 വരെ നടത്തുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു. വെള്ളിയാഴ്ച വൈകീട്ട് 6.30നാണ് ജൂബിലി സമാപന സമ്മേളനം. ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവയുടെ അധ്യക്ഷതയില്‍ ഗതാഗത-ദേവസ്വം മന്ത്രി വി.എസ്. ശിവകുമാര്‍ ഉദ്ഘാടനം ചെയ്യും. ഡോ. എബ്രഹാം മാര സേവേറിയോസ് മെത്രാപ്പോലീത്ത മുഖ്യപ്രഭാഷണവും നിര്‍ധനര്‍ക്കായി നിര്‍മിച്ച് നല്‍കുന്ന വീടിന്റെ താക്കോല്‍ദാനവും നടത്തും. വി.പി. സജീന്ദ്രന്‍ എം.എല്‍.എ. സോവനീര്‍ പ്രകാശനം ചെയ്യും. കലാപരിപാടികളും ഉണ്ടാകും. ശനിയാഴ്ച എട്ടിന് വി. കുര്‍ബാന, വൈകീട്ട് 7.45ന് പ്രദക്ഷിണം ഞായറാഴ്ച രാവിലെ 8.30ന് വി. കുര്‍ബാന, പ്രദക്ഷിണം, നേര്‍ച്ച സദ്യ എന്നിവയുണ്ടാകും. പത്രസമ്മേളനത്തില്‍ വികാരി ഫാ. റെമി എബ്രഹാം വലിയപറമ്പില്‍, കെ.കെ. തമ്പി, മനോജ് ബാബു എന്നിവര്‍ സംബന്ധിച്ചു.