കൊച്ചി: യാക്കോബായ സഭയിലെ വിശ്വാസ സംരക്ഷണ സമിതിയുടെ വര്‍ക്കിങ് കമ്മിറ്റി യോഗം 12ന് മൂന്നുമണിക്ക് പുത്തന്‍കുരിശ് പാത്രിയാര്‍ക്കാ സെന്ററില്‍ ചേരും. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ അധ്യക്ഷനാകും.
യാക്കോബായ യൂത്ത് അസോസിയേഷന്‍ അങ്കമാലി ഭദ്രാസനം
"സെന്റ് മേരീസ്‌ യൂത്ത് വോയിസില്‍" വാര്‍ത്തകള്‍ തരാന്‍ ആഗ്രഹിക്കുന്നവര്‍ editor.akhilshaju@gmail.com എന്ന മെയിലിലേയ്ക്ക് വാര്‍ത്തകളും ഫോട്ടോസും മെയില്‍ ചെയ്യുകയോ 9809626508 എന്ന നമ്പറിലേയ്ക്ക് വിളിക്കുകയോ ചെയ്യുക
Sunday, December 11, 2011
Saturday, December 10, 2011
മുല്ലപ്പെരിയാര്‍ സംരക്ഷിക്കൂ, കേരള ജനതയെ രക്ഷിക്കൂ"
"മുല്ലപ്പെരിയാര്‍ സംരക്ഷിക്കൂ, കേരള ജനതയെ രക്ഷിക്കൂ" എന്നാ
മുദ്രാവാക്യം ഉയര്‍ത്തി കരിങ്ങാച്ചിറ സെന്റ് ജോര്ജ് കത്തീഡ്രല്‍
യൂത്ത് അസോസിയേഷന്‍ നടത്തിയ ഒപ്പ് ശേഖരണ കാംമ്പൈന്‍
അഭി.കുര്യാക്കോസ് മോര്‍ തെയോഫിലോസ് മെത്രാപ്പോലിത്ത
ഉദ്ഘാടനം ചെയ്യുന്നു.വലിയ ക്യാന്‍വാസിലായി ഒരു ലക്ഷം
പേരുടെ ഒപ്പുകള്‍ ശേഖരിച്ചു കഴിഞ്ഞു.ജനങ്ങളുടെ ആശങ്കകളു
ടെ പ്രതീകമായി ഇത് പ്രധാനമന്ത്രിക്ക് അയച്ചു കൊടുക്കും.
മണ്ണത്തൂര്‍ പള്ളി; തര്‍ക്കം തീര്‍ക്കാന്‍ കലക്‌ടര്‍ ചര്‍ച്ച തുടങ്ങി
കൊച്ചി: മണ്ണത്തൂര്‍ സെന്റ് ജോര്ജ് യാക്കോബായ പള്ളിയില്‍ ആരാധനയര്‍പ്പിക്കുന്നതു സംബന്ധിച്ച് യാക്കോബായ, ഓര്‍ത്തഡോക്‌സ് വിഭാഗങ്ങള്‍ തമ്മിലുള്ള തര്‍ക്കം പരിഹരിക്കുന്നതിന്‌ ജില്ലാ കലക്‌ടര്‍ ഇരുവിഭാഗവുമായി ഇന്ന്‌ ചര്‍ച്ച നടത്തും. പ്രാഥമിക ചര്‍ച്ചയ്‌ക്കുശേഷം മൂവാറ്റുപുഴ ആര്‍.ഡി.ഒ. കൂടുതല്‍ ചര്‍ച്ചകള്‍ക്കായി കലക്‌ടറോട്‌ അഭ്യര്‍ഥിക്കുകയും ചെയ്‌തിരുന്നു. അതിന്റെ അടിസ്ഥാനത്തില് വ്യാഴാഴ്ച രാത്രി കലക്‌ടര്‍ പി.ഐ. ഷേക്‌പരീത്‌ യാക്കോബായ വിഭാഗവുമായി ചര്‍ച്ച നടത്തി. ഓര്‍ത്തഡോക്‌സ് വിഭാഗം ഇന്ന്‌ കുര്‍ബാന നടത്തുമെന്ന് അഭ്യൂഹമുയര്‍ന്നിരുന്നെങ്കിലും ഇരുവിഭാഗത്തിനും ഇന്നലെ കുര്‍ബാന നടത്താന്‍ അനുമതി ലഭിച്ചില്ല
Friday, December 09, 2011
കൊല്‍ക്കത്ത ആശുപത്രിയില്‍ തീപിടുത്തം: 84 പേര്‍ മരിച്ചു
കൊല്‍ക്കത്ത: ദക്ഷിണ കൊല്‍ക്കത്തയിലെ ധാകൂരിയയിലെ എഎംആര്‍ഐ ആശുപത്രിയിലുണ്ടായ തീപിടുത്തത്തില്‍ 84 പേര്‍ മരിച്ചതായി സ്ഥിരീകരണം. മരിച്ചവരില്‍ ഭൂരിപക്ഷവും രോഗികളാണ് . അത്യാഹിത വിഭാഗത്തില്‍ ചികിത്സയിലായിരുന്ന എല്ലാ രോഗികളും മരിച്ചു. ഇവിടെ 40 പേരാണ് ചികിത്സയിലുണ്ടായിരുന്നത് . മരണസംഖ്യ ഇനിയും ഉയരുമെന്നാണ് സൂചന. അപകടത്തില്‍ രണ്ട് മലയാളി നഴ്‌സുമാരും മരിച്ചു.കോട്ടയം ജില്ലയിലെ കോതനല്ലൂര്‍ പുളിക്കല്‍ കുഞ്ഞുമോന്റെ മകള്‍ വിനീത (23), ഉഴവൂര്‍ ഏച്ചേരില്‍ പരേതനായ രാജപ്പന്റെ മകള്‍ രമ്യാ രാജപ്പന്‍ (24) എന്നിവരാണ് മരിച്ച മലയാളികള്‍.
അഖില മലങ്കര സുവിശേഷ യോഗം: പന്തലിന് കാല്‍നാട്ടല്‍ 11ന്
കോലഞ്ചേരി: യാക്കോബായ സഭയുടെ 22-ാമത് അഖില മലങ്കര സുവിശേഷ യോഗത്തിന്റെ പന്തല്‍കാല്‍നാട്ട് കര്‍മം ഞായറാഴ്ച നടക്കും. വൈകീട്ട് 4ന് പുത്തന്‍കുരിശ് പാത്രിയര്‍ക്കാ സെന്റര്‍ ഗ്രൗണ്ടില്‍ ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ കാല്‍നാട്ടുകര്‍മത്തിന് മുഖ്യകാര്‍മികനാകും. അന്‍പതിനായിരം പേര്‍ക്ക് ഇരിക്കാവുന്ന പന്തലാണ് നിര്‍മിക്കുന്നത്. 26 മുതല്‍ 31 വരെ നടക്കുന്ന സുവിശേഷ മഹായോഗത്തിന്റെ ചിന്താവിഷയം ''ജീവന്റെ വഴി'' എന്നതായിരിക്കുമെന്ന് പബ്ലിസിറ്റി കണ്‍വീനര്‍ മോന്‍സി വാവച്ചന്‍ അറിയിച്ചു.
Thursday, December 08, 2011
പള്ളികളും പള്ളിവക സ്വത്തുകളും ഇടവക ജനങ്ങളുടേതാണെന്ന് ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ.
കോലഞ്ചേരി: പള്ളികളും പള്ളിവക സ്വത്തുകളും ഇടവക ജനങ്ങളുടേതാണെന്ന് ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ. കോലഞ്ചേരി പള്ളിത്തര്‍ക്കം സംബന്ധിച്ച് ചേര്‍ന്ന മാനേജിങ് കമ്മിറ്റിയുടെയും ഭക്തസംഘടനാ ഭാരവാഹികളുടെയും യോഗം ഉദ്ഘാടനം ചെയ്യുകയായിരുന്നു ബാവ. തര്‍ക്കമുള്ള പള്ളികളില്‍ ഹിതപരിശോധന നടത്തി ഭൂരിപക്ഷത്തിന് വിട്ടുകൊടുക്കണമെന്നും ന്യൂനപക്ഷത്തിന് ആരാധനാ സ്വാതന്ത്ര്യം അനുവദിക്കണമെന്നും ബാവ ആവശ്യപ്പെട്ടു. യോഗത്തില്‍ ഭദ്രസനാധിപന്‍ ഡോ. മാത്യൂസ മാര്‍ ഈവാനിയോസ് അധ്യക്ഷനായി. സഭാ സെക്രട്ടറി തമ്പൂ ജോര്ജ് തുകലന്‍, സ്ലിബാ പോള്‍ വട്ടവേലില്‍ കോര്‍ എപ്പിസ്‌കോപ്പ, ഫാ. വര്‍ഗീസ് ഇടുമാരി, ഫാ. ബേബി മാനാത്ത്, സ്ലീബ ഐക്കരകുന്നത്ത്, ജോണി മനിച്ചേരില്‍, ബാബുപോള്‍, കെ.എ. തമ്പി, പൗലോസ് പി. കുന്നത്ത്, കെ.എസ്. വര്‍ഗീസ്, നിബു കെ. കുര്യാക്കോസ് എന്നിവര്‍ പ്രസംഗിച്ചു.
കുറ്റ സെന്റ് ജോര്ജ് പള്ളിയില്‍ സില്‍വര്‍ജൂബിലി സമാപനവും പെരുന്നാളും
കോലഞ്ചേരി: കുറ്റ സെന്റ് ജോര്ജ് യാക്കോബായ പള്ളിയിലെ മൂറോന്‍ അഭിഷേക കൂദാശയുടെ സില്‍വര്‍ ജൂബിലി ആഘോഷങ്ങളുടെ സമാപനവും പരിശുദ്ധ പൗലോസ് മാര്‍ കൂറിലോസ് മെത്രാപ്പോലീത്തായുടെ ഓര്‍മപ്പെരുന്നാളും 9 മുതല്‍ 11 വരെ നടത്തുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു. വെള്ളിയാഴ്ച വൈകീട്ട് 6.30നാണ് ജൂബിലി സമാപന സമ്മേളനം. ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവയുടെ അധ്യക്ഷതയില്‍ ഗതാഗത-ദേവസ്വം മന്ത്രി വി.എസ്. ശിവകുമാര്‍ ഉദ്ഘാടനം ചെയ്യും. ഡോ. എബ്രഹാം മാര സേവേറിയോസ് മെത്രാപ്പോലീത്ത മുഖ്യപ്രഭാഷണവും നിര്‍ധനര്‍ക്കായി നിര്‍മിച്ച് നല്‍കുന്ന വീടിന്റെ താക്കോല്‍ദാനവും നടത്തും. വി.പി. സജീന്ദ്രന്‍ എം.എല്‍.എ. സോവനീര്‍ പ്രകാശനം ചെയ്യും. കലാപരിപാടികളും ഉണ്ടാകും. ശനിയാഴ്ച എട്ടിന് വി. കുര്‍ബാന, വൈകീട്ട് 7.45ന് പ്രദക്ഷിണം ഞായറാഴ്ച രാവിലെ 8.30ന് വി. കുര്‍ബാന, പ്രദക്ഷിണം, നേര്‍ച്ച സദ്യ എന്നിവയുണ്ടാകും. പത്രസമ്മേളനത്തില്‍ വികാരി ഫാ. റെമി എബ്രഹാം വലിയപറമ്പില്‍, കെ.കെ. തമ്പി, മനോജ് ബാബു എന്നിവര്‍ സംബന്ധിച്ചു.
Wednesday, December 07, 2011
വെങ്ങോല വലിയപള്ളിയില്‍ പെരുന്നാളിന് കൊടിയേറി
പെരുമ്പാവൂര്‍: വെങ്ങോല മാര്‍ബഹനാം സഹദാ യാക്കോബായ സുറിയാനി പള്ളിയില്‍ പെരുന്നാളിന് കൊടിയേറി. മര്‍ക്കോസ് മാര്‍ ക്രിസോസ്റ്റമോസ് മെത്രാപ്പോലീത്ത കൊടിമരം ആശീര്‍വദിച്ചു. തുടര്‍ന്ന് കുടുംബ യൂണിറ്റുകളുടെ വാര്‍ഷികം നടന്നു. ആബൂന്‍മാര്‍ ബസേലിയോസ് തോമസ് പ്രഥമന്‍ കാതോലിക്കാബാവ ഉദ്ഘാടനം ചെയ്തു. വ്യാഴാഴ്ച രാവിലെ അഞ്ചിന്‍മേല്‍ കുര്‍ബാനയ്ക്ക് ഡോ. എബ്രഹാംമാര്‍ സേവേറിയോസ് മെത്രാപ്പോലീത്ത, മാത്യൂസ് മാര്‍ അഫ്രേം മെത്രാപ്പോലീത്ത, കുര്യാക്കോസ് മാര്‍ യൗസേബിയൂസ് മെത്രാപ്പോലീത്ത എന്നിവര്‍ നേതൃത്വം നല്‍കും. വെള്ളിയാഴ്ച രാവിലെ 7.30ന് കുര്‍ബാന വൈകീട്ട് പ്രദക്ഷിണം, കരിമരുന്നുപ്രയോഗം, ശനിയാഴ്ച കുര്യാക്കോസ്മാര്‍ തെയോഫിലോസ് തിരുമേനിയുടെ നേതൃത്വത്തില്‍ മൂന്നിന്മേല് കുര്‍ബാന, 11.30ന് നേര്‍ച്ചസദ്യ, 12ന് പ്രദക്ഷിണം എന്നിവയാണ് പരിപാടികള്‍.
Tuesday, December 06, 2011
Syriac Orthodox-Catholic Dialogue held at Patriarchal Center, Puthencruz today
PUTHENCURIZ: Catholicose H.B.Baselious Thomas 1st inaugurated the meeting. Their Graces Dr.Mor Gregroious Joseph, Dr.Mor Theophilose Kuriakose, Dr.Mor Coorilose Geevarghese, Mor Ousabious Kuriakose, Mor Aphrem Mathews, very Rev. Moolayil Kuriakose Chorepiscopa & other priests represented the Syriac Orthodox Church. Catholic Church was represented by H.E. Arch Bishop Mor Joseph Pawathil (Emiritus), H.E.Arch Bishop Thomas Mar Coorilose and other officials.
യാക്കോബായ സഭ ആരാധനാ സ്വാതന്ത്ര്യത്തിനായി സഹനസമരം നടത്തും.
പിറവം: മാമ്മലശ്ശേരി മാര്‍ മിഖായേല്‍ പള്ളിയിലെ യാക്കോബായ വിശ്വാസികള്‍ ആരാധനാ സ്വാതന്ത്ര്യത്തിനു വേണ്ടി സഹനസമരവും നിയമനടപടികളുമായി മുന്നോട്ടുപോകുമെന്ന് വികാരി ഫാ. വര്‍ഗീസ് പുല്ല്യാട്ടേല്‍ പത്രസമ്മേളനത്തില്‍ പറഞ്ഞു. 1998ലെ കോടതിവിധി സംബന്ധിച്ച ചില വസ്തുതകള്‍ അടുത്തയിടെയുണ്ടായ ഹൈക്കോടതി വിധിയുടെ അടിസ്ഥാനത്തില് വെളിച്ചത്തായതിനെ തുടര്‍ന്നാണ് ഇതെന്ന് അദ്ദേഹം പറഞ്ഞു. '98ലെ വിധി മുഴുവന്‍ ഇടവകക്കാര്‍ക്കും ബാധകമാണെന്നായിരുന്നു ഇക്കാലമത്രയുമുള്ള വിശ്വാസം.
മൂന്നിലൊന്ന് വീതം ഓര്‍ത്തഡോക്‌സ് പക്ഷത്തിനും മൂന്നില്‍രണ്ട് വീതം യാക്കോബായ പക്ഷത്തിനും എന്ന നിലയില്‍ പള്ളിയില്‍ വീതക്രമം പിന്തുടര്‍ന്നിരുന്നു. എന്നാല്‍ യാക്കോബായ പക്ഷക്കാരായിരുന്ന വൈദികര്‍ മറുഭാഗം ചേര്‍ന്നതിനാലാണ് യാക്കോബായ പക്ഷത്തിന് വൈദികരില്ലാതായതെന്ന് ഫാ. വര്‍ഗീസ് പുല്ല്യാട്ടേല്‍ പറഞ്ഞു.
വൈദികര്‍ കൂറുമാറിയാല്‍ അവര്‍ മാത്രമേ മാറുന്നുള്ളുവെന്നും വീതക്രമം പഴയരീതിയില്‍ തന്നെ ആ വിഭാഗത്തിനു തന്നെയായിരിക്കുമെന്നുമുള്ള മുന്‍കാല വിധികള്‍ മാനിക്കപ്പെടണമെന്നും, ആനിലയ്ക്ക് യാക്കോബായപക്ഷത്തിന്റെ ആത്മീയാവശ്യങ്ങള്‍ നിറവേറ്റാന്‍, തന്നെയാണ് നിയോഗിച്ചിരിക്കുന്നതെന്നും അദ്ദേഹം പറഞ്ഞു. ആരാധനാ സ്വാതന്ത്ര്യവും വീതക്രമവും നടപ്പിലാക്കാന്‍ യാക്കോബായപക്ഷം സഹനസമരവും നിയമനടപടികളുമായി മുന്നോട്ടുപോകുമെന്നും അദ്ദേഹം പറഞ്ഞു. പിറവം വലിയപള്ളി ഹാളില്‍ കൂടിയ പത്രസമ്മേളനത്തില്‍ ഇടവക മാനേജിങ് സമിതിയംഗങ്ങളായ ബേബി മാത്യു മംഗലത്ത്, ഷെവ. പി.ടി. ജോര്ജ് പൊന്നാട്ട്, തമ്പി പുതുവാക്കുന്നേല്‍ എന്നിവരും പങ്കെടുത്തു.
മൂന്നിലൊന്ന് വീതം ഓര്‍ത്തഡോക്‌സ് പക്ഷത്തിനും മൂന്നില്‍രണ്ട് വീതം യാക്കോബായ പക്ഷത്തിനും എന്ന നിലയില്‍ പള്ളിയില്‍ വീതക്രമം പിന്തുടര്‍ന്നിരുന്നു. എന്നാല്‍ യാക്കോബായ പക്ഷക്കാരായിരുന്ന വൈദികര്‍ മറുഭാഗം ചേര്‍ന്നതിനാലാണ് യാക്കോബായ പക്ഷത്തിന് വൈദികരില്ലാതായതെന്ന് ഫാ. വര്‍ഗീസ് പുല്ല്യാട്ടേല്‍ പറഞ്ഞു.
വൈദികര്‍ കൂറുമാറിയാല്‍ അവര്‍ മാത്രമേ മാറുന്നുള്ളുവെന്നും വീതക്രമം പഴയരീതിയില്‍ തന്നെ ആ വിഭാഗത്തിനു തന്നെയായിരിക്കുമെന്നുമുള്ള മുന്‍കാല വിധികള്‍ മാനിക്കപ്പെടണമെന്നും, ആനിലയ്ക്ക് യാക്കോബായപക്ഷത്തിന്റെ ആത്മീയാവശ്യങ്ങള്‍ നിറവേറ്റാന്‍, തന്നെയാണ് നിയോഗിച്ചിരിക്കുന്നതെന്നും അദ്ദേഹം പറഞ്ഞു. ആരാധനാ സ്വാതന്ത്ര്യവും വീതക്രമവും നടപ്പിലാക്കാന്‍ യാക്കോബായപക്ഷം സഹനസമരവും നിയമനടപടികളുമായി മുന്നോട്ടുപോകുമെന്നും അദ്ദേഹം പറഞ്ഞു. പിറവം വലിയപള്ളി ഹാളില്‍ കൂടിയ പത്രസമ്മേളനത്തില്‍ ഇടവക മാനേജിങ് സമിതിയംഗങ്ങളായ ബേബി മാത്യു മംഗലത്ത്, ഷെവ. പി.ടി. ജോര്ജ് പൊന്നാട്ട്, തമ്പി പുതുവാക്കുന്നേല്‍ എന്നിവരും പങ്കെടുത്തു.
മാര്‍ത്തോമ്മന്‍ കത്തീഡ്രലില്‍ ജൂബിലി പെരുന്നാളിന് ഒരുക്കങ്ങളായി
മുളന്തുരുത്തി: മാര്‍ത്തോമ്മന്‍ കത്തീഡ്രലില്‍ തോമാ ശ്ലീഹായുടെ ചരമസ്‌മരണയായ ജൂബിലി പെരുന്നാളിന് ഒരുക്കങ്ങള്‍ ആരംഭിച്ചു. 18 മുതല്‍ 21 വരെ ആഘോഷിക്കുന്ന പെരുന്നാളിന്റെ കൊടിയേറ്റം 18 ന് രാവിലെ 7.30 ന് ജോസഫ് മോര്‍ ഗ്രിഗോറിയോസ് നിര്‍വഹിക്കും. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവാ, ക്‌നാനായ ഭദ്രാസന ആര്‍ച്ച്‌ ബിഷപ്പ്‌ കുര്യാക്കോസ് മോര്‍ സേവേറിയോസ്, മാത്യൂസ് മോര്‍ അഫ്രേം മെത്രാപ്പോലീത്ത എന്നിവര്‍ പെരുന്നാള്‍ ചടങ്ങുകള്‍ക്ക്‌ കാര്‍മികത്വംവഹിക്കും. 2000 കിലോഗ്രാം മറയൂര്‍ ശര്‍ക്കര കൊണ്ട് നിര്‍മിക്കുന്ന 'മധുര നേര്‍ച്ച' ഏറ്റവും ദൈര്‍ഘ്യമേറിയ പ്രദക്ഷിണം, തോമാശ്ലീഹായുടെ തിരുശേഷിപ്പ്‌ വണക്കം, 11000 പേര്‍ക്കുള്ള നേര്‍ച്ചസദ്യ എന്നിവ പെരുന്നാളിന്റെ പ്രത്യേകതകളാണ്‌. പെരുന്നാള്‍ നടത്തിപ്പിനായി വിവിധ കമ്മിറ്റികള്‍ രൂപീകരിച്ച്‌ പ്രവര്‍ത്തനം ആരംഭിച്ചു.
പള്ളിക്കര കണ്‍വെന്‍ഷന്‍ സമാപിച്ചു
സമാപന സന്ദേശം
ശ്രേഷ്ഠ ബസേലിയോസ് തോമസ് പ്രഥമന്‍ കാതോലിക്ക ബാവ നടത്തുന്നു
PALLIKKARA: 20th Pallikkara Convention concluded. His Beatitude Catholicos of India, Dr. Aboon Mor Baselios Thomas I gave the message in the last day of the convention. Thousands from Central Kerala attended the convention. Special Prayer for preventing disaster at Mullapperiyar was held. Fr. Bobby Jose, Fr. babu Varghese (Vicar), Fr. Eldhose Thelappillil, Fr. C P Varghese, Reverend Sisters led the prayer. Faithful lighted the candle and participated.
Monday, December 05, 2011
Sunday, December 04, 2011
കരിങ്ങാച്ചിറ കത്തീഡ്രലില്‍ തമുക്ക് പെരുന്നാള്‍ സമാപിച്ചു
തമുക്ക് നേര്‍ച്ചയില്‍ പങ്കെടുക്കാന്‍ ആയിരക്കണക്കിന് വിശ്വാസികള്‍ എത്തി
കരിങ്ങാച്ചിറ: സെന്റ് ജോര്ജ് യാക്കോബായ സുറിയാനി കത്തീഡ്രലില്‍ ശനിയാഴ്ച തമുക്ക് നേര്‍ച്ചയില്‍ പങ്കെടുക്കാന്‍ ആയിരക്കണക്കിന് വിശ്വാസികള്‍ എത്തി. മൂന്ന് ദിവസത്തെ തമുക്ക് പെരുന്നാള്‍ സമാപിച്ചു. തമുക്ക് നേര്‍ച്ച വിതരണത്തിനായി പ്രത്യേകം ബാരിക്കേഡുകള്‍ കെട്ടിയിരുന്നതിനാല്‍ തിരക്ക് നിയന്ത്രിക്കാനായി. രാവിലെ കുര്‍ബാനയ്ക്ക് അഭി.ഡോ. ജോസഫ് മോര്‍ ഗ്രിഗോറിയോസ് മെത്രാപ്പോലീത്ത കാര്‍മ്മികത്വം വഹിച്ചു. തുടര്‍ന്ന് അഭി.ഡോ. കുര്യാക്കോസ് മോര്‍ തെയോഫിലോസ് മെത്രാപ്പോലീത്തയുടെ മുഖ്യകാര്‍മ്മികത്വത്തില്‍ മൂന്നിന്മേല് കുര്‍ബാനയും നടന്നു. റമ്പാന്മാരായ വന്ദ്യ ബെന്ന്യാമിന്‍ മുളേരിക്കല്‍,വന്ദ്യ ഗബ്രിയേല്‍, ഫാ. ഷമ്മി ജോണ്‍ എരമംഗലത്ത്, ഫാ. റോയി പോള്‍ വെട്ടുകാട്ടില്‍, ഫാ. വര്‍ഗീസ് പുലയത്ത്, ഫാ. കുര്യാക്കോസ് കണിയത്ത്, ഫാ. ജേക്കബ് കുരുവിള, ഫാ. അനില്‍ മൂക്കഞ്ചേരില്‍, ഫാ. സെബു പോള്‍, ഫാ. സഖറിയ ഓണേരില്‍, ഫാ. ഷിബു ഇച്ചിക്കോട്ടില്‍, ഫാ. ജോണി തുരുത്തിയില്‍ എന്നിവര്‍ നേതൃത്വം നല്‍കി. വൈകീട്ട് ചിത്രപ്പുഴ പള്ളിയിലേക്ക് പ്രദക്ഷിണവും നടന്നു. ആശീര്‍വാദത്തോടെ പെരുന്നാള്‍ ചടങ്ങുകള്‍ സമാപിച്ചു.
Subscribe to:
Posts (Atom)
