പെരുമ്പാവൂര്‍: വെങ്ങോല മാര്‍ബഹനാം സഹദാ യാക്കോബായ സുറിയാനി പള്ളിയില്‍ പെരുന്നാളിന് കൊടിയേറി. മര്‍ക്കോസ് മാര്‍ ക്രിസോസ്റ്റമോസ് മെത്രാപ്പോലീത്ത കൊടിമരം ആശീര്‍വദിച്ചു. തുടര്‍ന്ന് കുടുംബ യൂണിറ്റുകളുടെ വാര്‍ഷികം നടന്നു. ആബൂന്‍മാര്‍ ബസേലിയോസ് തോമസ് പ്രഥമന്‍ കാതോലിക്കാബാവ ഉദ്ഘാടനം ചെയ്തു. വ്യാഴാഴ്ച രാവിലെ അഞ്ചിന്‍മേല്‍ കുര്‍ബാനയ്ക്ക് ഡോ. എബ്രഹാംമാര്‍ സേവേറിയോസ് മെത്രാപ്പോലീത്ത, മാത്യൂസ് മാര്‍ അഫ്രേം മെത്രാപ്പോലീത്ത, കുര്യാക്കോസ് മാര്‍ യൗസേബിയൂസ് മെത്രാപ്പോലീത്ത എന്നിവര്‍ നേതൃത്വം നല്‍കും. വെള്ളിയാഴ്ച രാവിലെ 7.30ന് കുര്‍ബാന വൈകീട്ട് പ്രദക്ഷിണം, കരിമരുന്നുപ്രയോഗം, ശനിയാഴ്ച കുര്യാക്കോസ്മാര്‍ തെയോഫിലോസ് തിരുമേനിയുടെ നേതൃത്വത്തില്‍ മൂന്നിന്മേല് കുര്‍ബാന, 11.30ന് നേര്‍ച്ചസദ്യ, 12ന് പ്രദക്ഷിണം എന്നിവയാണ് പരിപാടികള്‍.
യാക്കോബായ യൂത്ത് അസോസിയേഷന്‍ അങ്കമാലി ഭദ്രാസനം
"സെന്റ് മേരീസ് യൂത്ത് വോയിസില്‍" വാര്‍ത്തകള്‍ തരാന്‍ ആഗ്രഹിക്കുന്നവര്‍ editor.akhilshaju@gmail.com എന്ന മെയിലിലേയ്ക്ക് വാര്‍ത്തകളും ഫോട്ടോസും മെയില്‍ ചെയ്യുകയോ 9809626508 എന്ന നമ്പറിലേയ്ക്ക് വിളിക്കുകയോ ചെയ്യുക
Wednesday, December 07, 2011
Tuesday, December 06, 2011
Syriac Orthodox-Catholic Dialogue held at Patriarchal Center, Puthencruz today
PUTHENCURIZ: Catholicose H.B.Baselious Thomas 1st inaugurated the meeting. Their Graces Dr.Mor Gregroious Joseph, Dr.Mor Theophilose Kuriakose, Dr.Mor Coorilose Geevarghese, Mor Ousabious Kuriakose, Mor Aphrem Mathews, very Rev. Moolayil Kuriakose Chorepiscopa & other priests represented the Syriac Orthodox Church. Catholic Church was represented by H.E. Arch Bishop Mor Joseph Pawathil (Emiritus), H.E.Arch Bishop Thomas Mar Coorilose and other officials.
യാക്കോബായ സഭ ആരാധനാ സ്വാതന്ത്ര്യത്തിനായി സഹനസമരം നടത്തും.
പിറവം: മാമ്മലശ്ശേരി മാര്‍ മിഖായേല്‍ പള്ളിയിലെ യാക്കോബായ വിശ്വാസികള്‍ ആരാധനാ സ്വാതന്ത്ര്യത്തിനു വേണ്ടി സഹനസമരവും നിയമനടപടികളുമായി മുന്നോട്ടുപോകുമെന്ന് വികാരി ഫാ. വര്‍ഗീസ് പുല്ല്യാട്ടേല്‍ പത്രസമ്മേളനത്തില്‍ പറഞ്ഞു. 1998ലെ കോടതിവിധി സംബന്ധിച്ച ചില വസ്തുതകള്‍ അടുത്തയിടെയുണ്ടായ ഹൈക്കോടതി വിധിയുടെ അടിസ്ഥാനത്തില്‍ വെളിച്ചത്തായതിനെ തുടര്‍ന്നാണ് ഇതെന്ന് അദ്ദേഹം പറഞ്ഞു. '98ലെ വിധി മുഴുവന്‍ ഇടവകക്കാര്‍ക്കും ബാധകമാണെന്നായിരുന്നു ഇക്കാലമത്രയുമുള്ള വിശ്വാസം.
മൂന്നിലൊന്ന് വീതം ഓര്ത്തഡോക്സ് പക്ഷത്തിനും മൂന്നില്‍രണ്ട് വീതം യാക്കോബായ പക്ഷത്തിനും എന്ന നിലയില്‍ പള്ളിയില്‍ വീതക്രമം പിന്തുടര്‍ന്നിരുന്നു. എന്നാല്‍ യാക്കോബായ പക്ഷക്കാരായിരുന്ന വൈദികര്‍ മറുഭാഗം ചേര്‍ന്നതിനാലാണ് യാക്കോബായ പക്ഷത്തിന് വൈദികരില്ലാതായതെന്ന് ഫാ. വര്‍ഗീസ് പുല്ല്യാട്ടേല്‍ പറഞ്ഞു.
വൈദികര്‍ കൂറുമാറിയാല്‍ അവര്‍ മാത്രമേ മാറുന്നുള്ളുവെന്നും വീതക്രമം പഴയരീതിയില്‍ തന്നെ ആ വിഭാഗത്തിനു തന്നെയായിരിക്കുമെന്നുമുള്ള മുന്‍കാല വിധികള്‍ മാനിക്കപ്പെടണമെന്നും, ആനിലയ്ക്ക് യാക്കോബായപക്ഷത്തിന്റെ ആത്മീയാവശ്യങ്ങള്‍ നിറവേറ്റാന്‍, തന്നെയാണ് നിയോഗിച്ചിരിക്കുന്നതെന്നും അദ്ദേഹം പറഞ്ഞു. ആരാധനാ സ്വാതന്ത്ര്യവും വീതക്രമവും നടപ്പിലാക്കാന്‍ യാക്കോബായപക്ഷം സഹനസമരവും നിയമനടപടികളുമായി മുന്നോട്ടുപോകുമെന്നും അദ്ദേഹം പറഞ്ഞു. പിറവം വലിയപള്ളി ഹാളില്‍ കൂടിയ പത്രസമ്മേളനത്തില്‍ ഇടവക മാനേജിങ് സമിതിയംഗങ്ങളായ ബേബി മാത്യു മംഗലത്ത്, ഷെവ. പി.ടി. ജോര്‍ജ് പൊന്നാട്ട്, തമ്പി പുതുവാക്കുന്നേല്‍ എന്നിവരും പങ്കെടുത്തു.
മൂന്നിലൊന്ന് വീതം ഓര്ത്തഡോക്സ് പക്ഷത്തിനും മൂന്നില്‍രണ്ട് വീതം യാക്കോബായ പക്ഷത്തിനും എന്ന നിലയില്‍ പള്ളിയില്‍ വീതക്രമം പിന്തുടര്‍ന്നിരുന്നു. എന്നാല്‍ യാക്കോബായ പക്ഷക്കാരായിരുന്ന വൈദികര്‍ മറുഭാഗം ചേര്‍ന്നതിനാലാണ് യാക്കോബായ പക്ഷത്തിന് വൈദികരില്ലാതായതെന്ന് ഫാ. വര്‍ഗീസ് പുല്ല്യാട്ടേല്‍ പറഞ്ഞു.
വൈദികര്‍ കൂറുമാറിയാല്‍ അവര്‍ മാത്രമേ മാറുന്നുള്ളുവെന്നും വീതക്രമം പഴയരീതിയില്‍ തന്നെ ആ വിഭാഗത്തിനു തന്നെയായിരിക്കുമെന്നുമുള്ള മുന്‍കാല വിധികള്‍ മാനിക്കപ്പെടണമെന്നും, ആനിലയ്ക്ക് യാക്കോബായപക്ഷത്തിന്റെ ആത്മീയാവശ്യങ്ങള്‍ നിറവേറ്റാന്‍, തന്നെയാണ് നിയോഗിച്ചിരിക്കുന്നതെന്നും അദ്ദേഹം പറഞ്ഞു. ആരാധനാ സ്വാതന്ത്ര്യവും വീതക്രമവും നടപ്പിലാക്കാന്‍ യാക്കോബായപക്ഷം സഹനസമരവും നിയമനടപടികളുമായി മുന്നോട്ടുപോകുമെന്നും അദ്ദേഹം പറഞ്ഞു. പിറവം വലിയപള്ളി ഹാളില്‍ കൂടിയ പത്രസമ്മേളനത്തില്‍ ഇടവക മാനേജിങ് സമിതിയംഗങ്ങളായ ബേബി മാത്യു മംഗലത്ത്, ഷെവ. പി.ടി. ജോര്‍ജ് പൊന്നാട്ട്, തമ്പി പുതുവാക്കുന്നേല്‍ എന്നിവരും പങ്കെടുത്തു.
മാര്‍ത്തോമ്മന്‍ കത്തീഡ്രലില്‍ ജൂബിലി പെരുന്നാളിന് ഒരുക്കങ്ങളായി
മുളന്തുരുത്തി: മാര്‍ത്തോമ്മന്‍ കത്തീഡ്രലില്‍ തോമാ ശ്ലീഹായുടെ ചരമസ്‌മരണയായ ജൂബിലി പെരുന്നാളിന് ഒരുക്കങ്ങള്‍ ആരംഭിച്ചു. 18 മുതല്‍ 21 വരെ ആഘോഷിക്കുന്ന പെരുന്നാളിന്റെ കൊടിയേറ്റം 18 ന് രാവിലെ 7.30 ന് ജോസഫ് മോര്‍ ഗ്രിഗോറിയോസ് നിര്‍വഹിക്കും. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവാ, ക്‌നാനായ ഭദ്രാസന ആര്‍ച്ച്‌ ബിഷപ്പ്‌ കുര്യാക്കോസ് മോര്‍ സേവേറിയോസ്, മാത്യൂസ് മോര്‍ അഫ്രേം മെത്രാപ്പോലീത്ത എന്നിവര്‍ പെരുന്നാള്‍ ചടങ്ങുകള്‍ക്ക്‌ കാര്‍മികത്വംവഹിക്കും. 2000 കിലോഗ്രാം മറയൂര്‍ ശര്‍ക്കര കൊണ്ട് നിര്‍മിക്കുന്ന 'മധുര നേര്‍ച്ച' ഏറ്റവും ദൈര്‍ഘ്യമേറിയ പ്രദക്ഷിണം, തോമാശ്ലീഹായുടെ തിരുശേഷിപ്പ് വണക്കം, 11000 പേര്‍ക്കുള്ള നേര്‍ച്ചസദ്യ എന്നിവ പെരുന്നാളിന്റെ പ്രത്യേകതകളാണ്‌. പെരുന്നാള്‍ നടത്തിപ്പിനായി വിവിധ കമ്മിറ്റികള്‍ രൂപീകരിച്ച്‌ പ്രവര്‍ത്തനം ആരംഭിച്ചു.
പള്ളിക്കര കണ്‍വെന്‍ഷന്‍ സമാപിച്ചു
സമാപന സന്ദേശം
ശ്രേഷ്ഠ ബസേലിയോസ് തോമസ് പ്രഥമന്‍ കാതോലിക്ക ബാവ നടത്തുന്നു
PALLIKKARA: 20th Pallikkara Convention concluded. His Beatitude Catholicos of India, Dr. Aboon Mor Baselios Thomas I gave the message in the last day of the convention. Thousands from Central Kerala attended the convention. Special Prayer for preventing disaster at Mullapperiyar was held. Fr. Bobby Jose, Fr. babu Varghese (Vicar), Fr. Eldhose Thelappillil, Fr. C P Varghese, Reverend Sisters led the prayer. Faithful lighted the candle and participated.
Monday, December 05, 2011
Sunday, December 04, 2011
കരിങ്ങാച്ചിറ കത്തീഡ്രലില്‍ തമുക്ക് പെരുന്നാള്‍ സമാപിച്ചു
തമുക്ക് നേര്‍ച്ചയില്‍ പങ്കെടുക്കാന്‍ ആയിരക്കണക്കിന് വിശ്വാസികള്‍ എത്തി
കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലില്‍ ശനിയാഴ്ച തമുക്ക് നേര്‍ച്ചയില്‍ പങ്കെടുക്കാന്‍ ആയിരക്കണക്കിന് വിശ്വാസികള്‍ എത്തി. മൂന്ന് ദിവസത്തെ തമുക്ക് പെരുന്നാള്‍ സമാപിച്ചു. തമുക്ക് നേര്‍ച്ച വിതരണത്തിനായി പ്രത്യേകം ബാരിക്കേഡുകള്‍ കെട്ടിയിരുന്നതിനാല്‍ തിരക്ക് നിയന്ത്രിക്കാനായി. രാവിലെ കുര്‍ബാനയ്ക്ക് അഭി.ഡോ. ജോസഫ് മോര്‍ ഗ്രിഗോറിയോസ് മെത്രാപ്പോലീത്ത കാര്‍മ്മികത്വം വഹിച്ചു. തുടര്‍ന്ന് അഭി.ഡോ. കുര്യാക്കോസ് മോര്‍ തെയോഫിലോസ് മെത്രാപ്പോലീത്തയുടെ മുഖ്യകാര്‍മ്മികത്വത്തില്‍ മൂന്നിന്മേല് കുര്‍ബാനയും നടന്നു. റമ്പാന്മാരായ വന്ദ്യ ബെന്ന്യാമിന്‍ മുളേരിക്കല്‍,വന്ദ്യ ഗബ്രിയേല്‍, ഫാ. ഷമ്മി ജോണ്‍ എരമംഗലത്ത്, ഫാ. റോയി പോള്‍ വെട്ടുകാട്ടില്‍, ഫാ. വര്‍ഗീസ് പുലയത്ത്, ഫാ. കുര്യാക്കോസ് കണിയത്ത്, ഫാ. ജേക്കബ് കുരുവിള, ഫാ. അനില്‍ മൂക്കഞ്ചേരില്‍, ഫാ. സെബു പോള്‍, ഫാ. സഖറിയ ഓണേരില്‍, ഫാ. ഷിബു ഇച്ചിക്കോട്ടില്‍, ഫാ. ജോണി തുരുത്തിയില്‍ എന്നിവര്‍ നേതൃത്വം നല്‍കി. വൈകീട്ട് ചിത്രപ്പുഴ പള്ളിയിലേക്ക് പ്രദക്ഷിണവും നടന്നു. ആശീര്‍വാദത്തോടെ പെരുന്നാള്‍ ചടങ്ങുകള്‍ സമാപിച്ചു.
Saturday, December 03, 2011
സഹസ്ര ദീപ നാളങ്ങള്‍ തെളിയച്ച് ആയിരങ്ങള്‍
സഹസ്ര ദീപ നാളങ്ങള്‍ തെളിയച്ച് ആയിരങ്ങള്‍ ദൈവകൃപ മുല്ലപെരിയാറില്‍ ചൊരിയാന്‍ പ്രാര്‍ത്ഥിച്ച് കൊണ്ട് 20 -ാം മത്‌ പള്ളിക്കര കണ്‍വെന്‍ഷന്‍ന്നില്‍ നടത്തിയ പ്രത്യേക പ്രാര്‍ത്ഥന ശ്രദ്ധേയമായി.കത്തീഡ്രല്‍ വികാരി ഫാ. ബാബു വര്‍ഗീസ് ,ഫാ. എല്‍ദോസ് തേലപ്പിള്ളി, ഫാ. സി.പി. വര്‍ഗീസ്,ഫാ.ബോബി ജോസ് ,എന്നിവര്‍ പ്രാര്‍ത്ഥനയ്ക്ക് നേതൃത്വം നല്‍കി. ഭാരവാഹികളായ ജിബു ഐസക്, ജിജോ എന്നിവര്‍ പങ്കെടുത്തു
ചപ്പാത്തില്‍ ദുഃഖവും രോഷവും അണപൊട്ടിയ ദിനം
ചപ്പാത്ത്‌ (ഇടുക്കി): 1806 ദിവസം പിന്നിട്ട മുല്ലപ്പെരിയാര്‍ സമരപ്പന്തലിലെ ഏറ്റവും വികാരഭരിതമായ നിമിഷങ്ങള്‍ക്കാണ്‌ ഇന്നലെ ചപ്പാത്ത്‌ സാക്ഷ്യം വഹിച്ചത്‌.കേരളത്തിന്റെ മുഴുവന്‍ ഭീതിയും ചപ്പാത്തില്‍ തളംകെട്ടി. മുല്ലപ്പെരിയാര്‍ ഡാം പൊട്ടിയാല്‍ ആദ്യം ഒഴുകിപ്പോകുന്ന തെരുവുകളിലൊന്നാണ്‌ ചപ്പാത്ത്‌. നിരാഹാരം നടത്തിവന്ന ഇ.എസ്. ബിജിമോളുടെ ആരോഗ്യനില വഷളായതും ജനവികാരത്തിനു വിരുദ്ധമായി എ.ജി ഹൈക്കോടതിയില്‍ റിപ്പോര്‍ട്ട്‌ നല്‍കിയതും സമരപന്തലിനെ വികാരഭരിതമാക്കി.
മുല്ലപ്പെരിയാര്‍; യാക്കോബായ സഭ പ്രാര്‍ഥനാ ദിനമാചരിക്കും
പുത്തന്‍കുരിശ്‌: മുല്ലപ്പെരിയാര്‍ അണക്കെട്ട് സംബന്ധിച്ചുള്ള വിഷയങ്ങള്‍ സുപ്രീംകോടതി പരിഗണിക്കുന്ന തിങ്കളാഴ്‌ച യാക്കോബായ സഭയുടെ ഭക്‌തസംഘടനകളുടെ ആഭിമുഖ്യത്തില്‍ പ്രാര്‍ഥനാദിനം ആചരിക്കും. നാളെ സഭയുടെ എല്ലാ ദൈവാലയങ്ങളിലും പ്രത്യേക പ്രാര്‍ഥനകള്‍ നടത്തുകയും വിശ്വാസികള്‍ അന്നേദിവസം പ്രാര്‍ഥനാ ദിനമായി ആചരിക്കുകയും ചെയ്യണമെന്ന്‌ ശ്രേഷ്ഠ ബസേലിയോസ് തോമസ് പ്രഥമന്‍ കാതോലിക്കാ ബാവാ ആഹ്വാനം ചെയ്തു. അഞ്ചിന്‌ സഭയുടെ ആഭിമുഖ്യത്തില്‍ കോതമംഗലം ചെറിയ പള്ളിയില്‍വച്ച്‌ പ്രാര്‍ഥനായജ്‌ഞം നടത്തപ്പെടുന്നതാണെന്നും ശ്രേഷ്ഠ ബാവാ അറിയിച്ചു. കേരളത്തിലെ ജനങ്ങളുടെ ആശങ്ക അകറ്റുന്നതിനും അപകടകരമാകുന്ന അവസ്‌ഥയ്‌ക്ക് യുദ്ധകാലാടിസ്‌ഥാനത്തില്‍ പരിഹാരം ഉണ്ടാകുന്നതിനും കേന്ദ്ര സംസ്‌ഥാന ഗവണ്‍മെന്റുകള്‍ അടിയന്തര നടപടികള്‍ സ്വീകരിക്കണമെന്നും ശ്രേഷ്ഠ ബാവാ ആവശ്യപ്പെട്ടു. രണ്ടു സംസ്‌ഥാനങ്ങള്‍ തമ്മിലുള്ള വിഷയമാക്കാതെ ജനകീയ വിഷയമായി കണ്ട്‌ പരിഹാരം കണ്ടെത്തുകയാണ്‌ വേണ്ടതെന്നും ശ്രേഷ്ഠ ബാവാ വ്യക്‌തമാക്കി.
Friday, December 02, 2011
കരിങ്ങാച്ചിറ കത്തീഡ്രലില്‍ തമുക്ക് നേര്‍ച്ചയ്ക്ക് തിരക്ക്
കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലില്‍ പെരുന്നാളിന്റെ ഭാഗമായി തമുക്ക് നേര്‍ച്ചയ്ക്ക് തിരക്ക്.ക്‌നാനായ ഭദ്രാസനാധിപന്‍ കുര്യാക്കോസ് മോര്‍ ഈവാനിയോസിന്റെ മുഖ്യകാര്‍മ്മികത്വത്തില്‍ കുര്‍ബാന നടന്നു. സന്ധ്യാപ്രാര്‍ത്ഥനയ്ക്ക് കൊച്ചി ഭദ്രാസനാധിപന്‍ ജോസഫ് മോര്‍ ഗ്രിഗോറിയോസ് നേതൃത്വം നല്‍കി. തിരുവാങ്കുളം കുരിശുപള്ളിയിലേയ്ക്ക് പ്രദക്ഷിണവും നടന്നു.
പ്രധാന പെരുന്നാള്‍ ദിവസമായ ശനിയാഴ്ച രാവിലെ ഒമ്പതിന് ഡോ. കുര്യാക്കോസ് മോര്‍ തെയോഫിലോസ് മെത്രാപ്പോലീത്തയുടെ മുഖ്യകാര്‍മ്മികത്വത്തില്‍ മൂന്നിന്മേല് കുര്‍ബാനയും 12ന് വഴിപാട് സാധനലേലവും വൈകീട്ട് ആറിന് ചിത്രപ്പുഴ കുരിശുപള്ളിയിലേക്ക് പ്രദക്ഷിണവും നടക്കും. തുടര്‍ന്ന് ആശിര്‍വാദത്തോടെ പെരുന്നാള്‍ സമാപിക്കും.
മുവാറ്റുപുഴ അരമനപള്ളിയിലെ അനധികൃത നിര്‍മ്മാണ പ്രവര്‍ത്തനങ്ങള്‍ക്കെതിരെ യാക്കോബായ സഭ.
കണ്ടനാട് ഭദ്രാസനത്തില്‍ പെട്ട മുവാറ്റുപുഴ അരമന അനധികൃതമായി പൊളിച്ചു പണിയുന്നത്തിനെതിരെ യാക്കോബായ സഭ പരാതി നല്‍കി. ഇതിനെത്തുടര്‍ന്ന് ഇന്ന് ആര്‍ ഡി ഒ മണിയമ്മ ഇന്ന് ഇരു സഭകളുമായി ചര്‍ച്ച നടത്തും . കണ്ടനാട് ഭദ്രാസന മെത്രാപ്പോലിത്ത അഭി. മാത്യൂസ് മോര്‍ ഈവാനിയോസ് യാക്കോബായ സഭയ്ക്ക് വേണ്ടി ചര്‍ച്ചയില്‍ പങ്കെടുക്കും. അരമന പള്ളിയില്‍ നടക്കുന്ന നിര്‍മ്മാണം ചട്ടം ലംഘിച്ചാണ് നടത്തുന്നത് എന്ന് യാക്കോബായ സഭ ഹൈക്കോടതിയില്‍ കേസ് ഫയല്‍ ചെയ്തിരുന്നു.കേസ് ഫയലില്‍ സ്വീകരിച്ചു ഓര്ത്തഡോക്സ് വിഭാഗത്തിനു നോട്ടീസ് അയക്കാന്‍ കോടതി ഉത്തരവായിരുന്നു.തോമസ് അത്താനാസിയോസിനെ പ്രതി ചേര്‍ത്തായിരുന്നു കേസ് നല്‍കിയിരുന്നത്. അരമന പള്ളി അറ്റകുറ്റ പണി നടത്താന്‍ തോമസ് അത്താനാസിയോസ് നഗരസഭയില്‍ അപേക്ഷ കൊടുത്തിരുന്നു. ഇതിന്‍ പ്രകാരം നഗര സഭ അനുമതി നല്‍കിയിരുന്നു. എന്നാല്‍ ഈ അനുമതിയുടെ മറവില്‍ പുതിയ പള്ളി നിര്‍മ്മിക്കുന്ന പ്രവര്‍ത്തനങ്ങളാണ് ഓര്ത്തഡോക്സ് വിഭാഗം നടത്തിവരുന്നത് എന്ന് യാക്കോബായ സഭ പരാതിയില്‍ പറയുന്നു.
മലേക്കുരിശില്‍ കബറടങ്ങിയിട്ടുള്ള ശ്രേഷ്ഠ ബസേലിയോസ് പൌലോസ് ദ്വീതീയന്‍ കാതോലിക്കാ ബാവയുടെ സഹായി ആയിരുന്ന തോമസ് അത്താനാസിയോസ് ബാവായുടെ കാലശേഷം അരമന സ്വന്തമാക്കുകയായിരുന്നു. പിന്നീട് തോമസ് അത്താനാസിയോസ് ഓര്ത്തഡോക്സ് പക്ഷത്തേയ്ക്ക് കൂറ് മാറി. തോമസ് അത്താനാസിയോസിനു യാക്കോബായ സഭയുടെ ബിഷപ്പുമാര്‍ കൈവശം വച്ചിരുന്നതും യാക്കോബായ സഭയുടെ പെരിലുല്ലതുമായ വസ്തുക്കളുടെ ഉടമസ്ഥന്‍ എന്നവകാശപ്പെടാന്‍ യാതൊരു അവകാശവും ഇല്ലന്നു യാക്കോബായ സഭ പണ്ട് മുതലേ പരാതി ഉന്നയിച്ചിരുന്നു.
അരമനയുടെ ഉടമസ്ഥാവകാശത്തെ ചൊല്ലി 1998 ല്‍ മുവാറ്റുപുഴയില്‍ ഇരുവിഭാഗവും തമ്മില്‍ സംഘര്‍ഷവും ലാത്തിച്ചാര്‍ജും ഉണ്ടായിട്ടുണ്ട്. അന്ന് പുരോഹിതര്‍ക്കും പോലീസിനും വിസ്വസികള്‍ക്കും പരുക്കേല്‍ക്കുകയും ചെയ്തിരുന്നു. നിയമവിരുദ്ധമായാണ് മുവാറ്റുപുഴ നഗരസഭാ നിര്‍മ്മാണ പ്രവര്‍ത്തനങ്ങള്‍ക്ക് അനുമതി നല്‍കിയിരിക്കുന്നത്. ഇതേ തുടര്‍ന്ന് മുനിസിപ്പല്‍ സെക്രട്ടറി, മുന്‍സിപ്പല്‍ കമ്മിറ്റി, ആര്‍ ഡി ഒ, കലക്ടര്‍ എന്നിവര്‍ക്ക് യാക്കോബായ സഭ പരാതി നല്‍കിയിരുന്നു. ഈ പരാതി നിലനില്‍ക്കുമ്പോഴാണ് അരമന പള്ളിയുടെ നിര്‍മ്മാണം നടക്കുന്നത്. ഇത് യാക്കോബായ സഭ ഗൌരവമായാണ് എടുക്കുന്നത്.
കരിങ്ങാച്ചിറ സെന്റ് ജോര്‍ജ് കത്തീഡ്രലില്‍ വൃശ്ചികം 20 പെരുന്നാള്‍
പ്രധാന പെരുന്നാള്‍ ദിവസമായ ശനിയാഴ്ച രാവിലെ ഒമ്പതിന് കുര്യാക്കോസ് മോര്‍ തെയോഫിലോസ് മെത്രാപ്പോലീത്തയുടെ മുഖ്യകാര്‍മികത്വത്തില്‍ മൂന്നിന്മേല് കുര്‍ബാന, 12ന് വഴിപാട് സാധനലേലം, വൈകീട്ട് ചിത്രപ്പുഴ കുരിശുപള്ളിയിലേക്ക് പ്രദക്ഷിണം, തുടര്‍ന്ന് ആശിര്‍വാദം.
വാഹനങ്ങള്‍ കത്തീഡ്രലിന്റെ പടിഞ്ഞാറുഭാഗത്തുള്ള മൈതാനത്തും സീപോര്‍ട്ട്-എയര്‍പോര്‍ട്ട് റോഡിനോട് ചേര്‍ന്നുള്ള പഴയ റോഡിന്റെ ഭാഗത്തും പാര്‍ക്കുചെയ്യണം. സീപോര്‍ട്ട്-എയര്‍പോര്‍ട്ട് റോഡിലും തൃപ്പൂണിത്തുറ-തിരുവാങ്കുളം റോഡിലും കച്ചവടം കര്‍ശനമായി നിരോധിച്ചിട്ടുണ്ട്. വെള്ളിയാഴ്ച വൈകീട്ട് തിരുവാങ്കുളം കുരിശുപള്ളിയിലേക്കുള്ള പ്രദക്ഷിണം ട്രാഫിക് പോലീസിന്റെ നിര്‍ദേശപ്രകാരം റോഡിന്റെ വലതുവശത്തുകൂടിയായിരിക്കുമെന്ന് ഫാ. ഷമ്മി ജോണ്‍ എരമംഗലത്ത് അറിയിച്ചു. പ്രദക്ഷിണത്തെ വരവേല്‍ക്കുന്നവര്‍ വലതുഭാഗത്ത് ക്രമീകരിച്ചിരിക്കണം. സ്ലീബാ വന്ദനവിനായി പടിഞ്ഞാറെ കുരിശ്, തെക്കേ നട, ഹില്‍പ്പാലസ് കവല, പറപ്പിള്ളി റോഡ് കവല, ക്യംതാ സെമിനാരി, കേശവന്‍പടി, പഞ്ചായത്ത് തുടങ്ങിയ ഭാഗങ്ങളില്‍ സ്ഥലങ്ങള്‍ ക്രമീകരിച്ചിട്ടുണ്ട്.
കരിങ്ങാച്ചിറയില്‍ ഗതാഗത ക്രമീകരണം
കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലിലെ പെരുന്നാളിന്റെ ഭാഗമായി വെള്ളി, ശനി ദിവസങ്ങളില്‍ കരിങ്ങാച്ചിറ പ്രദേശത്ത് ഗതാഗത ക്രമീകരണങ്ങള്‍ ഉണ്ടാകും. ഈ ദിവസങ്ങളില്‍ ചോറ്റാനിക്കര ഭാഗത്തേയ്ക്കുള്ള ബസ് സ്റ്റോപ്പ് ബാങ്കിന്റെ മുന്‍വശത്തും തൃപ്പൂണിത്തുറ ഭാഗത്തേയ്ക്കുള്ള ബസ് സ്റ്റോപ്പ് പടിഞ്ഞാറെ കുരിശുപള്ളിയുടെ സമീപവും ഇരുമ്പനം ഭാഗത്തേയ്ക്കുള്ള ബസ് സ്റ്റോപ്പ് പമ്പിന് മുന്‍വശവുമായിരിക്കും.വാഹനങ്ങള്‍ കത്തീഡ്രലിന്റെ പടിഞ്ഞാറുഭാഗത്തുള്ള മൈതാനത്തും സീപോര്‍ട്ട്-എയര്‍പോര്‍ട്ട് റോഡിനോട് ചേര്‍ന്നുള്ള പഴയ റോഡിന്റെ ഭാഗത്തും പാര്‍ക്കുചെയ്യണം. സീപോര്‍ട്ട്-എയര്‍പോര്‍ട്ട് റോഡിലും തൃപ്പൂണിത്തുറ-തിരുവാങ്കുളം റോഡിലും കച്ചവടം കര്‍ശനമായി നിരോധിച്ചിട്ടുണ്ട്. വെള്ളിയാഴ്ച വൈകീട്ട് തിരുവാങ്കുളം കുരിശുപള്ളിയിലേക്കുള്ള പ്രദക്ഷിണം ട്രാഫിക് പോലീസിന്റെ നിര്‍ദേശപ്രകാരം റോഡിന്റെ വലതുവശത്തുകൂടിയായിരിക്കുമെന്ന് ഫാ. ഷമ്മി ജോണ്‍ എരമംഗലത്ത് അറിയിച്ചു. പ്രദക്ഷിണത്തെ വരവേല്‍ക്കുന്നവര്‍ വലതുഭാഗത്ത് ക്രമീകരിച്ചിരിക്കണം. സ്ലീബാ വന്ദനവിനായി പടിഞ്ഞാറെ കുരിശ്, തെക്കേ നട, ഹില്‍പ്പാലസ് കവല, പറപ്പിള്ളി റോഡ് കവല, ക്യംതാ സെമിനാരി, കേശവന്‍പടി, പഞ്ചായത്ത് തുടങ്ങിയ ഭാഗങ്ങളില്‍ സ്ഥലങ്ങള്‍ ക്രമീകരിച്ചിട്ടുണ്ട്.
Thursday, December 01, 2011
20 -ാം മത്‌ പള്ളിക്കര കണ്‍വെന്‍ഷന്‍ന് തുടകമായി
20 -ാം മത്‌ പള്ളിക്കര കണ്‍വെന്‍ഷന്‍
സഖറിയ മോര്‍ പിലക്സിനോസ് മെത്രാപ്പോലീത്ത ഉദ്ഘാടനം ചെയുന്നു
കിഴക്കമ്പലം: പള്ളിക്കര സെന്റ് മേരീസ് കത്തീഡ്രലിനു കീഴിലുള്ള യൂത്ത് അസോസിയേഷന്റെ നേതൃത്വത്തില്‍ മോറക്കാല സെന്റ് മേരീസ് എച്ച്.എസ്.എസില്‍ പള്ളിക്കര കണ്‍വെന്‍ഷന്‍ തുടങ്ങി. വ്യാഴാഴ്ച വൈകീട്ട് സന്ധ്യാപ്രാര്‍ത്ഥനയെ തുടര്‍ന്ന് മലബാര്‍ ഭദ്രാസനമെത്രാപ്പോലീത്ത സക്കറിയ മാര്‍ പീലക്‌സിനോസ് ഉദ്ഘാടനം ചെയ്തു. ദൈനം ദിന ജീവിതത്തില്‍ പ്രാര്‍ത്ഥനയുടെ ആവശ്യം ഏറിവരുന്നതായി മെത്രാപ്പോലീത്ത വിശ്വാസികളെ ഓര്‍മിപ്പിച്ചു. കത്തീഡ്രല്‍ വികാരി ഫാ. ബാബു വര്‍ഗീസ് അധ്യക്ഷ പ്രസംഗം നടത്തി. ഫാ. എല്‍ദോസ് തേലപ്പിള്ളി, ഫാ. സി.പി. വര്‍ഗീസ്, ഫാ. ഇ.സി. വര്‍ഗീസ് കോറെപ്പിസ്‌കോപ്പ, ഫാ. തോമസ് ചെബോത്തുംകുടി , ഭാരവാഹികളായ ജിബു ഐസക്, ജിജോ എന്നിവര്‍ പങ്കെടുത്തു. തുടര്‍ന്ന് ഫാ. സാജു പായിക്കാട്ട് മുഖ്യപ്രഭാഷണം നടത്തി.
അഭിവന്ദ്യ തിരുമേനിമാര്‍ ചപ്പാത്തിലെ മുല്ലപ്പെരിയാര്‍ സമര പന്തല്‍ സന്ദര്‍ശിച്ചു.
 |
| വെള്ളം തരാം ജീവന്‍ തരൂ എന്ന മുദ്രാവാക്യവുമായി യാക്കോബായ സഭയുടെ ആഭിമുഖ്യത്തില്‍ ചപ്പാത്തില്‍ നടത്തിയ "സേവ് കേരള"റാലി. അഭി കുര്യാക്കോസ് മോര്‍ തെയോഫിലസ്, യൂഹാനോന്‍ മോര്‍ മിലിത്തിയോസ് , അഭി ഏലിയാസ് മാര്‍ അത്താനാസിയോസ് എന്നിവര്‍ നേതൃത്വം നല്‍കി. |
Subscribe to:
Posts (Atom)
