സഹസ്ര ദീപ നാളങ്ങള്‍ തെളിയച്ച് ആയിരങ്ങള്‍

സഹസ്ര ദീപ നാളങ്ങള്‍ തെളിയച്ച് ആയിരങ്ങള്‍ ദൈവകൃപ മുല്ലപെരിയാറില്‍ ചൊരിയാന്‍  പ്രാര്‍ത്ഥിച്ച് കൊണ്ട് 20 -ാം മത്‌ പള്ളിക്കര കണ്‍വെന്‍ഷന്‍ന്നില്‍ നടത്തിയ പ്രത്യേക പ്രാര്‍ത്ഥന ശ്രദ്ധേയമായി.കത്തീഡ്രല്‍ വികാരി ഫാ. ബാബു വര്‍ഗീസ് ,ഫാ. എല്‍ദോസ് തേലപ്പിള്ളി, ഫാ. സി.പി. വര്‍ഗീസ്,ഫാ.ബോബി ജോസ് ,എന്നിവര്‍ പ്രാര്‍ത്ഥനയ്ക്ക്  നേതൃത്വം നല്‍കി. ഭാരവാഹികളായ ജിബു ഐസക്, ജിജോ എന്നിവര്‍ പങ്കെടുത്തു

ചപ്പാത്തില്‍ ദുഃഖവും രോഷവും അണപൊട്ടിയ ദിനം

ചപ്പാത്ത്‌ (ഇടുക്കി): 1806 ദിവസം പിന്നിട്ട മുല്ലപ്പെരിയാര്‍ സമരപ്പന്തലിലെ ഏറ്റവും വികാരഭരിതമായ നിമിഷങ്ങള്‍ക്കാണ്‌ ഇന്നലെ ചപ്പാത്ത്‌ സാക്ഷ്യം വഹിച്ചത്‌.കേരളത്തിന്റെ മുഴുവന്‍ ഭീതിയും ചപ്പാത്തില്‍ തളംകെട്ടി. മുല്ലപ്പെരിയാര്‍ ഡാം പൊട്ടിയാല്‍ ആദ്യം ഒഴുകിപ്പോകുന്ന തെരുവുകളിലൊന്നാണ്‌ ചപ്പാത്ത്‌. നിരാഹാരം നടത്തിവന്ന ഇ.എസ്‌. ബിജിമോളുടെ ആരോഗ്യനില വഷളായതും ജനവികാരത്തിനു വിരുദ്ധമായി എ.ജി ഹൈക്കോടതിയില്‍ റിപ്പോര്‍ട്ട്‌ നല്‍കിയതും സമരപന്തലിനെ വികാരഭരിതമാക്കി. 

മുല്ലപ്പെരിയാര്‍; യാക്കോബായ സഭ പ്രാര്‍ഥനാ ദിനമാചരിക്കും

പുത്തന്‍കുരിശ്‌: മുല്ലപ്പെരിയാര്‍ അണക്കെട്ട്‌ സംബന്ധിച്ചുള്ള വിഷയങ്ങള്‍ സുപ്രീംകോടതി പരിഗണിക്കുന്ന തിങ്കളാഴ്‌ച യാക്കോബായ സഭയുടെ ഭക്‌തസംഘടനകളുടെ ആഭിമുഖ്യത്തില്‍ പ്രാര്‍ഥനാദിനം ആചരിക്കും. നാളെ സഭയുടെ എല്ലാ ദൈവാലയങ്ങളിലും പ്രത്യേക പ്രാര്‍ഥനകള്‍ നടത്തുകയും വിശ്വാസികള്‍ അന്നേദിവസം പ്രാര്‍ഥനാ ദിനമായി ആചരിക്കുകയും ചെയ്യണമെന്ന്‌ ശ്രേഷ്‌ഠ ബസേലിയോസ്‌ തോമസ്‌ പ്രഥമന്‍ കാതോലിക്കാ ബാവാ ആഹ്വാനം ചെയ്‌തു. അഞ്ചിന്‌ സഭയുടെ ആഭിമുഖ്യത്തില്‍ കോതമംഗലം ചെറിയ പള്ളിയില്‍വച്ച്‌ പ്രാര്‍ഥനായജ്‌ഞം നടത്തപ്പെടുന്നതാണെന്നും ശ്രേഷ്‌ഠ ബാവാ അറിയിച്ചു. കേരളത്തിലെ ജനങ്ങളുടെ ആശങ്ക അകറ്റുന്നതിനും അപകടകരമാകുന്ന അവസ്‌ഥയ്‌ക്ക് യുദ്ധകാലാടിസ്‌ഥാനത്തില്‍ പരിഹാരം ഉണ്ടാകുന്നതിനും കേന്ദ്ര സംസ്‌ഥാന ഗവണ്‍മെന്റുകള്‍ അടിയന്തര നടപടികള്‍ സ്വീകരിക്കണമെന്നും ശ്രേഷ്‌ഠ ബാവാ ആവശ്യപ്പെട്ടു. രണ്ടു സംസ്‌ഥാനങ്ങള്‍ തമ്മിലുള്ള വിഷയമാക്കാതെ ജനകീയ വിഷയമായി കണ്ട്‌ പരിഹാരം കണ്ടെത്തുകയാണ്‌ വേണ്ടതെന്നും ശ്രേഷ്‌ഠ ബാവാ വ്യക്‌തമാക്കി.

കരിങ്ങാച്ചിറ കത്തീഡ്രലില്‍ തമുക്ക് നേര്‍ച്ചയ്ക്ക് തിരക്ക്

കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലില്‍ പെരുന്നാളിന്റെ ഭാഗമായി തമുക്ക് നേര്‍ച്ചയ്ക്ക് തിരക്ക്.ക്‌നാനായ ഭദ്രാസനാധിപന്‍ കുര്യാക്കോസ് മോര്‍ ഈവാനിയോസിന്റെ മുഖ്യകാര്‍മ്മികത്വത്തില്‍ കുര്‍ബാന നടന്നു. സന്ധ്യാപ്രാര്‍ത്ഥനയ്ക്ക് കൊച്ചി ഭദ്രാസനാധിപന്‍ ജോസഫ് മോര്‍ ഗ്രിഗോറിയോസ് നേതൃത്വം നല്‍കി. തിരുവാങ്കുളം കുരിശുപള്ളിയിലേയ്ക്ക് പ്രദക്ഷിണവും നടന്നു. 

പ്രധാന പെരുന്നാള്‍ ദിവസമായ ശനിയാഴ്ച രാവിലെ ഒമ്പതിന് ഡോ. കുര്യാക്കോസ് മോര്‍ തെയോഫിലോസ് മെത്രാപ്പോലീത്തയുടെ മുഖ്യകാര്‍മ്മികത്വത്തില്‍ മൂന്നിന്മേല്‍ കുര്‍ബാനയും 12ന് വഴിപാട് സാധനലേലവും വൈകീട്ട് ആറിന് ചിത്രപ്പുഴ കുരിശുപള്ളിയിലേക്ക് പ്രദക്ഷിണവും നടക്കും. തുടര്‍ന്ന് ആശിര്‍വാദത്തോടെ പെരുന്നാള്‍ സമാപിക്കും.

WATCH PERUNAL LIVE

മുവാറ്റുപുഴ അരമനപള്ളിയിലെ അനധികൃത നിര്‍മ്മാണ പ്രവര്‍ത്തനങ്ങള്‍ക്കെതിരെ യാക്കോബായ സഭ.

കണ്ടനാട് ഭദ്രാസനത്തില്‍ പെട്ട മുവാറ്റുപുഴ അരമന അനധികൃതമായി പൊളിച്ചു പണിയുന്നത്തിനെതിരെ യാക്കോബായ സഭ പരാതി നല്‍കി. ഇതിനെത്തുടര്‍ന്ന് ഇന്ന് ആര്‍ ഡി ഒ മണിയമ്മ ഇന്ന് ഇരു സഭകളുമായി ചര്‍ച്ച നടത്തും . കണ്ടനാട് ഭദ്രാസന മെത്രാപ്പോലിത്ത അഭി. മാത്യൂസ്‌ മോര്‍ ഈവാനിയോസ് യാക്കോബായ സഭയ്ക്ക് വേണ്ടി ചര്‍ച്ചയില്‍ പങ്കെടുക്കും. അരമന പള്ളിയില്‍ നടക്കുന്ന നിര്‍മ്മാണം ചട്ടം ലംഘിച്ചാണ് നടത്തുന്നത് എന്ന് യാക്കോബായ സഭ ഹൈക്കോടതിയില്‍ കേസ് ഫയല്‍ ചെയ്തിരുന്നു.കേസ് ഫയലില്‍ സ്വീകരിച്ചു ഓര്‍ത്തഡോക്സ് വിഭാഗത്തിനു നോട്ടീസ് അയക്കാന്‍ കോടതി ഉത്തരവായിരുന്നു.തോമസ്‌ അത്താനാസിയോസിനെ പ്രതി ചേര്‍ത്തായിരുന്നു കേസ് നല്‍കിയിരുന്നത്. അരമന പള്ളി അറ്റകുറ്റ പണി നടത്താന്‍ തോമസ്‌ അത്താനാസിയോസ് നഗരസഭയില്‍ അപേക്ഷ കൊടുത്തിരുന്നു. ഇതിന്‍ പ്രകാരം നഗര സഭ അനുമതി നല്‍കിയിരുന്നു. എന്നാല്‍ ഈ അനുമതിയുടെ മറവില്‍ പുതിയ പള്ളി നിര്‍മ്മിക്കുന്ന പ്രവര്‍ത്തനങ്ങളാണ് ഓര്‍ത്തഡോക്സ് വിഭാഗം നടത്തിവരുന്നത് എന്ന് യാക്കോബായ സഭ പരാതിയില്‍ പറയുന്നു.

മലേക്കുരിശില്‍ കബറടങ്ങിയിട്ടുള്ള ശ്രേഷ്ഠ ബസേലിയോസ് പൌലോസ് ദ്വീതീയന്‍ കാതോലിക്കാ ബാവയുടെ സഹായി ആയിരുന്ന തോമസ്‌ അത്താനാസിയോസ് ബാവായുടെ കാലശേഷം അരമന സ്വന്തമാക്കുകയായിരുന്നു. പിന്നീട് തോമസ്‌ അത്താനാസിയോസ് ഓര്‍ത്തഡോക്സ് പക്ഷത്തേയ്ക്ക് കൂറ് മാറി. തോമസ്‌ അത്താനാസിയോസിനു യാക്കോബായ സഭയുടെ ബിഷപ്പുമാര്‍ കൈവശം വച്ചിരുന്നതും യാക്കോബായ സഭയുടെ പെരിലുല്ലതുമായ വസ്തുക്കളുടെ ഉടമസ്ഥന്‍ എന്നവകാശപ്പെടാന്‍ യാതൊരു അവകാശവും ഇല്ലന്നു യാക്കോബായ സഭ പണ്ട് മുതലേ പരാതി ഉന്നയിച്ചിരുന്നു.

അരമനയുടെ ഉടമസ്ഥാവകാശത്തെ ചൊല്ലി 1998  ല്‍ മുവാറ്റുപുഴയില്‍ ഇരുവിഭാഗവും തമ്മില്‍ സംഘര്‍ഷവും ലാത്തിച്ചാര്‍ജും ഉണ്ടായിട്ടുണ്ട്. അന്ന് പുരോഹിതര്‍ക്കും പോലീസിനും വിസ്വസികള്‍ക്കും പരുക്കേല്‍ക്കുകയും ചെയ്തിരുന്നു. നിയമവിരുദ്ധമായാണ് മുവാറ്റുപുഴ നഗരസഭാ നിര്‍മ്മാണ പ്രവര്‍ത്തനങ്ങള്‍ക്ക് അനുമതി നല്‍കിയിരിക്കുന്നത്. ഇതേ തുടര്‍ന്ന് മുനിസിപ്പല്‍ സെക്രട്ടറി, മുന്‍സിപ്പല്‍ കമ്മിറ്റി, ആര്‍ ഡി ഒ, കലക്ടര്‍ എന്നിവര്‍ക്ക് യാക്കോബായ സഭ പരാതി നല്‍കിയിരുന്നു. ഈ പരാതി നിലനില്‍ക്കുമ്പോഴാണ് അരമന പള്ളിയുടെ നിര്‍മ്മാണം നടക്കുന്നത്. ഇത് യാക്കോബായ സഭ ഗൌരവമായാണ് എടുക്കുന്നത്.

കരിങ്ങാച്ചിറ സെന്റ് ജോര്‍ജ് കത്തീഡ്രലില്‍ വൃശ്ചികം 20 പെരുന്നാള്‍

കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലില്‍ തമുക്കു പെരുന്നാളിന് വ്യാഴാഴ്ച രാവിലെ കൊച്ചി ഭദ്രാസന മെത്രാപ്പോലീത്ത ജോസഫ് മോര്‍ ഗ്രീഗോറിയോസ് കൊടിയേറ്റി. കോതമംഗലം ചെറിയപള്ളിയില്‍ കബറടങ്ങിയിട്ടുള്ള യല്‍ദോ മാര്‍ ബസേലിയോസ് ബാവയുടെ തിരുശേഷിപ്പ് സ്ഥാപിച്ചതിന്റെ ഓര്‍മയായാണ് പെരുന്നാള്‍ ആഘോഷം. ഇതിന്റെ ഭാഗമായി യൂത്ത് അസോസിയേഷന്‍ വാര്‍ഷികം നടന്നു. കത്തീഡ്രലിന്റെ വെബ്‌സൈറ്റ് ഉദ്ഘാടനം ജോസഫ് മോര്‍ ഗ്രീഗോറിയോസ് മെത്രാപ്പോലീത്ത നിര്‍വഹിച്ചു. www.stgeorgecathedral.in ആണ് വെബ്‌സൈറ്റ് വിലാസം.വെള്ളിയാഴ്ച രാവിലെ 8.30ന് ക്‌നാനായ ഭദ്രാസനാധിപന്‍ കുര്യാക്കോസ് മോര്‍ ഈവാനിയോസ് മെത്രാപ്പോലീത്തയുടെ കാര്‍മികത്വത്തില്‍ മൂന്നിന്‍മേല്‍ കുര്‍ബാന, 12ന് കത്തീഡ്രല്‍ വക വെണ്ണിക്കുളം, അമ്പലമുകള്‍, കുരീക്കാട് കുരിശുപള്ളികളില്‍ ധൂപപ്രാര്‍ത്ഥന, വൈകീട്ട് നാലിന് മേമ്പൂട്ടില്‍ നിന്ന് പള്ളി ഉപകരണങ്ങള്‍ ആഘോഷപൂര്‍വം കത്തീഡ്രലിലേക്ക് കൊണ്ടുപോകും. ആറിന് തിരുവാങ്കുളം കുരിശുപള്ളിയിലേയ്ക്ക് പ്രദക്ഷിണം.

പ്രധാന പെരുന്നാള്‍ ദിവസമായ ശനിയാഴ്ച രാവിലെ ഒമ്പതിന് കുര്യാക്കോസ് മോര്‍ തെയോഫിലോസ് മെത്രാപ്പോലീത്തയുടെ മുഖ്യകാര്‍മികത്വത്തില്‍ മൂന്നിന്‍മേല്‍ കുര്‍ബാന, 12ന് വഴിപാട് സാധനലേലം, വൈകീട്ട് ചിത്രപ്പുഴ കുരിശുപള്ളിയിലേക്ക് പ്രദക്ഷിണം, തുടര്‍ന്ന് ആശിര്‍വാദം.

കരിങ്ങാച്ചിറയില്‍ ഗതാഗത ക്രമീകരണം

കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലിലെ പെരുന്നാളിന്റെ ഭാഗമായി വെള്ളി, ശനി ദിവസങ്ങളില്‍ കരിങ്ങാച്ചിറ പ്രദേശത്ത് ഗതാഗത ക്രമീകരണങ്ങള്‍ ഉണ്ടാകും. ഈ ദിവസങ്ങളില്‍ ചോറ്റാനിക്കര ഭാഗത്തേയ്ക്കുള്ള ബസ് സ്റ്റോപ്പ് ബാങ്കിന്റെ മുന്‍വശത്തും തൃപ്പൂണിത്തുറ ഭാഗത്തേയ്ക്കുള്ള ബസ് സ്റ്റോപ്പ് പടിഞ്ഞാറെ കുരിശുപള്ളിയുടെ സമീപവും ഇരുമ്പനം ഭാഗത്തേയ്ക്കുള്ള ബസ് സ്റ്റോപ്പ് പമ്പിന് മുന്‍വശവുമായിരിക്കും.
വാഹനങ്ങള്‍ കത്തീഡ്രലിന്റെ പടിഞ്ഞാറുഭാഗത്തുള്ള മൈതാനത്തും സീപോര്‍ട്ട്-എയര്‍പോര്‍ട്ട് റോഡിനോട് ചേര്‍ന്നുള്ള പഴയ റോഡിന്റെ ഭാഗത്തും പാര്‍ക്കുചെയ്യണം. സീപോര്‍ട്ട്-എയര്‍പോര്‍ട്ട് റോഡിലും തൃപ്പൂണിത്തുറ-തിരുവാങ്കുളം റോഡിലും കച്ചവടം കര്‍ശനമായി നിരോധിച്ചിട്ടുണ്ട്. വെള്ളിയാഴ്ച വൈകീട്ട് തിരുവാങ്കുളം കുരിശുപള്ളിയിലേക്കുള്ള പ്രദക്ഷിണം ട്രാഫിക് പോലീസിന്റെ നിര്‍ദേശപ്രകാരം റോഡിന്റെ വലതുവശത്തുകൂടിയായിരിക്കുമെന്ന് ഫാ. ഷമ്മി ജോണ്‍ എരമംഗലത്ത് അറിയിച്ചു. പ്രദക്ഷിണത്തെ വരവേല്‍ക്കുന്നവര്‍ വലതുഭാഗത്ത് ക്രമീകരിച്ചിരിക്കണം. സ്ലീബാ വന്ദനവിനായി പടിഞ്ഞാറെ കുരിശ്, തെക്കേ നട, ഹില്‍പ്പാലസ് കവല, പറപ്പിള്ളി റോഡ് കവല, ക്യംതാ സെമിനാരി, കേശവന്‍പടി, പഞ്ചായത്ത് തുടങ്ങിയ ഭാഗങ്ങളില്‍ സ്ഥലങ്ങള്‍ ക്രമീകരിച്ചിട്ടുണ്ട്.

20 -ാം മത്‌ പള്ളിക്കര കണ്‍വെന്‍ഷന്‍ന് തുടകമായി

20 -ാം മത്‌ പള്ളിക്കര കണ്‍വെന്‍ഷന്‍ 

സഖറിയ മോര്‍ പിലക്സിനോസ് മെത്രാപ്പോലീത്ത ഉദ്ഘാടനം ചെയുന്നു 

കിഴക്കമ്പലം: പള്ളിക്കര സെന്റ് മേരീസ് കത്തീഡ്രലിനു കീഴിലുള്ള യൂത്ത് അസോസിയേഷന്റെ നേതൃത്വത്തില്‍ മോറക്കാല സെന്റ് മേരീസ് എച്ച്.എസ്.എസില്‍ പള്ളിക്കര കണ്‍വെന്‍ഷന്‍ തുടങ്ങി. വ്യാഴാഴ്ച വൈകീട്ട് സന്ധ്യാപ്രാര്‍ത്ഥനയെ തുടര്‍ന്ന് മലബാര്‍ ഭദ്രാസനമെത്രാപ്പോലീത്ത സക്കറിയ മാര്‍ പീലക്‌സിനോസ് ഉദ്ഘാടനം ചെയ്തു. ദൈനം ദിന ജീവിതത്തില്‍ പ്രാര്‍ത്ഥനയുടെ ആവശ്യം ഏറിവരുന്നതായി മെത്രാപ്പോലീത്ത വിശ്വാസികളെ ഓര്‍മിപ്പിച്ചു. കത്തീഡ്രല്‍ വികാരി ഫാ. ബാബു വര്‍ഗീസ് അധ്യക്ഷ പ്രസംഗം നടത്തി. ഫാ. എല്‍ദോസ് തേലപ്പിള്ളി, ഫാ. സി.പി. വര്‍ഗീസ്, ഫാ. ഇ.സി. വര്‍ഗീസ് കോറെപ്പിസ്‌കോപ്പ, ഫാ. തോമസ്    ചെബോത്തുംകുടി , ഭാരവാഹികളായ ജിബു ഐസക്, ജിജോ എന്നിവര്‍ പങ്കെടുത്തു. തുടര്‍ന്ന് ഫാ. സാജു പായിക്കാട്ട് മുഖ്യപ്രഭാഷണം നടത്തി.

അഭിവന്ദ്യ തിരുമേനിമാര്‍ ചപ്പാത്തിലെ മുല്ലപ്പെരിയാര്‍ സമര പന്തല്‍ സന്ദര്‍ശിച്ചു.

     വെള്ളം തരാം ജീവന്‍ തരൂ എന്ന മുദ്രാവാക്യവുമായി യാക്കോബായ സഭയുടെ ആഭിമുഖ്യത്തില്‍  ചപ്പാത്തില്‍ നടത്തിയ "സേവ് കേരള"റാലി. അഭി കുര്യാക്കോസ് മോര്‍ തെയോഫിലസ്, യൂഹാനോന്‍ മോര്‍ മിലിത്തിയോസ് , അഭി ഏലിയാസ് മാര്‍ അത്താനാസിയോസ് എന്നിവര്‍ നേതൃത്വം നല്‍കി.

മുല്ലപെരിയാര്‍: യാക്കോബായ സഭയിലെ മെത്രാപ്പോലിത്തമാരായ അഭി കുര്യാക്കോസ് മോര്‍ തെയോഫിലസ്, യൂഹാനോന്‍ മോര്‍ മിലിത്തിയോസ് ,അഭി ഏലിയാസ് മാര്‍ അത്താനാസിയോസ് എന്നിവര്‍ മുല്ലപ്പെരിയാറില്‍ പുതിയ ഡാം പണിയണമെന്നവശ്യപെട്ടു"ചപ്പാത്തില്‍"നടക്കുന്ന സമരത്തിനു യാക്കോബായ സഭയുടെ പിന്തുണ പ്രഖ്യാപിച്ചു സമര പന്തല്‍ സന്ദര്‍ശിച്ചു. 35 ലക്ഷം ജനങ്ങളുടെ ജീവനും സ്വത്തിനും ഭീക്ഷണിയായി നിലകൊള്ളുന്ന ഡാമിലെ ജലനിരപ്പ്‌ കുറച്ചു എത്രയും പെട്ടന്ന് ജനങ്ങളുടെ ആശങ്ക കുറയ്ക്കണമെന്ന് അഭി.ഏലിയാസ് മാര്‍ അത്താനാസിയോസ് മെത്രാപ്പോലിത്ത ആവശ്യപെട്ടു. അതോടൊപ്പം  തന്നെ പുതിയ ഡാം പണിയുന്നതിനുള്ള നടപടികള്‍ എടുക്കണമെന്നും,വികാരപരമായി പ്രതികരിക്കാതെ വിവേക പൂര്‍വമായ സമവായമാണ്‌ ഈ പ്രശ്നത്തില്‍ തമിഴ്നാടുമായി വേണ്ടത് എന്നും മെത്രാപ്പോലിത്ത പറഞ്ഞു

20 -ാം മത്‌ പള്ളിക്കര കണ്‍വെന്‍ഷന്‍ന് കൊടിയേറി

20 -ാം മത്‌ പള്ളിക്കര കണ്‍വെന്‍ഷന്‍ന്  കൊടിയേറി

 വികാരി ഫാ. ബാബു വര്‍ഗീസ് നിര്‍വഹിക്ക്കുന്നു .

 20 -ാം മത്‌ പള്ളിക്കര കണ്‍വെന്‍ഷന്‍ന്  കൊടിയേറി.കത്തീഡ്രല്‍ വികാരി ഫാ. ബാബു വര്‍ഗീസ് നിര്‍വഹിച്ചു. സഹവികാരിമാരായ ഫാ. സി.പി.വര്‍ഗീസ്, ഫാ. എല്‍ദോസ് തേലപ്പിള്ളി, ട്രസ്റ്റിമാരായ സണ്ണിപോള്‍, എ.എം.പൗലോസ്, യൂത്ത് അസോസിയേഷന്‍ സെക്രട്ടറി ജിബു ഐസക് എന്നിവര്‍ ചടങ്ങില്‍ പങ്കെടുത്തു.

റാക്കാട് സെന്റ് മേരീസ് കത്തീഡ്രല്‍ നേര്‍ച്ച പള്ളിയില്‍ പെരുന്നാള്‍

മൂവാറ്റുപുഴ: റാക്കാട് സെന്റ് മേരീസ് യാക്കോബായ കത്തീഡ്രല്‍ നേര്‍ച്ച പള്ളിയില്‍ ശിലാസ്ഥാപന പെരുന്നാള്‍ തുടങ്ങി. വികാരി ഫാ. തമ്പി മാറാടി കൊടിയേറ്റി. ഡിസംബര്‍ ഒന്ന്, രണ്ട്, മൂന്ന് തീയതികളിലാണ് പെരുന്നാള്‍ ആഘോഷങ്ങള്‍. ഒന്നിന് രാവിലെ 8ന് മാര്‍ ഇവാനിയോസ് ചാപ്പലില്‍ വിശുദ്ധ കുര്‍ബാന. വൈകീട്ട് 6.30ന് പ്രാര്‍ഥന, 7.45നും 9.30നും പ്രദക്ഷിണം.ഡിസംബര്‍ 2ന് രാവിലെ 8.30ന് കുര്‍ബാന, വൈകീട്ട് 6.30ന് മാത്യൂസ് മാര്‍ അപ്രേം മെത്രാപ്പോലീത്തയുടെ കാര്‍മികത്വത്തില്‍ പ്രാര്‍ഥന, തിരുശേഷിപ്പ് വണങ്ങല്‍, 7.30നും 9.30നും പ്രദക്ഷിണം, രാത്രി 10.15ന് കരിമരുന്ന് പ്രയോഗം.3ന് രാവിലെ 7ന് കുര്‍ബാന, 8.30ന് ശ്രേഷ്ഠ കാതോലിക്കാ തോമസ് പ്രഥമന്‍ ബാവയുടെ കാര്‍മികത്വത്തില്‍ കുര്‍ബാന, പ്രസംഗം. 10.30ന് തിരുശേഷിപ്പ് വണങ്ങല്‍, 12.30ന് പ്രദക്ഷിണം, 12.45ന് ആശിര്‍വാദം, 1ന് നേര്‍ച്ചസദ്യ, 2ന് ഉല്പന്നലേലം, 2.30ന് കൊടിയിറക്ക് എന്നിവ ഉണ്ടാകും.

പുത്തന്‍കുരിശ് പള്ളി: റിവ്യു ഹര്‍ജി തള്ളി

കൊച്ചി: പുത്തന്‍കുരിശ് സെന്റ് പീറ്റേഴ്‌സ് പള്ളിയെ മതപരമായ പൊതു ട്രസ്റ്റായി കാണേണ്ടതുണ്ടെന്നും അതിനാല്‍ ചട്ടപ്രകാരമുള്ള അന്യായം മാത്രമേ അനുവദിക്കാനാവൂ എന്നും ജസ്റ്റിസ് വി. രാംകുമാറും ജസ്റ്റിസ് പി.ക്യു. ബര്‍ക്കത്തലിയും ഉള്‍പ്പെട്ട ഡിവിഷന്‍ ബെഞ്ച് വ്യക്തമാക്കി. പുത്തന്‍കുരിശ് സെന്റ് പീറ്റേഴ്‌സ് പള്ളിക്കുവേണ്ടി വികാരിയും കുര്യാക്കോസ് കുഴിവേലി ഉള്‍പ്പെടെ മറ്റ് രണ്ട് പേരും ചേര്‍ന്ന് ഒര്‍ത്തഡോക്‌സ് വിഭാഗത്തിന് വേണ്ടി നല്‍കിയ റിവ്യു ഹര്‍ജി തള്ളിക്കൊണ്ടാണ് ഈ ഉത്തരവ്. ഈ പള്ളി 1934-ലെ ഭരണഘടനയനുസരിച്ച് ഭരിക്കപ്പെടേണ്ടതാണെന്ന് പ്രഖ്യാപിക്കണമെന്നാവശ്യപ്പെട്ട് പള്ളിക്കോടതിയില്‍ നല്‍കിയിരുന്ന അന്യായം നിയമാനുസൃതം സമര്‍പ്പിക്കപ്പെട്ടതല്ലാത്തതിനാല്‍ എറണാകുളം പള്ളിക്കോടതി തള്ളിയിരുന്നു. പള്ളിക്കോടതിയുടെ ഈ ഉത്തരവ് ഹൈക്കോടതി ഡിവിഷന്‍ ബെഞ്ച് ശരിവയ്ക്കുകയും ചെയ്തു. ഡിവിഷന്‍ ബെഞ്ചിന്റെ ഈ ഉത്തരവ് പുനപ്പരിശോധിക്കണമെന്ന ഹര്‍ജിയിലാണ് ഇപ്പോഴത്തെ ഉത്തരവ്.പള്ളിയില്‍ ഇടവകക്കാരല്ലാത്ത ക്രിസ്ത്യാനികള്‍ക്കും ആരാധന നടത്താമെന്ന് ഹര്‍ജിക്കാര്‍ തന്നെ സമ്മതിക്കുന്നുണ്ടെന്ന് കോടതി വിലയിരുത്തി. ചില പ്രത്യേക ചടങ്ങുകള്‍ക്ക് ഇടവകക്കാര്‍ക്ക് പ്രത്യേക അവകാശമുണ്ടെന്ന കാരണത്താല്‍ പൊതു ട്രസ്റ്റിനെ സ്വകാര്യ ട്രസ്റ്റായി കാണാനാവില്ലെന്ന് റിവ്യു ഹര്‍ജി തള്ളിക്കൊണ്ട് കോടതി വ്യക്തമാക്കി. പൊതുട്രസ്റ്റുകളുടെ കാര്യത്തില്‍ അന്യായം നല്‍കാന്‍ സിവില്‍ നടപടിക്രമത്തിലെ 92-ാം വ്യവസ്ഥയനുസരിച്ച് കോടതിയുടെ അനുമതി വേണം. ഇത്തരത്തില്‍ 92-ാം വ്യവസ്ഥയനുസരിച്ച് അന്യായം നല്‍കാന്‍ ഹര്‍ജിക്കാര്‍ മടിക്കുന്നത് എന്തിനാണ് എന്ന് വ്യക്തമാകുന്നില്ലെന്ന് കോടതി അഭിപ്രായപ്പെട്ടു. ഭരണപരവും ഭൗതികവുമായ കാര്യങ്ങള്‍ക്കു പുറമേ പള്ളിയിലെ പ്രത്യേക ചടങ്ങുകളില്‍ നിന്നുകൂടി യാക്കോബായ സഭക്കാരെ മാറ്റി നിര്‍ത്തണമെന്ന് ആവശ്യപ്പെടുന്നതെന്തിനെന്നും മനസ്സിലാകുന്നില്ല. നേരത്തേ അപ്പീല്‍ തീര്‍പ്പാക്കിയതില്‍ പാകപ്പിഴയൊന്നും കാണുന്നില്ലെന്ന് വിലയിരുത്തിയാണ് കോടതി റിവ്യു ഹര്‍ജി പ്രാരംഭ ഘട്ടത്തില്‍ത്തന്നെ തള്ളിയത്.

അകപ്പറമ്പ് കത്തീഡ്രലില്‍ പെരുന്നാള്‍ ഇന്ന്

നെടുമ്പാശ്ശേരി: അകപ്പറമ്പ് മോര്‍ ശാബോര്‍ അഫ്രോത്ത് യാക്കോബായ കത്തീഡ്രലില്‍ പെരുന്നാള്‍ ബുധനാഴ്ച ആരംഭിക്കും. 7.45ന് ടൈറ്റസ് വര്‍ഗീസ് തേയ്ക്കാനത്ത് കോര്‍ എപ്പിസ്‌കോപ്പ കൊടിയേറ്റും. 8.30ന് വിശുദ്ധ കുര്‍ബാന, തുടര്‍ന്ന് കുട്ടികളെ എഴുത്തിനിരുത്തല്‍, വൈകീട്ട് 6.30ന് സന്ധ്യാപ്രാര്‍ഥന, 7ന് സണ്‍ഡേ സ്‌കൂളിന്റെയും മറ്റ് ഭക്തസംഘടനകളുടെയും വാര്‍ഷികവും വിവിധ സ്‌കോളര്‍ഷിപ്പ് വിതരണവും ഉണ്ടാകും. അകപ്പറമ്പ് കത്തോലിക്ക പള്ളി വികാരി ഫാ. തോമസ് പൈനാടത്ത് ഉദ്ഘാടനം ചെയ്യും. ഡിസംബര്‍ ഒന്നിന് രാവിലെ എട്ടിന് വിശുദ്ധ കുര്‍ബാന, വൈകീട്ട് ഏഴിന് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവയുടെ മുഖ്യകാര്‍മികത്വത്തില്‍ സന്ധ്യാപ്രാര്‍ഥന, രാത്രി 9.15ന് സുത്താറ പ്രാര്‍ഥന, തുടര്‍ന്ന് പ്രദക്ഷിണം, 11ന് കരിമരുന്ന് പ്രയോഗം. ഡിസംബര്‍ രണ്ടിന് രാവിലെ 6.45നും 7.45നും 9നും വിശുദ്ധ കുര്‍ബാന, തുടര്‍ന്ന് പ്രദക്ഷിണം, നേര്‍ച്ചസദ്യ, വൈകീട്ട് 7ന് ക്രിസ്മസ് കരോള്‍ഗാന മത്സരം. ഡിസംബര്‍ മൂന്നിന് രാവിലെ 8ന് വിശുദ്ധ കുര്‍ബാന എന്നിവ ഉണ്ടാ

20-ാമത്‌ പള്ളിക്കര കണ്‍വന്‍ഷന്‍ നാളെ മുതല്‍

പള്ളിക്കര സെന്റ്‌ മേരീസ്‌ യാക്കോബായ കത്തീഡ്രല്‍ യൂത്ത്‌ അസോസിയേഷന്‍

 സംഘടിപ്പിക്കുന്ന 20-ാമത്‌ പള്ളിക്കര കണ്‍വന്‍ഷന്‍ നാളെ തുടങ്ങും. മോറക്കാല സെന്റ്‌

 മേരീസ്‌ സ്‌കൂള്‍ ഗ്രൗണ്ടില്‍ വൈകിട്ട്‌ ഏഴിന്‌ സഖറിയാ മോര്‍  പീലക്‌സിനോസ്‌ ഉദ്‌ഘാടനം

 ചെയ്യും. വികാരി ഫാ. ബാബു വര്‍ഗീസ്‌ അധ്യക്ഷത വഹിക്കും. ഫാ. സാജു 

പായിക്കാട്ട്‌ (നിലമ്പൂര്‍) പ്രസംഗിക്കും. 2ന്‌ ഫാ. ഷാജി കൊച്ചില്ലം (കോട്ടയം), 

റവ. ഡോ. വിന്‍സന്റ്‌ കുണ്ടുകുളം (മംഗലപ്പുഴ സെമിനാരി) എന്നിവരും 3ന്‌

 ഫാ. ബോബി ജോസ്‌(കപ്പൂച്ചിന്‍), മാത്യു ടി. ദാനിയേല്‍(മഞ്ഞനിക്കര) എന്നിവരും

 4ന്‌ ഫാ. ജിജു വര്‍ഗീസ്‌ (മംഗലംഡാം), ഫാ. ജോബ്‌ കൂട്ടുങ്കല്‍(മുന്‍ ഡയറക്‌ടര്‍,

 ചിറ്റൂര്‍ ധ്യാനകേന്ദ്രം) എന്നിവരും പ്രസംഗിക്കും. സമാപനദിനമായ

 5ന്‌ ശ്രേഷ്‌ഠ ബസേലിയോസ്‌ തോമസ്‌ പ്രഥമന്‍ കാതോലിക്ക ബാവ,

 ഫാ. പൗലോസ്‌ പാറേക്കര എന്നിവര്‍ പ്രസംഗിക്കും. എല്ലാ ദിവസവും ആറിന്‌ സന്ധ്യാപ്രാര്‍ഥനയും

 6.30ന്‌ സുവിശേഷ സംഗീത വിരുന്നും 7-9.30 വരെ വചനശുശ്രൂഷകളും ഉണ്ടായിരിക്കും.

 യോഗാനനന്തരം ഊരക്കാട്‌, താമരച്ചാല്‍, പുക്കാട്ടുപടി, വിലങ്ങ്‌, ഞാറള്ളൂര്‍, ചിറ്റനാട്‌

, തെങ്ങോട്‌, പെരിങ്ങാല, കരിമുകള്‍, ഊത്തിക്കര, പീച്ചിങ്ങച്ചിറ, കാണിനാട്‌,

 പഴന്തോട്ടം, പറക്കോട്‌, എരുമേലി, വെമ്പിളി, വയലാര്‍പടി, വെസ്‌റ്റ് 

മോറയ്‌ക്കാല എന്നിവിടങ്ങളിലേക്ക്‌ വാഹനസൗകര്യം ഉണ്ടായിരിക്കും.

പൗരോഹിത്യ സുവര്‍ണ്ണജൂബിലി ആഘോഷിച്ചു

കോട്ടയം: സിറിയന്‍ ഓര്‍ത്തഡോക്‌സ് സഭയുടെ അമേരിക്കയിലെ മലങ്കര ആര്‍ച്ച്‌ ഡയോസിസ്‌ ഭദ്രാസന സെക്രട്ടറിയും, മേരീലാന്റ്‌ ബാള്‍ട്ടിമോര്‍ സെന്റ്‌ തോമസ്‌ സിറിയന്‍ ഓര്‍ത്തഡോക്‌സ് ദേവാലയ സ്‌ഥാപക വികാരിയുമായ ഫാ. ഏബ്രഹാം കടവില്‍ കോര്‍എപ്പിസ്‌കോപ്പയുടെ പൗരോഹിത്യ സുവര്‍ണ്ണജൂബിലി

മാതൃ ഇടവകയായ തൃക്കോതമംഗലം സെന്റ്‌ മേരീസ്‌ യാക്കോബായ സുറിയാനി

പള്ളിയില്‍ (കോട്ടയം) ആഘോഷിച്ചു. ചടങ്ങില്‍ കോട്ടയം ഭദ്രാസന മെത്രാപ്പോലീത്ത തോമസ്‌ മോര്‍ തിമോത്തിയോസ്‌ അദ്ധ്യക്ഷതവഹിച്ചു. മോര്‍ തിമോത്തിയോസ്‌ മുഖ്യകാര്‍മികത്വം വഹിച്ച കുര്‍ബാനയ്‌ക്കുശേഷം ചേര്‍ന്ന യോഗത്തില്‍ സഭാ തലവനായ പാത്രിയര്‍ക്കീസ്‌ ബാവായുടെ ആശംസാ കല്‍പ്പന ഫാ. ബോബി മാത്യു മൂലയില്‍ വായിച്ചു. ഫാ. എ.ടി ഏബ്രഹാം ഫാ.ഫിലിപ്പോസ്‌ കോട്ടപ്പുറം കോര്‍എപ്പിസ്‌കോപ്പ, ഫാ. കുര്യാക്കോസ്‌ കറുകയില്‍ കോര്‍എപ്പിസ്‌കോപ്പ, ഫാ. ജോര്‍ജ്‌ ജേക്കബ്‌, പി.എസ്‌. കുര്യാക്കോസ്‌, അമേരിക്കന്‍ ഭദ്രാസനത്തെ പ്രതിനിധീകരിച്ച്‌ ഡോ. ജോര്‍ജ്‌ കട്ടക്കുഴി, ബാബു ജേക്കബ്‌ നടയില്‍, യു.ടി. വര്‍ഗീസ്‌ എന്നിവര്‍ ആശംസകള്‍ അര്‍പ്പിച്ചു. ഇടവകയുടെ സ്‌നേഹോപഹാരം കെ.എന്‍. മര്‍ക്കോസ്‌ കോതകേരി കോര്‍എപ്പിസ്‌കോപ്പയ്‌ക്ക് സമ്മാനിച്ചു. തോമസ്‌ ഉലഹന്നാന്‍ സ്വാഗതം ആശംസിച്ചു. ബിജു ചെറിയാന്‍ (പബ്ലിസിറ്റി കോര്‍ഡിനേറ്റര്‍) അറിയിച്ചതാണിത്‌.

കടപാട്:റെജി.പി.വര്‍ഗീസ്‌ (പബ്ലിസിറ്റി കണ്‍വീനര്‍ യാക്കോബായ സുറിയാനി ഓര്‍ത്തഡോക്സ് യൂത്ത് അസോസിയേഷന്‍ കേന്ദ്ര കമ്മിറ്റി) 

ചേലക്കര പള്ളിപ്പെരുന്നാളിന്‌ കൊടിയേറി

ചേലക്കര: ചേലക്കര സെന്റ്‌ജോര്‍ജ്‌ യാക്കോബായ സുറിയാനി പുത്തന്‍പള്ളി പെരുന്നാളിന്‌ കൊടിയേറി. വികാരി ഫാ. അബ്രഹാം ചക്കാലയ്‌ക്കലാണ്‌ കൊടിയേറ്റം നിര്‍വ്വഹിച്ചത്‌. പുത്തന്‍പള്ളിയുടേയും പരുമല തിരുമേനിയുടെ നാമധേയത്തിലുള്ള കുരിശുപള്ളിയുടെയും യല്‍ദോ മാര്‍ ബസേലിയോസ്‌ ബാവയുടെ തിരുശേഷിപ്പ്‌ സ്‌ഥാപനത്തിന്റേയും പെരുന്നാളാണ്‌ ശനി, ഞായര്‍ ദിവസങ്ങളിലായി വിപുലമായി ആഘോഷിക്കുക. പെരുന്നാളിനോടനുബന്ധിച്ച്‌ വിവിധ ഭദ്രാസനാധിപന്മാര്‍ക്ക്‌ സ്വീകരണം നല്‍കും.