മണര്‍കാട്ട് ഇന്ന് ഗതാഗത നിയന്ത്രണം

മണര്‍കാട്: മണര്‍കാട് പള്ളി റാസയുടെ ക്രമീകരണങ്ങളുടെ ഭാഗമായി മണര്‍കാട്ട് ചൊവ്വാഴ്ച ഉച്ചമുതല്‍ ഗതാഗത നിയന്ത്രണം ഏര്‍പ്പെടുത്തി.
പാലാ, അയര്‍ക്കുന്നം ഭാഗങ്ങളില്‍നിന്നുള്ള വാഹനങ്ങള്‍ കാവുംപടിയില്‍നിന്ന് തിരിഞ്ഞ് കുറ്റിയക്കുന്ന് ആറാം മൈല്‍ പഴയ കെ.കെ. റോഡുവഴി പോകണം.
കോട്ടയത്തുനിന്ന് പാലായ്ക്കുള്ള വാഹനങ്ങള്‍ കെ.കെ. റോഡില്‍ അണ്ണാടിവയല്‍ കവലയിലെത്തി തിരിഞ്ഞ് മാലം പാലത്തില്‍ എത്തി പോകണം. പാമ്പാടിയില്‍ നിന്ന് കോട്ടയത്തേക്കുള്ള വാഹനങ്ങള്‍ മണര്‍കാട് കിഴക്കേ കവലയിലെത്തി പുതുപ്പള്ളി റോഡില്‍ തിരിഞ്ഞ് തലപ്പാടി വഴി മാധവന്‍പടിയിലെത്തിയോപുതുപ്പള്ളി കവലയിലെത്തിയോ തിരിഞ്ഞു പോകണം.
കോട്ടയത്തുനിന്ന് പാമ്പാടി ഭാഗത്തേക്കുള്ള വാഹനങ്ങള്‍ കെ.കെ. റോഡ് വഴി നേരെ പേകണം.

പുരാതന പള്ളികള്‍ നാട്ടുരാജാക്കന്മാര്‍ പണികഴിപ്പിച്ചത് - ശ്രേഷ്ഠകാതോലിക്കാ ബാവാ

പുരാതന പള്ളികള്‍ നാട്ടുരാജാക്കന്മാര്‍ പണികഴിപ്പിച്ചത് - ശ്രേഷ്ഠകാതോലിക്കാ ബാവാ

മണര്‍കാട്:ഭാരതത്തിലെ പുരാതനമായ പല ക്രൈസ്തവ ദേവാലയങ്ങളും പഴയ നാട്ടുരാജാക്കന്മാര്‍ പണികഴിപ്പിച്ച് നല്‍കിയിട്ടുള്ളതാണെന്ന് മലങ്കര യാക്കോബായ സുറിയാനി സഭയുടെ ശ്രേഷ്ഠകാതോലിക്ക മോര്‍ ബസേലിയോസ് തോമസ് പ്രഥമന്‍ ബാവാ പറഞ്ഞു. മണര്‍കാട് പള്ളിയില്‍ എട്ടുനോമ്പ് പെരുന്നാളിന്റെ ഭാഗമായി നടത്തിയ പൊതുസമ്മേളനം ഉദ്ഘാടനം ചെയ്യുകയായിരുന്നു കാതോലിക്കാബാവ. മാര്‍ത്തോമാ ശ്ലീഹ ഇന്ത്യയിലെത്തുമ്പോള്‍ ഇവിടെ ക്രൈസ്തവര്‍ ഇല്ലായിരുന്നു.
ദേവാലയം പണിയുന്നതിന് തോമാശ്ലീഹ സ്ഥലം ആവശ്യപ്പെട്ടതിനെത്തുടര്‍ന്ന് നാട്ടുരാജാക്കന്മാര്‍ അത് പണിയിച്ച് നല്‍കുകയായിരുന്നു. ആ പഴയ ജനമൈത്രി ഇന്നും നിലനില്‍ക്കുന്നുണ്ട്. ജാതിമത ദേദമെന്യേ ആളുകള്‍ എട്ടുനോമ്പാചരണത്തില്‍ പങ്കെടുത്ത് അനുഗ്രഹം പ്രാപിക്കുന്നുവെന്നും അതില്‍നിന്നുള്ള നേര്‍ച്ച ആതുരസേവനത്തിനായി വിനിയോഗിക്കുന്നുവെന്നും കാതോലിക്കാ ബാവ പറഞ്ഞു.
ജാതിമത വേര്‍തിരിവുകള്‍ക്കപ്പുറം നാടിന്റെയും സമൂഹത്തിന്റെയും നന്മയുടെ പ്രതീകമായാണ് മണര്‍കാട് പള്ളി നിലകൊള്ളുന്നത്. സമുദായ സൗഹാര്‍ദ്ദത്തിന് നല്ല അന്തരീക്ഷം നല്‍കിയുള്ള പ്രവര്‍ത്തനമാണ് ഇവിടെ നടക്കുന്നത്-ചടങ്ങില്‍ മുഖ്യപ്രഭാഷണം നടത്തിയ മുഖ്യമന്ത്രി ഉമ്മന്‍ചാണ്ടി പറഞ്ഞു. സെന്റ് മേരീസ് കോളേജ് വിമന്‍സ് ഹോസ്റ്റലിന്റെ ഉദ്ഘാടനവും സേവകാസംഘം സൗജന്യമായി നിര്‍മ്മിച്ചുനല്‍കുന്ന 12 വീടുകളുടെ അടിസ്ഥാനശിലാവിതരണവും മുഖ്യമന്ത്രി നിര്‍വ്വഹിച്ചു.
സെന്റ് മേരീസ് ആസ്​പത്രിയുടെ പുതിയ ബ്ലോക്കിന്റെ ഉദ്ഘാടനവും മെറിറ്റ് അവാര്‍ഡ് വിതരണവും മന്ത്രി തിരുവഞ്ചൂര്‍ രാധാകൃഷ്ണന്‍ നിര്‍വ്വഹിച്ചു. ചടങ്ങില്‍ യാക്കോബായ സഭ കോട്ടയം ഭദ്രാസനാധിപന്‍ തോമസ് മാര്‍ തിമോത്തിയോസ് മെത്രാപ്പോലീത്ത അധ്യക്ഷത വഹിച്ചു. പള്ളിവികാരി ഫാ.ഇ.ടി.കുറിയാക്കോസ് കോര്‍ എപ്പിസ്‌കോപ്പ, പ്രിന്‍സ് ഏലിയാസ് എന്നിവര്‍ പ്രസംഗിച്ചു.
രാവിലെ കരോട്ടെ പള്ളിയിലെ കുര്‍ബ്ബാനയ്ക്കു ശേഷം വലിയപള്ളിയില്‍ നടന്ന മൂന്നിന്മേല്‍ കുര്‍ബ്ബാനയില്‍ ക്‌നാനായ അതിഭദ്രാസന ആര്‍ച്ച് ബിഷപ്പ് കുറിയാക്കോസ് മാര്‍ സേവേറിയോസ് വലിയമെത്രാപ്പോലീത്ത പ്രധാനകാര്‍മ്മികത്വം വഹിച്ചു. ഡി.ബാബുപോള്‍ പ്രസംഗിച്ചു. ഫാ.യൂഹാനോന്‍ വേലിക്കകത്ത് ധ്യാനത്തിന് നേതൃത്വം നല്‍കി. തിങ്കളാഴ്ച രാവിലെ വലിയപള്ളിയില്‍ നടക്കുന്ന മൂന്നിന്മേല്‍ കുര്‍ബ്ബാനയ്ക്ക് മലബാര്‍ ഭദ്രാസനാധിപന്‍ സഖറിയാസ് മാര്‍ പീലിക്‌സിനോസ് മെത്രാപ്പോലീത്ത പ്രധാന കാര്‍മ്മികത്വം വഹിക്കും.

Kollam Diocese JSOYA conducted facilitation meeting for Students who excelled in Studies. 

KOLLAM: Kollam Diocese JSOYA conducted facilitation meeting for Students who excelled in Studies in the program held at St. Mary's Soonoro Cathedral Kundara. Sr. M. A Baby M.LA will inaugurated the function. H.G Mathews Mor Thevodosious presided over the function.Shri. Zachariah Mathew (JSOYA Secretary Kollam Diocese) delivered the welcome speech. Mrs. P. Jayanthy (District Panchayat vice President Kollam) delivered the key Note address. Facilitation speeches were delivered by Rev. Fr. Punnose Tharaken, Rev. Fr George & Fr. Geevarghese. Adv. Renji delivered the vote of thanks.

Kollam Diocese"Shlomo" (Ecological commission of JSOC) inaugurated at St. Mary's Soonoro Cathedral Kundara.

Kollam Diocese"Shlomo" (Ecological commission of JSOC) inaugurated at St. Mary's Soonoro Cathedral Kundara.

KOLLAM: Kollam Diocese "Shlomo" (Ecological commission of JSOC) inaugurated at St. Mary's Soonoro Cathedral Kundara. Sr. M. A Baby M.LA inaugurated the function. H.G Mathews Mor Thevodosious, Shri. Zachariah Mathew (JSOYA Secretary Kollam Diocese), Mrs. P. Jayanthy (District Panchayat vice President kollam) delivered the key Note address. Faciltation speeches were delivered by Rev. Fr Punnose Tharaken, Rev. fr George & Rev. Fr. Geevarghese. Adv. Renji delivered the vote of thanks.

മണര്‍കാട്‌ പള്ളിയില്‍ ഇന്ന്‌ പൊതുസമ്മേളനം

മണര്‍കാട്‌ പള്ളിയില്‍ ഇന്ന്‌ പൊതുസമ്മേളനം

മണര്‍കാട്‌: ചരിത്രപ്രസിദ്ധമായ മണര്‍കാട്‌ സെന്റ്‌ മേരീസ്‌ യാക്കോബായ സുറിയാനി കത്തീഡ്രലിലെ എട്ടുനോമ്പ്‌ പെരുന്നാളിന്റെ നാലാംദിവസമായ ഇന്ന്‌ പൊതുസമ്മേളനം നടക്കും. ഉച്ചകഴിഞ്ഞ്‌ രണ്ടിന്‌ നടക്കുന്ന സമ്മേളനത്തില്‍ തോമസ്‌ മോര്‍ തീമോത്തിയോസ്‌ മെത്രാപ്പോലീത്ത അധ്യക്ഷനാകും.ശ്രേഷ്‌ഠ കാതോലിക്കാ ബസേലിയോസ്‌ തോമസ്‌ പ്രഥമന്‍ ബാവ ഉദ്‌ഘാടനം ചെയ്യും.മണര്‍കാട്‌ സെന്റ്‌ മേരീസ്‌ കോളജിന്‌ യു.ജി.സിയുടെ സഹായത്താല്‍ നിര്‍മിച്ച വിമന്‍സ്‌ ഹോസ്‌റ്റലിന്റെ ഉദ്‌ഘാടനവും മുഖ്യപ്രഭാഷണവും മുഖ്യമന്ത്രി ഉമ്മന്‍ചാണ്ടി നിര്‍വഹിക്കും. മന്ത്രിമാരായ തിരുവഞ്ചൂര്‍ രാധാകൃഷ്‌ണന്‍, കെ.സി. ജോസഫ്‌, ടി.എം. ജേക്കബ്‌,ജോസ്‌ കെ. മാണി എം.പി. എന്നിവര്‍ പങ്കെടുക്കും. കോര്‍ എപ്പിസ്‌കോപ്പാ സ്‌ഥാനം ലഭിച്ച ഫാ. ആന്‍ഡ്രൂസ്‌ ചിരവത്തറയെ ഡി. ബാബുപോള്‍ അനുമോദിക്കും. സെന്റ്‌ മേരീസ്‌ ആശുപത്രിയുടെ പുതിയ ബ്ലോക്ക്‌ ഉദ്‌ഘാടനം,12 ഭവനങ്ങളുടെ അടിസ്‌ഥാനശിലയിടീല്‍, ആധ്യാത്മിക സംഘടനകളുടെ വാര്‍ഷികം, ഡയറക്‌ടറി പ്രകാശനം, മുതിര്‍ന്ന അംഗങ്ങളെ ആദരിക്കല്‍,

വിശ്വാസസംരക്ഷണ സമിതിയോഗം

കോലഞ്ചേരി: സത്യവിശ്വാസം സംരക്ഷിക്കാന്‍ വിശ്വാസി സമൂഹം എന്ത് ത്യാഗവും സഹിക്കണമെന്ന് കണ്ടനാട് ഭദ്രാസന മെത്രാപ്പോലീത്ത ഡോ.മാത്യൂസ് മാര്‍ ഇവാനിയോസ് മെത്രാപ്പോലീത്ത. കോലഞ്ചേരി സെന്റ് പീറ്റേഴ്‌സ് ആന്റ് സെന്റ്‌പോള്‍സ് യാക്കോബായ പള്ളിയില്‍ നടന്ന വിശ്വാസ സംരക്ഷണ സമിതിയോഗം ഉദ്ഘാടനം ചെയ്യുകയായിരുന്നു അദ്ദേഹം.
വികാരി ഫാ. വര്‍ഗീസ് ഇടുമാരിയുടെ അധ്യക്ഷതയില്‍ കുര്യാക്കോസ് മാര്‍ ദിയസ്‌കോറസ് മെത്രാപ്പോലീത്ത, സഭാ സെക്രട്ടറി തമ്പുജോര്‍ജ്, ഫാ.പൗലോസ് പുതിയാമഠത്തില്‍, ഫാ.ബേബി മാനത്ത്, ഫാ.രാജുകൊളാപ്പുറത്ത്, ഫാ. ജിബുചെറിയാന്‍, സ്ലീബ ഐക്കരകുന്നത്ത്, ഫാ. എല്‍ദോ കക്കാടന്‍, ബാബുപോള്‍ എന്നിവര്‍ പ്രസംഗിച്ചു.

എട്ടുനോമ്പ് പെരുന്നാള്‍: അനുഗ്രഹം തേടി ആയിരങ്ങള്‍

എട്ടുനോമ്പ് പെരുന്നാള്‍: അനുഗ്രഹം തേടി ആയിരങ്ങള്‍

മണര്‍കാട്: വിശുദ്ധ കന്യക മര്‍ത്തമറിയത്തിന്റെ ജനനപ്പെരുന്നാളിന്റെ ഭാഗമായുള്ള എട്ടുനോമ്പാചരണത്തില്‍ അനുഗ്രഹം തേടിയെത്തുന്നത് ആയിരങ്ങള്‍. ആഗോള മരിയന്‍ തീര്‍ത്ഥാടന കേന്ദ്രമായ മണര്‍കാട് മര്‍ത്തമറിയം കത്തീഡ്രലില്‍ വെള്ളിയാഴ്ചയും വ്രതാനുഷ്ഠാനത്തോടെ പുണ്യംതേടിയെത്തിയ ഭക്തജനങ്ങളുടെ തിരക്കായിരുന്നു.
രാവിലെ കരോട്ടെ പള്ളിയില്‍ നടന്ന വിശുദ്ധ കുര്‍ബ്ബാനയ്ക്കുശേഷം വലിയപള്ളിയില്‍ നടന്ന മൂന്നിന്‍മേല്‍ കുര്‍ബാനയില്‍ സിംഗപ്പൂര്‍ ഭദ്രാസനാധിപന്‍ പത്രോസ് മാര്‍ ഒസ്താത്തിയോസ് മെത്രാപ്പോലീത്ത പ്രധാന കാര്‍മ്മികത്വം വഹിച്ചു. ദൈവമാതാവിന്റെ അനുഗ്രഹങ്ങള്‍ അളവില്ലാതെ ലഭിക്കുന്ന ദേവാലയമാണ് മണര്‍കാട് പള്ളിയെന്ന് അനുഗ്രഹപ്രഭാഷണത്തില്‍ മാര്‍ ഒസ്താത്തിയോസ് മെത്രാപ്പോലീത്ത പറഞ്ഞു. ഫാ.തോമസ് മറ്റത്തില്‍, ഫാ.മാത്യൂസ് ചെന്നൈ എന്നിവര്‍ സഹകാര്‍മ്മികത്വം വഹിച്ചു. കരോട്ടെ പള്ളിയില്‍ നടന്ന കുര്‍ബ്ബാനയില്‍ ഫാ.മാത്യൂസ് വടക്കേടം കാര്‍മ്മികത്വം വഹിച്ചു. ഫാ.പ്രസാദ് കോവൂര്‍, ഫാ.ഇ.സി.വര്‍ഗീസ് കോര്‍ എപ്പിസ്‌കോപ്പ എന്നിവര്‍ പ്രസംഗിച്ചു. ഡീക്കന്‍ അഭിലാഷ് വലിയവീട്ടില്‍ ധ്യാനത്തിന് നേതൃത്വം നല്‍കി.തുടര്‍ന്ന് സന്ധ്യാപ്രാര്‍ത്ഥനയും നടന്നു.

ചേലാട് സെന്റ്‌.മേരീസ്‌ ചാപ്പലില്‍ എട്ടുനോമ്പ്‌ പെരുന്നാള്‍

ചേലാട് സെന്റ്‌.മേരീസ്‌ ചാപ്പലില്‍ എട്ടുനോമ്പ്‌ പെരുന്നാള്‍

ചേലാട് :സെന്റ്‌.സ്റ്റീഫന്‍സ് ബസ്-അനിയ വലിയ പള്ളിയുടെ  കീഴില്‍  ഉള്ള  സെന്റ്‌.മേരീസ്‌  ചാപ്പലില്‍  8 നോമ്പിനു തുടക്കം കുറിച്ച് .ഫാ.ഷാജി  പൗലോസ്‌  തെക്കേ കുടിയില്‍ കൊടി ഉയര്‍ത്തുന്നു. ഫാ.ഗീവര്‍ഗീസ് വാഴാട്ടെല്‍, Dn.ബെന്‍  സ്റ്റീഫന്‍സ് മാത്യു കല്ലിങ്കല്‍ ,മറ്റു വിശ്വാസികളും സംബന്ധിച്ചു.

മണര്‍കാട്‌ പള്ളിയില്‍ എട്ടു നോമ്പ്‌ പെരുന്നാളിന്‌ കൊടിയേറി

മണര്‍കാട്‌ പള്ളിയില്‍ എട്ടു നോമ്പ്‌ പെരുന്നാളിന്‌ കൊടിയേറി മണര്‍കാട്‌: ആഗോള മരിയന്‍ തീര്‍ഥാടന കേന്ദ്രമായ മണര്‍കാട്‌ സെന്റ്‌ മേരീസ്‌ യാക്കോബായ സുറിയാനി കത്തീഡ്രലില്‍ എട്ടു നോമ്പ്‌ പെരുന്നാളിന്‌ കൊടിയേറി. വികാരി ഫാ. ഇ.ടി. കുര്യാക്കോസ്‌ കോര്‍ എപ്പിസ്‌കോപ്പയുടെ കാര്‍മികത്വത്തില്‍ ഫാ. കുര്യാക്കോസ്‌ കാലായിലിന്റെ സഹകാര്‍മികത്വത്തിലുമാണ്‌ കൊടിയേറിയത്‌. ആയിരക്കണക്കിന്‌ വിശ്വാസികള്‍ സാക്ഷികളായി.  അപേക്ഷകളും പ്രാര്‍ഥനാഗീതങ്ങളും വാദ്യമേളങ്ങളും നിറഞ്ഞ ഭക്തിനിര്‍ഭരമായ അന്തരീക്ഷത്തില്‍ മണര്‍കാട് മര്‍ത്തമറിയം യാക്കോബായ സുറിയാനി കത്തീഡ്രലില്‍ എട്ടുനോമ്പ് പെരുനാളിന് വ്യാഴാഴ്ച കൊടിമരം ഉയര്‍ത്തി. വ്രതാനുഷ്ഠാനത്തോടെയെത്തിയ വിശ്വാസസമൂഹം ചടങ്ങിന് സാക്ഷികളായി. നിലംതൊടാതെ വെട്ടിയെടുത്ത കൊടിമരം ആര്‍പ്പുവിളികളുടെയും ചെണ്ടവാദ്യമേളങ്ങളുടെയും അകമ്പടിയോടെ ഘോഷയാത്രയായാണ് പള്ളിയിലെത്തിച്ചത്. തുടര്‍ന്ന് കരോട്ടെ പള്ളിക്കും വലിയപള്ളിക്കും മൂന്നുതവണ വലംവച്ച് ചെത്തിമിനുക്കി മുകളില്‍ കുരിശുതറച്ച് കൊടികള്‍കെട്ടി പ്രത്യേക പ്രാര്‍ഥനയ്ക്കുശേഷം കല്‍ക്കുരിശിന് സമീപം ഉയര്‍ത്തി. ചടങ്ങുകള്‍ക്ക് പള്ളിവികാരി ഫാ. ഇ.ടി. കുരിയാക്കോസ് കോര്‍ എപ്പിസ്‌കോപ്പ, സഹവികാരിമാരായ ഫാ.ആന്‍ഡ്രൂസ് ചിരവത്തറ കോര്‍ എപ്പിസ്‌കോപ്പ, ഫാ. മാത്യൂസ് മണവത്ത്, ഫാ. കുരിയാക്കോസ് കാലായില്‍, ഫാ. തോമസ് മറ്റത്തില്‍ തുടങ്ങിയവര്‍ കാര്‍മികത്വം വഹിച്ചു. നോമ്പാചരണത്തിന് തുടക്കംകുറിച്ച് രാവിലെ വലിയപള്ളിയില്‍ നടന്ന മൂന്നിന്മേല്‍ കുര്‍ബാനയില്‍ കോട്ടയം ഭദ്രാസനാധിപന്‍ തോമസ് മാര്‍ തീമോത്തിയോസ് മെത്രാപ്പോലീത്ത പ്രധാന കാര്‍മികത്വം വഹിച്ചു. തുടര്‍ന്ന് പ്രസംഗം, മധ്യാഹ്ന പ്രാര്‍ഥന, ധ്യാനം, സന്ധ്യാ പ്രാര്‍ഥന എന്നിവ നടന്നു. വെള്ളിയാഴ്ച രാവിലെ ഒമ്പതിന് വലിയപള്ളിയില്‍ നടക്കുന്ന മൂന്നിന്മേല്‍ കുര്‍ബാനയില്‍ സിംഗപ്പൂര്‍ ഭദ്രാസനാധിപന്‍ പത്രോസ് മാര്‍ ഒസ്താത്തിയോസ് മെത്രാപ്പോലീത്ത പ്രധാന കാര്‍മികത്വം വഹിക്കും.

Ettu Nombu Perunnal at Pazhamthottam St. Mary's JSOC.

PAZHAMTHOTTAM: Convention will be held on all the lent daysREv. Fr. Poulose Pallathukudy, Rev. Fr. Jiju Varghese, Rev. Fr. Eby Varkey, Rev. Dn. Reji Panjode, Rev. Fr. Shaji Kochillam, Jacob Alatuchira & Rev. Fr. Biju Varkey 
will lead the convention on these 8 days.

മലേക്കുരിശില്‍ നൂറുകണക്കിന് വിശ്വാസികള്‍ കബര്‍ വണങ്ങി

മലേക്കുരിശില്‍ നൂറുകണക്കിന് വിശ്വാസികള്‍ കബര്‍ വണങ്ങി

കോലഞ്ചേരി: മലേക്കുരിശ് ദയറായില്‍ കബറടങ്ങിയ ശ്രേഷ്ഠ കാതോലിക്ക മാര്‍ ബസേലിയോസ് പൗലോസ് ദ്വിതീയന്‍ ബാവയുടെ 15-ാമത് ശ്രാദ്ധപ്പെരുന്നാളിനോട് അനുബന്ധിച്ച് കനത്ത മഴയിലും നൂറുകണക്കിന് വിശ്വാസികള്‍ ബാവായുടെ കബര്‍ വണങ്ങി. ബുധനാഴ്ച വൈകീട്ട് ബാവയുടെ മാതൃ ഇടവകയായ ചെറായി പള്ളിയില്‍ നിന്ന് എത്തിയ ദീപശിഖാ പ്രയാണത്തിനും, മലങ്കര സഭയുടെ വിവിധ മേഖലകളില്‍ നിന്ന് എത്തിയ തീര്‍ത്ഥാടകര്‍ക്കും ദയറാകവാടത്തില്‍ ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവയുടെ നേതൃത്വത്തില്‍ സ്വീകരണം നല്‍കി. തുടര്‍ന്ന് കാലം ചെയ്ത ബാവയുടെ കബറിങ്കല്‍ ശ്രേഷ്ഠ ബാവയുടെയും മെത്രാപ്പോലീത്തമാരുടെയും വൈദികരുടെയും കാര്‍മികത്വത്തില്‍ ധൂപപ്രാര്‍ത്ഥന നടത്തി. തുടര്‍ന്ന് നടന്ന അനുസ്മരണ സമ്മേളനം ദയറാധിപന്‍ കുര്യാക്കോസ് മാര്‍ ദിയസ്‌കോറസ് മെത്രാപ്പോലീത്തയുടെ അധ്യക്ഷതയില്‍ ശ്രേഷ്ഠ ബാവ ഉദ്ഘാടനം ചെയ്തു. മെത്രാപ്പോലീത്തമാരായ ഗീവര്‍ഗീസ് മാര്‍ അത്താനാസ്യോസ്, ഡോ. മാത്യൂസ് മാര്‍ ഈവാനിയോസ്, മര്‍ക്കോസ് മാര്‍ ക്രിസോസ്റ്റമോസ്, മാത്യൂസ് മാര്‍ അഫ്രേം, ഗീവര്‍ഗീസ് മാര്‍ കൂറിലോസ്, പത്രോസ് മാര്‍ ഒസ്താത്തിയോസ്, കുര്യാക്കോസ് മാര്‍ ഐറേനിയോസ്, ഗീവര്‍ഗീസ് മാര്‍ ഒസ്താത്തിയോസ്, ഏലിയാസ് മാര്‍ അത്താനാസിയോസ് എന്നിവരും സ്ലീബാ പോള്‍ വട്ടവേലില്‍ കോര്‍എപ്പിസ്‌കോപ്പ എന്നിവര്‍ പ്രസംഗിച്ചു.
അഡ്വ. വര്‍ഗീസ് ക്‌നാലത്തിന് ഷെവലിയാര്‍ മുദ്ര ബാവ അണിയിച്ചു. കൂടാതെ വിദ്യാഭ്യാസ അവാര്‍ഡുദാനവും കബറിങ്കല്‍ അഖണ്ഡപ്രാര്‍ത്ഥനയും നടത്തി. 

മലേക്കുരിശ് തീര്‍ഥയാത്ര

 മലേക്കുരിശ് തീര്‍ഥയാത്ര കൂത്താട്ടുകുളത്തുനിന്ന് തുടങ്ങും

കൂത്താട്ടുകുളം: മലേക്കുരിശിലേക്കുള്ള കാല്‍നട തീര്‍ഥയാത്ര കൂത്താട്ടുകുളത്തുനിന്ന് ബുധനാഴ്ച രാവിലെ ആരംഭിക്കും. മംഗലത്തുതാഴത്ത് തോട്ടുപുറം മോര്‍ ഗ്രിഗോറിയോസ് ചാപ്പലില്‍നിന്ന് വടകര സെന്റ് ജോണ്‍സ് യാക്കോബായ സുറിയാനി പള്ളിയില്‍ എത്തും. കിഴകൊമ്പ് സെന്റ് മേരീസ് ചാപ്പലില്‍നിന്നും വിശ്വാസികളുടെ സംഘം വടകരയിലെത്തും. കുഴിക്കാട്ടുകുന്ന് ചാപ്പലിലെ സംഘം ഒലിയപ്പുറം വാണിഭശ്ശേരി കുരിശുകവലയിലെത്തും. വാളിയപ്പാടം നെടുങ്കോട് ചാപ്പലില്‍ സ്വീകരണം നല്‍കും. ഇടയാറില്‍നിന്നും തീര്‍ഥയാത്രാസംഘം വാളിയപ്പാടത്തെത്തും. കാക്കൂര്‍ ആട്ടിന്‍കുന്ന് സെന്റ് മേരീസ് യാക്കോബായ ചാരിറ്റബിള്‍ ട്രസ്റ്റിന്റെപാരിഷ്ഹാളില്‍ സ്വീകരണം നല്‍കും. മണ്ണത്തൂര്‍, നെല്ലിക്കുന്ന് പള്ളികളില്‍നിന്നുള്ള സംഘം മണ്ണത്തൂരിലെത്തി മറ്റു സംഘങ്ങളുമായി ചേര്‍ന്ന് വെട്ടിമൂട് വഴി പിറമാടത്തെത്തും.

 പിറവം മേഖല തീര്‍ഥയാത്ര

പിറവം മേഖലയില്‍ നിന്നുള്ള മലെക്കുരിശു തീര്‍ഥയാത്ര ഇന്ന് 1 .30 നു ഫാ ഗീവര്‍ഗീസ് തെറ്റാലില്‍ ന്റെ നേതൃത്വത്തില്‍ പിറവം വലിയ പള്ളിയില്‍  നിന്നും ആരംഭിക്കും.മാമാലശ്ശേരി മാര്‍  മിഖായേല്‍  യാക്കോബായ സുറിയാനി പള്ളിയില്‍ എത്തിച്ചേര്‍ന്നു സ്വീകരണവും പ്രാര്‍ഥനയ്ക്കും ശേഷം രാമമംഗ ലത്തെത്തി കൂത്താട്ടുകുളം മേഖല യാത്രയ്ക്കൊപ്പം ചേരുന്നു. തുടര്‍ന്ന് പൂതൃക്ക  പള്ളിയില്‍ എത്തിച്ചേര്‍ന്നു പ്രാര്‍ഥനയ്ക്കും വിശ്രമത്തിനും  ശേഷം യാത്ര തുടരുന്നു.വൈകിട്ട്   6 നു തീര്‍ഥയാത്ര മാലെക്കുരിശില്‍ എത്തിച്ചേരും.ദയറ കവാടത്തില്‍ ശ്രേഷ്ഠ കാതോലിക്കാ  ബാവയും  സഭയിലെ അഭി പിതാക്കന്മാരും ചേര്‍ന്ന് തീര്‍ഥയാത്രയെ സ്വീകരിക്കും. 

മണര്‍കാട് പള്ളി പെരുന്നാള്‍: ഒരുക്കങ്ങള്‍ പൂര്‍ത്തിയായി

മണര്‍കാട് പള്ളി പെരുന്നാള്‍: ഒരുക്കങ്ങള്‍ പൂര്‍ത്തിയായി

അലങ്കാര ദീപങ്ങള്‍ മിഴി തുറന്നപ്പോള്‍

മണര്‍കാട്: വിശുദ്ധ കന്യകാ മറിയത്തിന്റെ ജനനപ്പെരുന്നാളിന്റെ ഭാഗമായുള്ള എട്ടുനോമ്പ് ആചരണത്തിന് മണര്‍കാട് മര്‍ത്തമറിയം കത്തീഡ്രലില്‍ ഒരുക്കങ്ങള്‍ പൂര്‍ത്തിയായി. വിവിധ സര്‍ക്കാര്‍ വകുപ്പുകളുടെ പ്രവര്‍ത്തന ഉദ്ഘാടനം ബുധനാഴ്ച വൈകീട്ട് അഞ്ചിന് മന്ത്രി തിരുവഞ്ചൂര്‍ രാധാകൃഷ്ണന്‍ നിര്‍വഹിക്കും. സപ്തംബര്‍ ഒന്നു മുതല്‍ എട്ടുവരെയാണ് നോമ്പാചരണം. പ്രധാന പെരുന്നാള്‍ ഏഴ്, എട്ട് തിയ്യതികളില്‍ നടക്കും. പെരുന്നാളിന് തുടക്കം കുറിച്ച് വ്യാഴാഴ്ച കൊടിമരം ഉയര്‍ത്തും. നിലംതൊടാതെ വെട്ടിയെടുക്കുന്ന കൊടിമരം ചെത്തിമിനുക്കി കൊടികെട്ടി പ്രത്യേക പ്രാര്‍ത്ഥനകള്‍ക്ക് ശേഷമാണ് ഉയര്‍ത്തുന്നത്. ദീപാലങ്കാലങ്ങള്‍ ഒന്നാം തിയ്യതി മുതല്‍ പ്രകാശിച്ച് തുടങ്ങും. പാച്ചോര്‍ നേര്‍ച്ചയുടെ ക്രമീകരണങ്ങളും പൂര്‍ത്തിയായി. പെരുന്നാള്‍ ചടങ്ങുകള്‍ക്ക് യാക്കോബായ സഭയുടെ ശ്രേഷ്ഠകാതോലിക്ക മോര്‍ ബസേലിയോസ് തോമസ് പ്രഥമന്‍ ബാവായും സഭയിലെ മറ്റ് മെത്രാപ്പോലീത്താമാരും കാര്‍മ്മികത്വം വഹിക്കും. സപ്തംബര്‍ നാലിന് നടക്കുന്ന പൊതുസമ്മേളനത്തില്‍ മുഖ്യമന്ത്രി ഉമ്മന്‍ചാണ്ടി പങ്കെടുക്കും.

8 day lent Perunnal at St. Gregorious JSOC, Karimugal from Sep 1st to 8th.

8 day lent Perunnal at St. Gregorious JSOC, Karimugal from Sep 1st to 8th.

Karimugal:Convention will be held on all the lent days. A. C Pathrose, Rev. Fr. Shibu Cherian, Rev. Dn. Reji Panjode, Rev. Fr. Samson Meloth, Rev. Fr. Cheriyan Kooliyd, Rev. Fr. Jiji Varghese & Rev. Fr. Varghese Allukkal will lead the convention on these 8 days.

ഷിക്കാഗോ സെന്റ്‌ ജോര്‍ജ്‌ യാക്കോബായ പള്ളിയില്‍ എട്ടുനോമ്പ്‌ പെരുന്നാള്‍

ഷിക്കാഗോ സെന്റ്‌ ജോര്‍ജ്‌ യാക്കോബായ പള്ളിയില്‍ എട്ടുനോമ്പ്‌ പെരുന്നാള്‍

ഷിക്കാഗോ: സെന്റ്‌ ജോര്‍ജ്‌ യാക്കോബായ പള്ളിയില്‍ ആണ്ടുതോറും നടത്തിവരാറുള്ള വിശുദ്ധ ദൈവമാതാവിന്റെ നാമത്തിലുള്ള എട്ടുനോമ്പു പെരുന്നാള്‍ ഈ മാസം 31 മുതല്‍ 7 വരെയുള്ള ദിവസങ്ങളില്‍ ആചരിക്കുന്നു.
ഓഗസ്‌റ്റ് 31, സെപ്‌റ്റംബര്‍ 1,2 ദിവസങ്ങളില്‍ വൈകുന്നേരം 6 മണിക്ക്‌ സന്ധ്യാപ്രാര്‍ത്ഥനയും 6.30-ന്‌ വിശുദ്ധ കുര്‍ബാനയും, മധ്യസ്‌ഥപ്രാര്‍ത്ഥനയും ഉണ്ടായിരിക്കും.ഫാ. തോമസ്‌ മേപ്പുറത്ത്‌ പ്രധാന കാര്‍മികത്വം വഹിക്കുന്നതാണ്‌.
സെപ്‌റ്റംബര്‍ 3-ന്‌ വൈകുന്നേരം 6.30-ന്‌ സന്ധ്യാപ്രാര്‍ത്ഥനയും തുടര്‍ന്ന്‌ വികാരി ഫാ. ദിലീഷ്‌ ഏലിയാസ്‌ വചന ശുശ്രൂഷ നടത്തും. സെപ്‌റ്റംബര്‍ 4-ന്‌ 9 മണിക്ക്‌ പ്രഭാത പ്രാര്‍ത്ഥനയും, 9.30-ന്‌ വിശുദ്ധ കുര്‍ബാനയും, മധ്യസ്‌ഥ പ്രാര്‍ത്ഥനയും നടത്തപ്പെടും. സെപ്‌റ്റംബര്‍ 5,6,7 ദിവസങ്ങളില്‍ വൈകുന്നേരം 6 മണിക്ക്‌ സന്ധ്യാപ്രാര്‍ത്ഥനയും, 6.30-ന്‌ വിശുദ്ധ കുര്‍ബാനയും മധ്യസ്‌ഥ പ്രാര്‍ത്ഥനയും വികാരി ഫാ. ദിലീഷ്‌ ഏലിയാസിന്റെ പ്രധാന കാര്‍മികത്വത്തില്‍ നടത്തപ്പെടുന്നതാണ്‌.
സെപ്‌റ്റംബര്‍ 7-ന്‌ ബുധനാഴ്‌ച വൈകുന്നേരം വിശുദ്ധ കുര്‍ബാനയെ തുടര്‍ന്ന്‌ സുവിശേഷ പ്രസംഗം, നേര്‍ച്ച വിളമ്പ്‌, ആശീര്‍വാദം എന്നിവയോടുകൂടി ഈവര്‍ഷത്തെ പെരുന്നാള്‍ ചടങ്ങുകള്‍ സമാപിക്കും.
കൂടുതല്‍ വിവരങ്ങള്‍ക്ക്‌: ഫാ. ദിലീഷ്‌ ഏലിയാസ്‌ (വികാരി) 847 768 0466, മാമ്മന്‍ കുരുവിള (വൈസ്‌ പ്രസിഡന്റ്‌) 630 718 1077, കുര്യന്‍ പി. ജോര്‍ജ്‌ (ട്രഷറര്‍) 847 933 1241, മനോജ്‌ ഏലിയാസ്‌ (സെക്രട്ടറി) 847 337 5932. ഷെവലിയാര്‍ ജയ്‌മോന്‍ അറിയിച്ചതാണിത്‌.