കുറിഞ്ഞി പള്ളിയില്‍ സംഘര്‍ഷം
ശനിയാഴ്ച രാവിലെ 9.30നാണ് പള്ളിമുറ്റത്ത് ഇരുവിഭാഗവും തമ്മില്‍ സംഘര്‍ഷമുണ്ടായത്. സഭാതര്‍ക്കം നിലനില്‍ക്കുന്ന പള്ളിയില്‍ ഓര്‍ത്തഡോക്‌സ് വിഭാഗത്തിന്റെ തവണയായിരുന്നു ശനിയാഴ്ച. എന്നാല്‍,കോടതി വിധി കാറ്റില്‍ പറത്തി ഇവിടെ മൂന്നിന്മേല്‍ കുര്‍ബാന നടത്തിയത് നിയമവിരുദ്ധമാണെന്ന് ചൂണ്ടിക്കാട്ടി യാക്കോബായ വിഭാഗംഅതിക്രമത്തെ ചോദ്യംചെയ്തതോടെയാണ് സംഘര്‍ഷാവസ്ഥ തുടങ്ങിയത്.മുന്‍വികാരി ഏലിയാസ് കുറ്റിപറിച്ചേല്‍, വികാരി സി.കെ. ജോണ്‍ ചിറക്കുടക്കുന്നേല്‍ കോര്‍ എപ്പിസ്‌കോപ്പ, സഹവികാരി ഫാ. പോള്‍ മത്തായി എന്നിവരാണ് മൂന്നിന്മേല്‍ കുര്‍ബാന നടത്തിയത്. പിന്നീട് സെമിത്തേരിയില്‍ ധൂപപ്രാര്‍ഥനയ്ക്കുവേണ്ടി പോകുന്നതിനിടെയാണ് അനധികൃതമായാണ് മൂന്നിന്മേല്‍ കുര്‍ബാന നടത്തിയതെന്നാരോപിച്ച് യാക്കോബായ വിഭാഗം വിശ്വാസി ചോദ്യംചെയ്തത്. ഇതോടെ, സംഘര്‍ഷം മുറുകി. ജില്ലാക്കോടതി വിധിപ്രകാരം വികാരിക്കും സഹവികാരിക്കും മാത്രമേ ഇവിടെ വി.കുര്‍ബാനയര്‍പ്പിക്കുവാന്‍ പാടുള്ളുവെന്നും മൂന്നിന്മേല്‍ കുര്‍ബാനയ്ക്ക് അവകാശമില്ലെന്നും യാക്കോബായ വിഭാഗം പറഞ്ഞു. സമാധാനപരമായി പോകുന്ന പള്ളിയില്‍ മനപ്പൂര്‍വ്വം പ്രശ്നങ്ങള്‍ സൃഷ്ടിച്ചു മെത്രാന്‍ കക്ഷികള്‍ പള്ളി പൂട്ടിക്കാന്‍ ശ്രമിക്കുകയാണന്നു പള്ളി ട്രസ്റ്റിമാര്‍ പറഞ്ഞു.
No comments:
Post a Comment