ഒരു പാത്രിയര്‍ക്കീസ്‌, ഒരു കാതോലിക്കാ ഒരു അസോസിയേഷന്‍ എന്ന അധികാര ശ്രേണിയില്‍ പാത്രിയര്‍ക്കീസിനെ ഒഴിവാക്കാനാവില്ലെന്നാണു സുപ്രീംകോടതിയുടെ 1995 ലെ അന്തിമവിധി.

ഒരു പാത്രിയര്‍ക്കീസ്‌, ഒരു കാതോലിക്കാ ഒരു അസോസിയേഷന്‍ എന്ന അധികാര ശ്രേണിയില്‍ പാത്രിയര്‍ക്കീസിനെ ഒഴിവാക്കാനാവില്ലെന്നാണു സുപ്രീംകോടതിയുടെ 1995 ലെ അന്തിമവിധി.

കൊച്ചി: കോലഞ്ചേരി പള്ളിത്തര്‍ക്കം പരിഹരിക്കാന്‍ ഇടവകയിലെ ഹിതപരിശോധനയാണ്‌ ഏക പോംവഴിയെന്നു യാക്കോബായ സഭ. തിങ്കളാഴ്‌ച തിരുവനന്തപുരത്തു നടന്ന അനുരഞ്‌ജന ചര്‍ച്ചയില്‍ മന്ത്രിസഭാ ഉപസമിതിയെ ഇക്കാര്യം അറിയിച്ചിട്ടുണ്ട്‌. റഫറണ്ടം നടത്തുന്നതുവരെ ഇരുവിഭാഗത്തിനും ആരാധനയ്‌ക്കു തുല്യസമയം നിശ്‌ചയിക്കണം. വിശ്വാസപരമെന്നും ഭരണപരമെന്നും തര്‍ക്കത്തെ രണ്ടായി കാണണമെന്ന വാദമാണു യാക്കോബായ പക്ഷം മുന്നോട്ടുവച്ചത്‌. ഒരു പാത്രിയര്‍ക്കീസ്‌, ഒരു കാതോലിക്കാ ഒരു അസോസിയേഷന്‍ എന്ന അധികാര ശ്രേണിയില്‍ പാത്രിയര്‍ക്കീസിനെ ഒഴിവാക്കാനാവില്ലെന്നാണു സുപ്രീംകോടതിയുടെ 1995 ലെ അന്തിമവിധി.

പാത്രിയാര്‍ക്കീസിന്‌ 1934 ലെ ഭരണഘടനാപ്രകാരം ഭരിക്കപ്പെടുന്ന പള്ളികളില്‍ ഭൗതികാധികാരമില്ലെങ്കിലും ആത്മീയാധികാരം നിഷേധിക്കാനാവില്ലെന്നും സുപ്രീംകോടതി നിര്‍ദേശിച്ചിരുന്നു. പാത്രിയര്‍ക്കീസുമായി ഓര്‍ത്തഡോക്‌സ് വിഭാഗം കാതോലിക്ക പരസ്‌പര സ്വീകരണം ഉണ്ടായിട്ടില്ല. പാത്രിയര്‍ക്കീസിനെ ആത്മീയ മേലധ്യക്ഷനായി സ്വീകരിക്കാത്തപക്ഷം സുപ്രീംകോടതി വിധിയുടെയും ഭേദഗതി ചെയ്‌ത 1934 ലെ ഭരണഘടനയുടെയും ആനുകൂല്യം ലഭിക്കില്ലെന്നും യാക്കോബായ വിഭാഗം ചര്‍ച്ചയില്‍ ചൂണ്ടിക്കാട്ടി. 1934 ലെ ഭരണഘടനാപ്രകാരം മലങ്കരസഭ ഉള്‍പ്പെട്ട ആഗോള സുറിയാനി ഓര്‍ത്തഡോക്‌സ് സഭയുടെ പരമാധ്യക്ഷന്‍ അന്തോഖ്യാ പാത്രിയര്‍ക്കീസാണ്‌.

95 ലെ വിധിയോടെ പാത്രിയര്‍ക്കീസിന്റെ സ്‌ഥാനസാധുത ചോദ്യം ചെയ്യപ്പെടാനാവാത്തതായി. തങ്ങളുടെ അനുമതിയില്ലാതെ വാഴിക്കപ്പെട്ട സഖാ പ്രഥമന്‍ പാത്രിയര്‍ക്കീസ്‌ ബാവായെ അംഗീകരിക്കാന്‍ കഴിയില്ലെന്ന ഓര്‍ത്തഡോക്‌സ് വിഭാഗത്തിന്റെ വാദം 95 ലെ വിധിയോടെ അപ്രസക്‌തമായി.

95 ലെ വിധിപ്രകാരം പാത്രിയര്‍ക്കീസിനെ സ്വീകരിക്കാന്‍ മറുപക്ഷം തയാറാകാത്തതാണു സഭയില്‍ തര്‍ക്കം അവസാനിക്കാത്തതിനു കാരണമെന്നും യാക്കോബായ വിഭാഗം ചര്‍ച്ചയില്‍ അറിയിച്ചു. കോലഞ്ചേരി വലിയപള്ളിയില്‍ മാസത്തില്‍ ഇടവിട്ടുള്ള രണ്ട്‌ ഞായറാഴ്‌ച രാവിലത്തെ കുര്‍ബാനയും കോട്ടൂര്‍ ചാപ്പലില്‍ ഒരു വീതവും നല്‍കി ഒത്തുതീര്‍പ്പിനുള്ള നിര്‍ദേശം ഉയര്‍ന്നിട്ടുണ്ട്‌. ഓര്‍ത്തഡോക്‌സ് വിഭാഗം ഈ നിര്‍ദേശം പരിഗണിച്ചുവരികയാണ്‌. അതാതു വിഭാഗത്തില്‍പ്പെട്ടവരുടെ ശവസംസ്‌കാരത്തിനും വിവാഹത്തിനുമുള്ള സൗകര്യം ലഭിച്ചാല്‍ പ്രശ്‌നത്തിനു പരിഹാരമാകുമെന്ന പ്രതീക്ഷ മധ്യസ്‌ഥര്‍ക്കുണ്ട്‌.

യഥാവിധി പാത്രിയര്‍ക്കീസിനെ സ്വീകരിക്കാത്തതുവഴി 1934 ലെ ഭരണഘടന ഓര്‍ത്തഡോക്‌സ് വിഭാഗം ലംഘിക്കുകയാണെന്നും 34 ലെ ഭരണഘടന കോലഞ്ചേരി പള്ളിയില്‍ നടപ്പാക്കണമെന്നും പറയാന്‍ മറുവിഭാഗത്തിനു നിയമപരമായി കഴിയില്ലെന്നും യാക്കോബായപക്ഷം വാദിച്ചു. സുപ്രീംകോടതി ഭേദഗതി ചെയ്‌ത 34 ലെ ഭരണഘടന ഫലത്തില്‍ അംഗീകരിച്ചു നടപ്പാക്കിയത്‌ തങ്ങളാണെന്നും അവര്‍ മന്ത്രിസഭാ സമിതിയെ അറിയിച്ചു.

കബര്‍ വണങ്ങാന്‍ ഗജവീരന്മാരും

കബര്‍ വണങ്ങാന്‍ ഗജവീരന്മാരും

കോതമംഗലം: അനുഗ്രഹ വര്ഷം ചൊരിയുന്ന പരി.എല്‍ദോ മോര്‍ ബസേലിയോസ് ബാവായുടെ കബറിടം വണങ്ങാന്‍ കരിവീരന്മാരും തീര്‍ഥാടകരായി എത്തി. തീര്‍ഥാടന വഴിയില്‍ ഇക്കുറി ആദ്യം കടന്നു വന്നത് കന്നിക്കാരനായ ഇരമാല്ലൂര്‍ വട്ടെക്കാടന്‍ അയ്യപ്പനാണ്. പിന്നാലെ പറവൂര്‍ തത്തപ്പള്ളി മാനാടി കണ്ണനും ,ഒടുവില്‍ പ്രദക്ഷിണ വഴിയിലെ പഴമക്കാരനായ തോട്ടത്തികുളം ഗോപാലനും അനുഗ്രഹം തേടിയെത്തി.മൂന്നു പതിറ്റാണ്ടിലേറെയായി മുടങ്ങാതെ മുത്തപ്പന്റെ അനുഗ്രഹം തേടിയെത്തുന്ന ഗോപാലന്‍, ജീവിത യാത്രയില്‍ എവിടെയായിരുന്നാലും കണ്ണി 20 പെരുന്നാളിന് നാട്ടില്‍ എത്തിചേരും അത് ഇക്കുറിയും തെറ്റിച്ചില്ല.
പറവൂരില്‍ നിന്നും രണ്ടുനാള്‍ മുന്‍പ് ലോറിയില്‍ ഇരമല്ലൂരില്‍ ഉള്ള ഒന്നാം പാപ്പാന്‍‌ കുന്നത്തുകുടി അനിയന്റെ ഭാവനാങ്കണത്തില്‍ എത്തിയ മാനാടി കണ്ണന് , കബര്‍ വണക്കം രണ്ടാം തവണയായിരുന്നു.പെരുന്നാളിന്റെ സമാപന ദിവസമായ ഇന്നലെ ശ്രേഷ്ഠ കാതോലിയ്ക്കാ ബാവായുടെ മുഖ്യ കാര്‍മികത്വത്തില്‍ നടത്തിയ കുര്‍ബ്ബാനയ്ക്ക് ശേഷമായിരുന്നു കരിവീരന്മാരുടെ കബര്‍ വണക്കം.പള്ളിയ്ക്ക് ചുറ്റും പ്രദക്ഷിണം വച്ച ശേഷം പൂമുഘത്തെത്തിയ ആനകള്‍ പരി. എല്‍ദോ മോര്‍ ബസേലിയോസ് ബാവായുടെ കബരിടത്തിനു അഭിമുഖമായി  നിന്ന്  മൂന്നു വട്ടം കുമ്പിട്ടു.തുടര്‍ന്ന് പാപ്പാന്മാര്‍ നല്‍കിയ കാണിക്ക ആനകള്‍ വാങ്ങി നേര്‍ച്ചപെട്ടിയില്‍ ഇട്ടു. അനുഗ്രഹം തേടിയെത്തിയ ആനകളുടെ നെറുകയില്‍ , വികാരി ഫാ എല്‍ദോസ് കാക്കനാട്ട് , കബറിന് മുന്നിലെ കേടാവിലക്കുല്‍ നിന്നുള്ള എന്നാ ലേപനം ചെയ്തു ആശിര്‍വദിച്ചു. തുടര്‍ന്ന് പാച്ചോറും പഴവും ശര്‍ക്കരയും നല്‍കി.
പെരുന്നാളിന്  കൊടിയിറങ്ങിയിട്ടും നാനാദിക്കുകളില്‍ നിന്നും തീര്‍ഥാടക ലക്ഷങ്ങള്‍ പള്ളിയിലേയ്ക്ക് പ്രവഹിക്കുകയാണ്. പെരുന്നാള്‍ ദിനങ്ങളില്‍ കാല്‍നടയായും അല്ലാതെയും 5 ലക്ഷം വിശ്വാസികള്‍ എത്തിച്ചേര്‍ന്നു എന്നാണു കണക്കാക്കുന്നത്. മുന്‍വര്‍ഷങ്ങളെ അപേക്ഷിച്ച് തിക്കും തിരക്കും ഏറിയിരുന്നെങ്കിലും പോലീസ് ഏര്‍പ്പെടുത്തിയിരുന്ന കുറ്റമറ്റ സുരക്ഷ ക്രമീകരണങ്ങള്‍ തീര്‍ഥാടകര്‍ക്ക്  അനുഗ്രഹമായി.

കോലഞ്ചേരി പള്ളിത്തര്‍ക്കം :ഹിതപരിശോധനക്ക് സാധ്യത

കോലഞ്ചേരി പള്ളിത്തര്‍ക്കം :ഹിതപരിശോധനക്ക് സാധ്യത

15 ദിവസത്തെ മധ്യസ്‌ഥശ്രമത്തിനു ശേഷവും പ്രശ്‌നം തീര്‍ന്നില്ലെങ്കില്‍ കോടതിവിധി നടപ്പാക്കുമെന്നായിരുന്നു മുഖ്യമന്ത്രി ഉമ്മന്‍ചാണ്ടി ഓര്‍ത്തഡോക്‌സ് വിഭാഗത്തിനു രേഖാമൂലം നല്‍കിയ ഉറപ്പ്‌ എന്നാല്‍ കോലഞ്ചേരി പള്ളിതര്‍ക്കം പരിഹരിക്കാനുള്ള 15 ദിവസത്തെ കാലാവധി കഴിഞ്ഞിട്ടാ...ണ് സര്‍ക്കാരിന്റെ ഭാഗത്ത്‌ നിന്ന് സമവായത്തിനുള്ള ചര്‍ച്ചകള്‍ ആരംഭിക്കുന്നത്പോലും .സര്‍ക്കാരിന്റെ ഈ നീക്കത്തെ ഓര്‍ത്തഡോക്‌സ് പക്ഷം കടുത്ത ആശങ്കയോടെയാണു കാണുന്നത്‌,15 ദിവസം കഴിയുമ്പോള്‍ പോലിസിറെ സഹായത്തോടു കൂടി പള്ളിയില്‍ അധികാരം ഉറപ്പിക്കാം എന്ന് വിചാരിച്ചു ഇരിക്കുന്നതിനിടെ ആണ് സര്‍ക്കാരിന്റെ ഈ നീക്കം.
കോലഞ്ചേരി പള്ളി പ്രശ്നം കേവലം സ്വത്തു തര്‍ക്കമല്ലെന്നും ഇതു വിശ്വാസപരമായ കാര്യമാണെന്നാണ് ഭരണ പക്ഷത്ത് പൊതുവായി ഉരുത്തിരിഞ്ഞ അഭിപ്രായം. കൂടാതെ പള്ളി തര്‍ക്കങ്ങളില്‍ ജനാതിപത്യപരമായ ശാശ്വത പരിഹാരം വേണമെന്നാണ് മുന്നണിയുടെ പൊതുവായ വികാരം. പള്ളികളില്‍ ഹിതപരിശോധന നടത്തി ചുമതലക്കാരെ കണ്ടെത്തണമെന്ന പക്ഷക്കാരാണു കെ.പി.സി.സി. പ്രസിഡന്റ്‌ രമേശ്‌ ചെന്നിത്തല അടക്കമുള്ള കോണ്‍ഗ്രസ്‌ നേതാക്കള്‍. ചെന്നിത്തല ഇക്കാര്യം മുഖ്യമന്ത്രി ഉമ്മന്‍ചാണ്ടിയെ അറിയിച്ചിട്ടുണ്ട്‌. ഐക്യ ജനത്യപത്യ മുന്നണിയുടെ ഈ പൊതുവായ ധാരണയുടെ അടിസ്ഥാനത്തിലാണ് ചര്‍ച്ചകള്‍ നടക്കുന്നതെന്നാണ് അറിയുവാന്‍ കഴിഞ്ഞത്.കൂടാതെ കണ്ടനാട്‌ പള്ളി വിധി മലങ്കരസഭാ തര്‍ക്കത്തിനു ശാശ്വത പരിഹാരമുണ്ടാക്കാനുള്ള മാര്‍ഗരേഖയായി എടുക്കാമെന്ന നിര്‍ദേശവും ഉയര്‍ന്നിട്ടുണ്ട്‌."കണ്ടനാട്‌ പള്ളിയില്‍ മലങ്കരസഭയിലെ ഭരണഘടന അംഗീകരിക്കുന്നവരും യാക്കോബായ സഭയുടെ 2002 ലെ ഭരണഘടന അംഗീകരിക്കുന്നവരും ഉള്ളതായി കാണുന്നുവെന്നും ഏതു ഭരണഘടനപ്രകാരം ഇടവക ഭരിക്കണമെന്നുള്ളത്‌ ഇരുവിഭാഗവും ചേര്‍ന്നുള്ള പൊതുയോഗമാണു തീരുമാനിക്കേണ്ടതെന്നും" പള്ളിക്കോടതി വിധിച്ചിരുന്നു.
കോലഞ്ചേരി പള്ളിത്തര്‍ക്കം പരിഹരിക്കാന്‍ ഇടവകയിലെ ഹിതപരിശോധനയാണ്‌ ഏക പോംവഴിയെന്നു യാക്കോബായ സഭ തിങ്കളാഴ്‌ച തിരുവനന്തപുരത്തു നടന്ന അനുരഞ്‌ജന ചര്‍ച്ചയില്‍ മന്ത്രിസഭാ ഉപസമിതിയെ ഇക്കാര്യം അറിയിച്ചിട്ടുണ്ട്‌. റഫറണ്ടം നടത്തുന്നതുവരെ ഇരുവിഭാഗത്തിനും ആരാധനയ്‌ക്കു തുല്യസമയം നിശ്‌ചയിക്കണം. വിശ്വാസപരമെന്നും ഭരണപരമെന്നും തര്‍ക്കത്തെ രണ്ടായി കാണണമെന്ന വാദമാണു യാക്കോബായ പക്ഷം മുന്നോട്ടുവച്ചത്‌. ഒരു പാത്രിയര്‍ക്കീസ്‌, ഒരു കാതോലിക്കാ ഒരു അസോസിയേഷന്‍ എന്ന അധികാര ശ്രേണിയില്‍ പാത്രിയര്‍ക്കീസിനെ ഒഴിവാക്കാനാവില്ലെന്നാണു സുപ്രീംകോടതിയുടെ 1995 ലെ അന്തിമവിധി.
പാത്രിയാര്‍ക്കീസിന്‌ 1934 ലെ ഭരണഘടനാപ്രകാരം ഭരിക്കപ്പെടുന്ന പള്ളികളില്‍ ഭൗതികാധികാരമില്ലെങ്കിലും ആത്മീയാധികാരം നിഷേധിക്കാനാവില്ലെന്നും സുപ്രീംകോടതി നിര്‍ദേശിച്ചിരുന്നു. പാത്രിയര്‍ക്കീസുമായി ഓര്‍ത്തഡോക്‌സ് വിഭാഗം കാതോലിക്ക പരസ്‌പര സ്വീകരണം ഉണ്ടായിട്ടില്ല. പാത്രിയര്‍ക്കീസിനെ ആത്മീയ മേലധ്യക്ഷനായി സ്വീകരിക്കാത്തപക്ഷം സുപ്രീംകോടതി വിധിയുടെയും ഭേദഗതി ചെയ്‌ത 1934 ലെ ഭരണഘടനയുടെയും ആനുകൂല്യം ലഭിക്കില്ലെന്നും യാക്കോബായ വിഭാഗം ചര്‍ച്ചയില്‍ ചൂണ്ടിക്കാട്ടി. 1934 ലെ ഭരണഘടനാപ്രകാരം മലങ്കരസഭ ഉള്‍പ്പെട്ട ആഗോള സുറിയാനി ഓര്‍ത്തഡോക്‌സ് സഭയുടെ പരമാധ്യക്ഷന്‍ അന്തോഖ്യാ പാത്രിയര്‍ക്കീസാണ്‌.95 ലെ വിധിയോടെ പാത്രിയര്‍ക്കീസിന്റെ സ്‌ഥാനസാധുത ചോദ്യം ചെയ്യപ്പെടാനാവാത്തതായി. തങ്ങളുടെ അനുമതിയില്ലാതെ വാഴിക്കപ്പെട്ട സഖാ പ്രഥമന്‍ പാത്രിയര്‍ക്കീസ്‌ ബാവായെ അംഗീകരിക്കാന്‍ കഴിയില്ലെന്ന ഓര്‍ത്തഡോക്‌സ് വിഭാഗത്തിന്റെ വാദം 95 ലെ വിധിയോടെ അപ്രസക്‌തമായി. സുപ്രീംകോടതി ഭേദഗതി ചെയ്‌ത ഭരണഘടന ഫലത്തില്‍ അംഗീകരിച്ചു നടപ്പാക്കിയത്‌ തങ്ങളാണെന്നും യാക്കോബായ വിഭാഗം മന്ത്രിസഭാ സമിതിയെ അറിയിച്ചു.
പള്ളികളില്‍ ഹിതപരിശോധന നടത്തിയാല്‍ മലങ്കരയില്‍ തര്‍ക്കമുള്ള പള്ളികള്‍ യാക്കോബായ വിഭാഗത്തിനു ലഭിക്കും എന്നുമാത്രമല്ല ഓര്‍ത്തഡോക്‍സ്‌ പക്ഷത്തിന്റെ കൈവശമുള്ള മറ്റു പള്ളികള്‍ കൂടി നഷ്ട്ടപെട്ട് ഒരു സ്വതന്ത്ര വിഭാഗമായി മാറിതീരാനും സാധ്യത ഉണ്ട്. ആയതിനാല്‍ ഓര്‍ത്തഡോക്‍സ്‌ വിഭാഗം എന്ത് വില കൊടുത്തു ഹിതപരിശോധനയെ എതിര്‍ക്കാനാണ് സാധ്യത.

കണ്ടനാട് മര്‍ത്തമറിയാം കത്തീഡ്രലില്‍ പരി.ശക്രള്ള മോര്‍ ബസേലിയോസ് ബാവായുടെ 247 മത് ഓര്‍മ്മപ്പെരുന്നാല്‍

കണ്ടനാട് മര്‍ത്തമറിയാം കത്തീഡ്രലില്‍ പരി.ശക്രള്ള മോര്‍ ബസേലിയോസ് ബാവായുടെ 247 മത് ഓര്‍മ്മപ്പെരുന്നാല്‍

ചിത്രത്തില്‍ ക്ലിക്ക് ചെയ്താല്‍ വലുതായി കാണാം

മോര്‍ കൂറീലോസ്സ് തിരുമേനി ജനമനസ്സുകളില്‍ ഇടംനേടിയ ഇടയശ്രേഷ്ടന്‍

മോര്‍ കൂറീലോസ്സ് തിരുമേനി ജനമനസ്സുകളില്‍ ഇടംനേടിയ ഇടയശ്രേഷ്ടന്‍

യാക്കോബായ സുറിയാനി ഓര്‍ത്തഡോക്‌സ് സഭയുടെ യു.കെ. മേഖലയുടെ പാത്രയര്‍ക്കല്‍ വികാരിയായി മൂന്നു വര്‍ഷം പൂര്‍ത്തിയാക്കി മടങ്ങുന്ന അഭിവന്ദ്യ ഡോ. ഗീവര്‍ഗ്ഗീസ് മോര്‍ കൂറീലോസ്സ് മെത്രാപ്പോലീത്ത തിരുമനസ്സിന് ബ്രിസ്റ്റൊളില്‍ വച്ച് നടത്തപ്പെടുന്ന യു.കെ റിജീയന്റെ മൂന്നാമത് ഫാമിലി കോണ്‍ഫ്രന്‍സ് വേദിയില്‍ വച്ചു ഉജ്ജ്വല യാതയയപ്പ് നല്‍കുന്നു.
വാഗ്മി എക്യൂമനിക്കല്‍ വേദികളില്‍ സഭയുടെ വാക്താവ്, ദൈവ ശാസ്തജ്ഞന്‍ എന്നീ നിലകളില്‍ ലോക പ്രസിദ്ധനായ മോര്‍ കൂറീലോസ്സ് മെത്രാപ്പോലീത്തയുടെ ശിശ്രൂഷക്കാലയളവില്‍ യു.കെ യാക്കോബായ സഭക്ക് കെട്ടുറപ്പും, അച്ചടക്കവും ജനകീയ പങ്കാലിത്തത്തോടുകൂടിയ ഭരണക്രമീകരണവും അഭൂത പൂര്‍ണ്ണവുമായ വളര്‍ച്ചയുമാണ് സഭക്കുണ്ടായത്. ശിഥിലമായിക്കഴിഞ്ഞിരുന്ന സഭാ വിശ്വാസികളെ സഭയുടെ പാരമ്പര്യങ്ങള്‍ക്കനുസരണമായി രൂപീകൃതമായ യു.കെ. മേഖലാ കൗണ്‍സില്‍ വഴിയായി ഒരു കുടയ്ക്കു കീഴില്‍ കൊണ്ടുവരുവാന്‍ സാധിച്ചുവെന്നതു പ്രത്യേകം എടുത്തു പറയത്തക്ക നേട്ടമായാണ് സഭയ്ക്കുണ്ടായത്. സഭാ വിശ്വാസികളേ ആത്മീയ പൈതൃക ആരാധനാ പാരമ്പര്യത്തില്‍ നിലനിര്‍ത്തുന്നതിനും വളര്‍ത്തുന്നതിനും തലമുറകളിലേക്കു പകരുന്നതിനും ലക്ഷ്യമിട്ടു കൊണ്ട് രൂപീകൃതമായ 22 ഇടവകകള്‍ സഭയ്ക്കിന്നു യു.കെ യില്‍ ഉണ്ട്.

ഓരോ ഇടവകയിലേയും വിശ്വാസികളുടെ മനസ്സുകളിലേക്ക് ഇറങ്ങിച്ചെന്ന് സ്വാദിഷ്ടടമായ ബന്ധം സ്ഥാപിച്ചെടുക്കുവാന്‍ ആഭി. തിരുമേനിക്കായി. പരി. സഭയുടെ ആത്മീയ തലവനായ പരി. പാത്രയര്‍ക്കീസ് ബാവ യുടെയും, കീഴക്കിന്റെ ശ്രേഷ്ട കാതോലിക്ക ബാവായേയും അനുസരിക്കാതയും സഭാവിരുധ പ്രവര്‍ത്തനങ്ങളില്‍ ഏര്‍പ്പെട്ടിരുന്നവര്‍ക്ക് ശക്തമായ താക്കീത് നല്‍കുവാനും, സ്വാര്‍ത്ഥ താല്‍പ്പര്യങ്ങള്‍ക്കായി നിലകൊണ്ടിരുന്ന വ്യക്തികളേയും പ്രാര്‍ത്ഥനാ താല്‍പ്പര്യങ്ങള്‍ക്കായി നിലകൊള്ളുന്ന വ്യക്തികളോട് കുടിയാലോചിച്ച് സഭയുടെ മുഖ്യ ധാരയോടു ചേര്‍ന്നു നില്‍ക്കുവാന്‍ വിശ്വാസികളെ ബോധ്യപ്പെടുത്തുവാനും അഭി. തിരുമേനിയുടെ ശിശ്രൂഷാകാലയളവില്‍ സാധിച്ചു.

പുതിയ സംസ്‌കാരത്തില്‍ മൂല്യ ബോധത്തോടെ കുട്ടികളെ വളര്‍ത്തുന്നതിനും വിശ്വാസ പാരമ്പര്യങ്ങളില്‍ നിലനിര്‍ത്തുന്നതും ലക്ഷ്യമാക്കി വിവിധ ഇടവകകളിലാരംഭിച്ചിട്ടുള്ള സണ്‍ഡേ സ്‌കൂള്‍കളുടെ പ്രവര്‍ത്തനങ്ങളെ ഏകോപിപ്പിക്കുന്നതിനും ഏകീകൃത പാഠ്യക്രമം നടപ്പിലാക്കുന്നതിനുള്ള നടപടികള്‍ക്ക് തുടക്കമിടുവാനും അഭി. തിരുമനസ്സിന്റെ ശിശ്രൂഷാ കാലയളവില്‍ സാധിച്ചു.
സഭാ വിശ്വാസികളുടെ ഐക്കവും, കുടുംബ ബന്ധങ്ങളുടെ പുതുക്കവും ലക്ഷ്യമാക്കി കഴിഞ്ഞ മൂന്നു വര്‍ഷങ്ങളില്‍ സംഘടിപ്പിക്കപ്പെട്ട കുടുംബ സംഗമം വന്‍ വിജയമാക്കിത്തീര്‍ക്കുവാന്‍ സാധിച്ചത് അഭി. തിരുമേനിയുടെ നേത്രുപാടവത്തിന്റെ ഉത്തമ സാക്ഷ്യമാണ്.
ബ്രിസ്റ്റൊളില്‍ വെച്ചു നടക്കുന്ന യാക്കോബായ കുടുംബ സംഗമത്തില്‍ വെച്ച് യു. കെ യുടെ പുതിയ പാത്രയര്‍ക്കല്‍ വികാരി അഭി. മാത്യൂസ് മോര്‍ അപ്പ്രേം തിരുമേനിയുടെ അദ്യക്ഷതയില്‍ കൂടുന്ന യാത്രയയപ്പ് സമ്മേളനത്തില്‍ ആത്മീയ, സാംസ്‌കാരിക സാമുദായിക നേതാക്കള്‍ പങ്കെടുക്കും.

യാക്കോബായ കുടുംബ സംഗമത്തിന് വര്‍ണാഭമായ തുടക്കം

യാക്കോബായ കുടുംബ സംഗമത്തിന് വര്‍ണാഭമായ തുടക്കം

ബ്രിസ്റ്റൊള്‍: യാക്കോബായ സുറിയാനി ഓര്‍ത്തഡോക്‌സ് സഭയുടെ യു.കെ. റീജീയന്റെ മൂന്നാമത് ഫാമിലി കോണ്‍ഫ്രന്‍സ് ബ്രിസ്റ്റൊള്‍, സെന്റ് ബേസില്‍ സെന്ററില്‍, രാവിലെ 10ന് പതാക ഉയര്‍ന്നതോടുകൂടി തുടക്കം കുറിച്ചു. യു. കെ മേഖലയുടെ നാനാഭാഗത്തുനിന്നും വന്ന കുടുംബങ്ങള്‍ ബ്രിസ്റ്റോളിലേ ഗ്രീന്‍ വേ മഹാ ജനസമുദ്രമാക്കിമാറ്റി. യാക്കോബായ സഭാ ചരിത്രത്തില്‍ അവിസ്മരണീയ മുഹൂര്‍ത്തങ്ങള്‍ കാഴ്ച വെച്ച കുടുംബസംഗമം യു. കെ. റിജീയന്റെ മുന്‍ പാത്രയാര്‍ക്കല്‍ വികാരിയും, നിരണം ഭദ്രാസനാധിപനും യു. എ. ഇ. യിലെ പള്ളികളുടെ പാത്രയര്‍ക്കല്‍ വികാരിയുമായ അഭിവന്ദ്യ ഗീവര്‍ഗ്ഗീസ് മോര്‍ കൂറീലോസ്സ് തിരുമനസ്സ് കൊണ്ട് ഉല്‍ഘാടനം ചെയ്തു.
യു. കെ. മേഖലയുടെ ഇപ്പോഴത്തെ പാത്രയാര്‍ക്കല്‍ വികാരിയും, അങ്കമാലി ഭദ്രാസനത്തിന്റെ പെരുമ്പാവൂര്‍, ഹൈറേന്‍ജ് മേഖലകളുടെ മെത്രാപ്പൊലീത്തയുമായ അഭിവന്ദ്യ മാത്യൂസ്സ് മോര്‍ അപ്രേം തിരുമനസ്സു കൊണ്ട് അധ്യക്ഷത വഹിച്ചു. ഈ വര്‍ഷത്തെ ചിന്താവിഷയമായി 'ഞാന്‍ നിങ്ങള്‍ക്ക് പുതിയോരു ഹൃദയം തരും, പുതിയൊരു ആത്മാവിനെ ഞാന്‍ നിങ്ങളുടെ ഉള്ളില്‍ ആക്കും' എന്ന വേദ വചനം ആസ്പദമാക്കി വിഷയാവതരണം നടത്തി. ഡല്‍ഹി, മൈലാപ്പൂര്‍ ഭദ്രാസനങ്ങളുടെ മെത്രാപ്പൊലീത്തയായ, അഭിവന്ദ്യ ഐസ്സക്ക് മോര്‍ ഒസ്സ്ത്താത്തിയോസ്സ് തിരുമനസുകൊണ്ട് ഈ വര്‍ഷത്തെ ക്ലാസ്സുകള്‍ക്ക് നേതൃത്ത്വം നല്‍കി.
വൈകിട്ട് 6 മണിയോടുകൂടി പരമ്പരാഗതമായ ശൈലിയിലുള്ള കലാരൂപങ്ങളാല്‍ വിവിധ ഇടവകകളില്‍ നിന്നുള്ള കലാ പരിപാടികള്‍ സംഗമത്തിന്റെ മാറ്റു കൂട്ടി.

വിവാദ ജര്‍മന്‍ മെത്രാന്‍ കേരളത്തിലെ പ്രവര്‍ത്തനം നിര്‍ത്തി

വിവാദ ജര്‍മന്‍ മെത്രാന്‍ കേരളത്തിലെ പ്രവര്‍ത്തനം നിര്‍ത്തി

കൊച്ചി: മലങ്കര ഓര്‍ത്തഡോക്‌സ് സഭയിലെ മെത്രാന്മാര്‍ ചേര്‍ന്നു വാഴിച്ച വിവാദ ജര്‍മന്‍ മെത്രാന്‍ കേരളത്തിലെ പ്രവര്‍ത്തനം അവസാനിപ്പിച്ചു. യാക്കോബായ സഭ വിട്ട്‌ ഓര്‍ത്തഡോക്‌സ് സഭയിലെത്തിയ രണ്ടു മെത്രാന്മാര്‍ ചേര്‍ന്നാണ്‌ ആഗോള സുറിയാനി ഓര്‍ത്തഡോക്‌സ് സഭാംഗമായ ജര്‍മന്‍ വൈദികനെ മൂസാ ഗുര്‍ഗാന്‍ മാര്‍ സേവേറിയോസ്‌ എന്ന പേരില്‍ ബിഷപ്പായി വാഴിച്ചത്‌. ഈ സംഭവം കേരളത്തില്‍ മാത്രമല്ല, വിദേശ സഭകള്‍ക്കിടയിലും വിമള്‍ശനത്തിനിടയാക്കി. അന്ത്യോഖ്യയിലെ സുറിയാനി ഓര്‍ത്തഡോക്‌സ് സഭയില്‍ പ്രശ്‌നമുണ്ടാക്കി, ഭാവിയില്‍ സമാന്തര പാത്രിയര്‍ക്കീസിനെ വാഴിക്കാമെന്ന ലക്ഷ്യവും ഇതിനു പിന്നിലുണ്ടായിരുന്നതായി പറയപ്പെടുന്നു.
മൂസാ ഗുര്‍ഗാനെ വാഴിച്ചതു മലങ്കര ഓര്‍ത്തഡോക്‌സ് സഭാ സിനഡിന്റെ സമ്മതത്തോടെയാണെന്നും അല്ലെന്നുമുള്ള തര്‍ക്കം തുടരുന്നതിനിടെയാണു കേരളത്തിലെ സഭാപ്രവര്‍ത്തനം അവസാനിപ്പിക്കുന്നതായി മൂസാ ഗുര്‍ഗാന്‍ വ്യക്‌തമാക്കിയത്‌.
കേരളത്തിലെ ഭദ്രാസനങ്ങള്‍ നിര്‍ത്തലാക്കുന്നതായും താന്‍ വാഴിച്ച രണ്ടു മലയാളി മെത്രാന്മാരെ തിരിച്ചുവിളിക്കുന്നതായും 'കല്‍പ്പന'യില്‍ പറയുന്നു. ഇവരിനി യൂറോപ്പില്‍ പ്രവര്‍ത്തിക്കും. വാഴിച്ച സഭയില്‍നിന്നുതന്നെ വൈദികരെ അടര്‍ത്തിയെടുത്ത്‌ താന്‍ പുതുതായി സ്‌ഥാപിച്ച അന്ത്യോഖ്യന്‍ സിറിയക്‌ ഓര്‍ത്തഡോക്‌സ് സഭയില്‍ ചേര്‍ത്തു തുടങ്ങിയതോടെയാണ്‌ ഓര്‍ത്തഡോക്‌സ് സഭ ഗുര്‍ഗാനെതിരേ തിരിഞ്ഞത്‌. ഗുര്‍ഗാനുമായുള്ള എല്ലാ ബന്ധവും അവസാനിപ്പിച്ചുകൊണ്ട്‌ ഓര്‍ത്തഡോക്‌സ് സഭാ കാതോലിക്കാ ബാവ കല്‍പ്പന പുറപ്പെടുവിച്ചിരുന്നു.
കേരളത്തിലെ സഭാതര്‍ക്കം ചര്‍ച്ചചെയ്‌തു തീര്‍ക്കണമെന്നു മൂസാ ഗുര്‍ഗാന്‍ പരിശുദ്ധ കാതോലിക്കാ ബാവയ്‌ക്ക് അന്ത്യശാസനം നല്‍കിയതും സഭാനേതൃത്വത്തെ ചൊടിപ്പിച്ചു. വഴിവിട്ട മെത്രാന്‍ വാഴ്‌ച ശ്രദ്ധയില്‍പ്പെട്ടതോടെ ഓറിയന്റല്‍ ഓര്‍ത്തഡോക്‌സ് സഭകളും കത്തോലിക്കാ സഭയും ഗുര്‍ഗാന്‌ വിലക്കേര്‍പ്പെടുത്തി. യൂറോപ്പിലെ തന്റെ സഭയിലുണ്ടായ പ്രശ്‌നങ്ങള്‍ പരിശുദ്ധ പാത്രിയര്‍ക്കീസ്‌ ബാവ ഒത്തുതീര്‍ത്തതോടെ ഗുര്‍ഗാന്‍ വെട്ടിലായി. ഒരിടത്തും സ്‌ഥാനമില്ലെന്നായതോടെയാണു കേരളത്തിലെ പ്രവര്‍ത്തനം അവസാനിപ്പിക്കാനും മലങ്കര ഓര്‍ത്തഡോക്‌സ് സഭയുമായി കൂടുതല്‍ അടുക്കാനും ഗുര്‍ഗാന്‍ തയാറായത്‌. സഭാതര്‍ക്കം രൂക്ഷമായ വേളയില്‍ മലങ്കര ഓര്‍ത്തഡോക്‌സ് സഭയുമായി മൂസാ ഗുര്‍ഗാന്‍ അടുക്കാന്‍ ശ്രമിക്കുന്നതിനു പ്രാധാന്യമുണ്ട്‌.

കോതമംഗലം മാര്‍തോമ ചെറിയപള്ളി പെരുന്നാള്‍ പ്രദക്ഷിണത്തില്‍ ആയിരങ്ങള്‍ പങ്കെടുത്തു

കോതമംഗലം മാര്‍തോമ ചെറിയപള്ളി പെരുന്നാള്‍ പ്രദക്ഷിണത്തില്‍ ആയിരങ്ങള്‍ പങ്കെടുത്തു

കോതമംഗലം: കിഴക്കന്‍ മേഖലയിലെ പ്രധാനപ്പെട്ട ക്രൈസ്തവ തീര്‍ത്ഥാടന കേന്ദ്രമായ കോതമംഗലം മാര്‍തോമ ചെറിയപള്ളിയിലെ പ്രധാന പെരുന്നാള്‍ ദിവസമായ ചൊവ്വാഴ്ചയും വിശ്വാസികളുടെ അണമുറിയാത്ത പ്രവാഹമായിരുന്നു.
പരി. യല്‍ദോ മാര്‍ ബസേലിയോസ് ബാവയുടെ 326-ാം ഓര്‍മ്മപ്പെരുന്നാളിനോടനുബന്ധിച്ച് പള്ളിയങ്കണത്തില്‍ നിന്ന് കോഴിപ്പിള്ളി മാര്‍ ബസേലിയോസ് ചാപ്പലിലേക്ക് ഉച്ചകഴിഞ്ഞ് നടത്തിയ പ്രദക്ഷിണം ഗതകാല സ്മരണകളുണര്‍ത്തുന്ന അവിസ്മരണീയ മുഹൂര്‍ത്തമായി മാറി.
പ്രദക്ഷിണത്തിന്റെ മുന്‍നിരയില്‍ ഇക്കുറിയും പതിവു തെറ്റിക്കാതെ നായര്‍ യുവാവ് തൂക്കുവിളക്കേന്തിയത് മതസൗഹാര്‍ദത്തിന്റെ അണയാത്ത വെളിച്ചമായി. മൂന്നേകാല്‍ നൂറ്റാണ്ടുകള്‍ക്കപ്പുറം പരി. ബാവ കോഴിപ്പിള്ളിയിലെ ചക്കാലപ്പറമ്പില്‍ എത്തി ആംഗ്യഭാഷയില്‍ പള്ളിയെവിടെയാണെന്ന് കന്നുകാലികളെ മേച്ചുകൊണ്ടിരുന്ന ചക്കാല നായരോട് ചോദിച്ചു. അയാള്‍ പരി. ബാവയ്ക്കു വഴികാണിച്ചുകൊടുത്ത് ചെറിയപള്ളിയില്‍ എത്തിയതിന്റെ പ്രതീകമായി അന്നു മുതല്‍ എല്ലാ വര്‍ഷവും പെരുന്നാള്‍ ദിനത്തില്‍ വ്രതാനുഷ്ഠാനങ്ങളോടെ പ്രദക്ഷിണത്തിന്റെ മുന്‍നിരയില്‍ തൂക്കുവിളക്കേന്തുന്നത് മുത്തംകുഴി പുതീക്കല്‍ കുടുംബക്കാരാണ്. കുടും ബത്തിലെ ഇളംമുറക്കാരനായ സോമശേഖരന്റെ മകന്‍ സുരേഷാണ് ഇക്കൊല്ലവും പ്രദക്ഷിണവഴിയില്‍ വിളക്കേന്തിയത്. പത്തുവര്‍ഷമായി സുരേഷ് തന്നെയാണ് വിളക്കെടുക്കാന്‍ എത്തുന്നത്.
പൊന്‍വെള്ളികുരിശുകളും മുത്തുക്കുടകളുമേന്തി വാദ്യമേളങ്ങളുടെ അകമ്പടിയോടെ വൈദിക ശ്രേഷ്ഠരും ആയിരക്കണക്കിന് വിശ്വാസികളും പങ്കെടുത്ത പ്രദക്ഷിണം കിഴക്കെ അങ്ങാടി വഴി ചക്കാലകുടി ചാപ്പലില്‍ പ്രത്യേക പ്രാര്‍ത്ഥനകള്‍ക്ക് ശേഷം ചെറിയ പള്ളിയില്‍ തിരിച്ചെത്തി. വൈകീട്ട് പള്ളി ഉപകരണങ്ങള്‍ തിരികെ മേമ്പൂട്ടിലേക്ക് ആഘോഷമായി കൊണ്ടുപോയി.പെരുന്നാളിന്റെ സമാപന ദിവസമായ ചൊവ്വാഴ്ച രാവിലെ 8ന് നടക്കുന്ന വി. കുര്‍ബാനയ്ക്ക് ശ്രേഷ്ഠ കാതോലിക്ക മാര്‍ ബസേലിയോസ് തോമസ് പ്രഥമന്‍ ബാവ പ്രധാന കാര്‍മികത്വം വഹിക്കും. തുടര്‍ന്ന് 10.30ന് സമീപ പ്രദേശങ്ങളിലെ ഗജവീരന്മാര്‍ പള്ളിയിലെ കബര്‍ വണങ്ങാന്‍ എത്തുന്നത് വേറിട്ടൊരു കാഴ്ചയാണ്. 11.30ന് ലേലവും വൈകീട്ട് 4ന് കൊടിയിറക്കും നടക്കും.

കോതമംഗലം ചെറിയ പള്ളിയില്‍ തീര്‍ഥാടക പ്രവാഹം .

കോതമംഗലം ചെറിയ പള്ളിയില്‍ തീര്‍ഥാടക പ്രവാഹം .

കോതമംഗലം ചെറിയ പള്ളിയില്‍ തീര്‍ഥാടക പ്രവാഹം .

കോതമംഗലം ചെറിയ പള്ളിയില്‍ തീര്‍ഥാടക പ്രവാഹം .

കോതമംഗലം: മാര്‍ത്തോമ ചെറിയ പള്ളിയില്‍ കബറടങ്ങിയിരിക്കുന്ന എല്‍ദോ മാര്‍ ബസേലിയോസ് ബാവായുടെ കബറിങ്കലെയ്ക്ക് തീര്‍ഥാടകരുടെ നിലയ്ക്കാത്ത പ്രവാഹം. നാടിന്റെ നാനാഭാഗത്തു നിന്നും കാല്‍നടയായി തിരിച്ച തീര്‍ഥാടകര്‍ ഇന്നലെ വൈകിട്ട് പള്ളിയില്‍ എത്തിച്ചേര്‍ന്നു. രാവിലെ മുതല്‍ പള്ളിയിലേയ്ക്ക് തീര്‍ഥാടക പ്രവാഹമായിരുന്നു. ഉച്ചകഴിഞ്ഞതോടുകൂടി പള്ളിയും പരിസരവും വിശ്വാസികളെ കൊണ്ട് നിറഞ്ഞു. വൈകിട്ടോടെ നഗരത്തിലും തിരക്കായി. കഴിഞ്ഞ വരഷത്തെ അപേക്ഷിച്ച് കാല്‍നട തീര്‍ഥാടകരുടെ എണ്ണം പതിന്‍മടങ്ങ്‌ വര്‍ദ്ധിച്ചിരുന്നു. വൃതാനുഷ്ട്ടങ്ങളോടെ കാതങ്ങള്‍ താണ്ടിയെത്തിയ തീര്‍ത്ഥാടകരെ നിറഞ്ഞ ഹൃദയത്തോടെയാണ് നഗരവാസികള്‍ എതിരേറ്റതു.നാനാ ജാതി മതസ്ഥരുടെ  നേതൃത്വത്തില്‍ വഴിനീളെ കുടിവെള്ളവും ലഘു ഭക്ഷണവും വിതരണം ചെയ്തു.
വിവിധ മേഖലകളില്‍ നിന്ന് എത്തിച്ചേര്‍ന്ന കാല്‍നട തീര്‍ഥാടകരെ കോതമംഗലം പൌരാവലി യുടെ നേതൃത്വത്തില്‍ സ്വീകരിച്ചു. പടിഞ്ഞാറന്‍ മേഖലകളില്‍ നിന്നും എത്തിച്ചേര്‍ന്ന തീര്‍ഥാടകരെ ഗാന്ധിസ്ക്വ്യറില്‍ നഗര പിതാവ് കെ.പി.ബാബുവിന്റെ നേതൃത്വത്തില്‍ പൌര പ്രമുഖരും ചേര്‍ന്ന് വരവേറ്റു.
വൈകിട്ട് നടന്ന സന്ധ്യ നമസ്കാരത്തിനു ശ്രേഷ്ഠ കാതോലിയ്ക്ക അബൂന്‍ മോര്‍ ബസേലിയോസ് തോമസ്‌ പ്രഥമന്‍ കാതോലിയ്ക്കാബാവ മുഖ്യകാര്‍മികത്വം വഹിച്ചു. പാത്രിയര്‍ക്കാ പ്രതിനിധി  മോര്‍ സേവേറിയോസ്‌ മല്‍ക്കി മൊറാദ്‌ സഹകാര്‍മികത്വം വഹിച്ചു.
കന്നി 19 തീയതി പെരുന്നാളായിരുന്ന ഇന്നലെ രാത്രി 10 നു നഗരം ചുറ്റി നടത്തിയ പ്രദക്ഷിണം പതിവ് തെറ്റിക്കാതെ നായര്‍ യുവാവ് വിളക്കേന്തി മുന്‍പില്‍ നടന്നത് മതമൈത്രിയുടെ പ്രഭ ചൊരിഞ്ഞു. തന്കാലം പുതീക്കല്‍ തറവാട്ടിലെ സുരേഷാണ് ഇക്കുറി വിളക്കേന്തിയത്. പോയ വര്ഷം വിളക്കേന്തിയ മോഹനനും പ്രദക്ഷിണ വഴിയില്‍ അനുഗമിച്ചു . വാദ്യ മേളഘോഷങ്ങളുടെ അകമ്പടിയോടെ പൊന്‍ വെള്ളികുരിശുകളും മുത്തു കുടകളുമേന്തി  നാനാജാതിമതസ്ഥരായ ആയിരക്കണക്കിന് വിശ്വാസികള്‍ അണിചേര്‍ന്ന പെരുന്നാള്‍  പ്രദക്ഷിണം  നഗരം ചുറ്റി പള്ളിയില്‍ സമാപിച്ചു.
സമാപന ദിവസമായ നാളെ രാവിലെ 8 നു ശ്രേഷ്ഠ കാതോലിയ്ക്കാ ബാവ വി. കുര്‍ബ്ബാന അര്‍പ്പിക്കും. 10 നു കരിവീരന്മാര്‍ കബര്‍ വണക്കം. വൈകിട്ട് നാലിന് കൊടിയിറക്കം.
പെരുന്നാള്‍ നോട്ടീസിനായി ഇവിടെ ക്ലിക്ക് ചെയ്യുക   
  

മോര്‍ യുലിഔസ് യേശു ശീശാക് മെമ്മോറിയല്‍ ക്രിക്കറ്റ്‌ ടൂര്‍ണമെന്റ്

മോര്‍ യുലിഔസ് യേശു ശീശാക് മെമ്മോറിയല്‍ ക്രിക്കറ്റ്‌ ടൂര്‍ണമെന്റ്

വെട്ടിക്കല്‍: മോര്‍ യുലിഔസ് യേശു ശീശാക് മെമ്മോറിയല്‍ ക്രിക്കറ്റ്‌ മത്സരത്തില്‍ വെട്ടിക്കല്‍ എം.എസ്.ഓ.ടി.സെമിനാരി ടീമും പുത്തന്‍കുരിശ് പാത്രിയര്‍ക്ക സെന്‍റെര്‍  ടീമും തമ്മില്‍ ഏറ്റുമുട്ടി.ആവേശ ഭരിതമായ മത്സരത്തില്‍  എം. എസ്.ഓ.ടി. സെമിനാരി വിജയികളായി.സജു വെങ്ങോല സ്പോണ്സര്‍ചെയ്ത ട്രോഫിയും കാഷ് അവാര്‍ഡും  വിജയികള്‍ക് സമ്മാനിച്ചു. 
പാത്രിയര്‍ക്ക സെന്‍റെര്‍ ടീമിനെ ഡി. റോബിന്‍ അങ്കമാലിയും സെമിനാരി ടീമിനെ ഡി. ജോര്‍ജുകുട്ടിയും നയിച്ചു. സെമിനാരി അധ്യാപകന്‍ ഡി. എല്‍ദോസ് സി . യു, പി. ആര്‍.ഓ  ഡി. അനീഷ്‌ കെ ജോസഫ്‌ എന്നിവര്‍ നേതൃത്വം നല്‍കി.

പള്ളിക്കര മേഖലയില്‍ നിന്നുള്ള കോതമംഗലം തീര്‍ഥയാത്ര നാളെ രാവിലെ 6 മണിയ്ക്ക് പള്ളിക്കര കത്തീഡ്രല്‍ പള്ളിയില്‍ നിന്നും പുറപ്പെടും.

***"പരിശുദ്ധനായ പിതാവിന്‍റെ ദാസനായ് ...

സ്വര്‍ഗീയ ഭവനത്തില്‍ വാണിടുന്ന ...

മാധ്യസ്തനാം മോര്‍ ബസേലിയോസ് ബാവയെ ...

ഞങ്ങള്‍ക്ക് വേണ്ടി അപേക്ഷിക്കണേ..."

വി : യല്‍ദോ മാര്‍ ബസേലിയോസ് മഫ്രിയാണോ യുടെ

326th ശ്രാദ്ധ പെരുന്നാള്‍ ആശംസകള്‍ ..!****.

പള്ളിക്കര മേഖലയില്‍ നിന്നുള്ള കോതമംഗലം തീര്‍ഥയാത്ര നാളെ രാവിലെ 6 മണിയ്ക്ക് പള്ളിക്കര കത്തീഡ്രല്‍ പള്ളിയില്‍ നിന്നും പുറപ്പെടും.

മാര്‍തോമ ചെറിയപള്ളിപ്പെരുന്നാള്‍: പ്രധാന ദിവസങ്ങളില്‍ സുരക്ഷയും വാഹന ക്രമീകരണങ്ങളും ഏര്‍പ്പെടുത്തി

മാര്‍തോമ ചെറിയപള്ളിപ്പെരുന്നാള്‍: പ്രധാന ദിവസങ്ങളില്‍ സുരക്ഷയും വാഹന ക്രമീകരണങ്ങളും ഏര്‍പ്പെടുത്തി

കോതമംഗലം: മാര്‍തോമ ചെറിയപള്ളിയില്‍ പരി. ബാവയുടെ 326-ാം ഓര്‍മ്മപ്പെരുന്നാളിന്റെ പ്രധാന ദിവസങ്ങളില്‍ വന്‍ ജനത്തിരക്ക് കണക്കിലെടുത്ത് പോലീസ് സുരക്ഷാ ക്രമീകരണങ്ങള്‍ ശക്തമാക്കി. വാഹനങ്ങള്‍ക്ക് കോതമംഗലം നഗരത്തില്‍ പ്രവേശിക്കുന്നതിന് ക്രമീകരണങ്ങളും ഏര്‍പ്പെടുത്തി.
പെരുന്നാളിന്റെ പ്രധാന ദിവസങ്ങളായ ഒക്ടോബര്‍ 2, 3 തീയതികളില്‍ മൂവാറ്റുപുഴ ഡിവൈഎസ്​പി ടോമി സെബാസ്റ്റ്യന്റെ നേതൃത്വത്തില്‍ 5 സര്‍ക്കിള്‍ ഇന്‍സ്‌പെക്ടര്‍മാരുടെയും 50 എസ്‌ഐമാരുടേയും 450 കോണ്‍സ്റ്റബിള്‍മാരുമടങ്ങുന്ന 500 അംഗ പോലീസ് സേനയെ വിന്യസിപ്പിച്ചാണ് സുരക്ഷാ ക്രമീകരണങ്ങള്‍ നടപ്പാക്കുന്നത്. നിരത്തിലും പള്ളി പരിസരങ്ങളിലും നിരവധി ഒളിക്യാമറകള്‍ സ്ഥാപിക്കും. ഇവ കണ്‍ട്രോള്‍ റൂമുമായി ബന്ധിപ്പിക്കും. ഈ ദിവസങ്ങളില്‍ കൊച്ചി ഷാഡോ പോലീസിന്റെ സേവനവും ഉണ്ടായിരിക്കും.
നഗരത്തിലും പള്ളി പരിസരത്തും ഭിക്ഷാടനം പൂര്‍ണ്ണമായി നിരോധിച്ചു. ഭിക്ഷാടനത്തിന്റെ മറവില്‍ മോഷ്ടാക്കള്‍ തമ്പടിക്കുവാനുള്ള സാധ്യതകള്‍ മുന്നില്‍ കണ്ടുകൊണ്ടാണ് ഭിക്ഷാടനം നിരോധിച്ചത്.

ലോഡ്ജുകളിലും പരിശോധന കര്‍ശനമാക്കി. പെരുന്നാള്‍ കച്ചവടത്തിന് എത്തിയിട്ടുള്ളവര്‍ക്ക് ഫോട്ടോ പതിച്ച തിരിച്ചറിയല്‍ കാര്‍ഡ് പോലീസ് നല്കും. പ്രധാന റോഡുകളിലും പള്ളിത്താഴത്തും ഗതാഗത സ്തംഭനം ഒഴിവാക്കാന്‍ ശനിയാഴ്ച മുതല്‍ തിങ്കളാഴ്ച വരെ ലോറികള്‍ നഗരത്തിലൂടെ പോകുന്നത് പൂര്‍ണ്ണമായി നിരോധിച്ചു.
പ്രധാന പെരുന്നാള്‍ ദിവസങ്ങളായ ഞായറാഴ്ചയും തിങ്കളാഴ്ചയും ഹൈറേഞ്ച് ഭാഗത്തു നിന്നും വരുന്ന തീര്‍ത്ഥാടക വാഹനങ്ങള്‍ ശോഭന സ്‌കൂളിനു മുന്‍വശം ആളുകളെ ഇറക്കി ആലുവ-മൂന്നാര്‍ റോഡിന്റെ വലതുവശത്തും ബൈപാസിലും വാഹനങ്ങള്‍ പാര്‍ക്ക് ചെയ്യണം.
ചേലാട് ഭാഗത്ത് നിന്നുമുള്ള വാഹനങ്ങള്‍ മലയിന്‍കീഴ് കവലയില്‍ ആളെ ഇറക്കി ബൈപ്പാസ് റോഡിന്റെ വടക്കുവശം മാത്രം പാര്‍ക്ക് ചെയ്യണം.
പെരുമ്പാവൂര്‍ ഭാഗത്തു നിന്നും വരുന്ന വാഹനങ്ങള്‍ തങ്കളം ബസ്സ്റ്റാന്‍ഡിനു സമീപം ആളുകളെ ഇറക്കി എഎം റോഡില്‍ ഗതാഗത തടസ്സമില്ലാതെ പാര്‍ക്ക് ചെയ്യണം. ദീര്‍ഘദൂര സര്‍വീസ് ബസ്സുകളും മറ്റു സ്വകാര്യ വാഹനങ്ങളും ബൈപ്പാസ് റോഡുവഴി മാത്രം പോകേണ്ടതാണ്.
മൂവാറ്റുപുഴ ഭാഗത്തു നിന്നും വരുന്ന വാഹനങ്ങള്‍ എംഎ കോളേജ് ജംഗ്ഷനില്‍ ആളെ ഇറക്കിയ ശേഷം കോളേജിന്റെ ഗ്രൗണ്ടില്‍ പാര്‍ക്ക് ചെയ്യണം.
സര്‍വീസ് ബസ്സുകള്‍ വിമലഗിരി സ്‌കൂള്‍ ജംഗ്ഷനില്‍ ആളുകളെ ഇറക്കി മടങ്ങിപോകണം.
പോത്താനിക്കാട്-വാരപ്പെട്ടി ഭാഗങ്ങളില്‍ നിന്നും വരുന്ന വാഹനങ്ങള്‍ കോഴിപ്പിള്ളി ജംഗ്ഷനില്‍ ഇറക്കി കോഴിപ്പിള്ളി, ചക്കാലക്കുടി ഭാഗങ്ങളില്‍ ഗതാഗത തടസ്സമില്ലാതെ പാര്‍ക്ക് ചെയ്യണം. ഞായറാഴ്ച ഉച്ചയ്ക്ക് ഒന്നു മുതല്‍ തിങ്കളാഴ്ച ഉച്ചകഴിഞ്ഞ് 3 വരെ പ്രധാന റോഡിലൂടെയുള്ള വാഹന ഗതാഗതം പൂര്‍ണ്ണമായും നിരോധിച്ചിട്ടുണ്ട്. പള്ളിയങ്കണത്തില്‍ പോലീസ് കണ്‍ട്രോള്‍ റൂമിനോടനുബന്ധിച്ച് ഡോക്ടറുടെ സേവനം ലഭ്യമാണ്. കണ്‍ട്രോള്‍ റൂമുമായി ബന്ധപ്പെടാന്‍ 9497987125, 9497980473.

സഭാ തര്‍ക്കം അനുരഞ്‌ജനത്തിലൂടെ പരിഹരിക്കണം: ഹൈക്കോടതി

സഭാ തര്‍ക്കം അനുരഞ്‌ജനത്തിലൂടെ പരിഹരിക്കണം: ഹൈക്കോടതി

കൊച്ചി: യാക്കോബായ-ഓര്‍ത്തഡോക്‌സ് സഭാ തര്‍ക്കം അനുരഞ്‌ജനത്തിലൂടെ പരിഹരിക്കണമെന്നു ഹൈക്കോടതി. വിശ്വാസപ്രശ്‌നമെന്ന നിലയില്‍ മധ്യസ്‌ഥ ശ്രമങ്ങളിലൂടെയും ചര്‍ച്ചകളിലൂടെയും പരിഹാരം കണ്ടെത്തുകയാണ്‌ ഉചിതമെന്നു ജസ്‌റ്റിസുമാരായ തോട്ടത്തില്‍ ബി. രാധാകൃഷ്‌ണന്‍, സി.ടി. രവികുമാര്‍ എന്നിവരടങ്ങിയ ഡിവിഷന്‍ ബെഞ്ച്‌ അഭിപ്രായപ്പെട്ടു.
കോലഞ്ചേരി പള്ളിയില്‍ ഇരുവിഭാഗത്തിനും ആരാധന നടത്താവുന്ന തരത്തില്‍ ധാരണയിലെത്താന്‍ കഴിയുമോയെന്നു ഹര്‍ജി പരിഗണിക്കവേ കോടതി ആരാഞ്ഞു. ഇരുവിഭാഗവും സമാധാനവും സൗഹാര്‍ദവും നിലനിര്‍ത്തണം. സഭാ തര്‍ക്കത്തിന്റെ ചരിത്രം പരിശോധിച്ചാല്‍ കോടതി വിധികളെക്കാള്‍ മധ്യസ്‌ഥതയിലൂടെ പരിഹാരം ഉണ്ടായതായി കാണാം- കോടതി പറഞ്ഞു.
സര്‍ക്കാരിന്‌ ഒരു പക്ഷത്തോടും അനുഭാവമില്ലെന്നും സമാധാന അന്തരീക്ഷം ഉറപ്പാക്കുകയാണു പരമമായ ലക്ഷ്യമെന്നും അഡ്വക്കേറ്റ്‌ ജനറല്‍ കെ.പി. ദണ്ഡപാണി ബോധിപ്പിച്ചു.പ്രശ്‌ന പരിഹാരത്തിനു സര്‍ക്കാര്‍ നിയമിച്ച ഉപസമിതിയുമായി സഹകരിക്കുമെന്ന്‌ ഇരുവിഭാഗവും കോടതിയില്‍ പറഞ്ഞു.
യാക്കോബായ വിഭാഗത്തിനുവേണ്ടി സുപ്രീംകോടതിയിലെ മുതിര്‍ന്ന അഭിഭാഷകന്‍ സി.എസ്‌. വൈദ്യനാഥനും ഓര്‍ത്തഡോക്‌സ് വിഭാഗത്തിനുവേണ്ടി അഡ്വ. എസ്‌. ശ്രീകുമാറും ഹാജരായി. നവംബര്‍ മൂന്നിനു കേസ്‌ വീണ്ടും പരിഗണിക്കും.

ശ്രേഷ്‌ഠബാവ പ്രാര്‍ഥനാ യജ്‌ഞം അവസാനിപ്പിച്ചു

കോലഞ്ചേരി: യാക്കോബായ സഭാധ്യക്ഷന്‍ ശ്രേഷ്‌ഠ കാതോലിക്കാ ബസേലിയോസ്‌ തോമസ്‌ പ്രഥമന്‍ ബാവയുടെ നേതൃത്വത്തിലുള്ള പ്രാര്‍ഥനാ യജ്‌ഞം അവസാനിപ്പിച്ചു. സഭാ തര്‍ക്കം സംബന്ധിച്ച ഹൈക്കോടതി നിര്‍ദേശത്തെ തുടര്‍ന്നാണു തീരുമാനം. കോലഞ്ചേരി പള്ളിയില്‍ യാക്കോബായ വിഭാഗത്തിന്‌ ആരാധനാ സ്വാതന്ത്ര്യം അനുവദിക്കണമെന്നാവശ്യപ്പെട്ടാണ്‌ കഴിഞ്ഞ ഇരുപതു ദിവസമായി ബാവ പ്രാര്‍ഥനാ യജ്‌ഞം നടത്തിവന്നിരുന്നത്‌. ഹൈക്കോടതിയുടെ നിരീക്ഷണങ്ങള്‍ യാക്കോബായസഭ സ്വാഗതം ചെയ്യുന്നതായി ശ്രേഷ്‌ഠബാവ അറിയിച്ചു. കോലഞ്ചേരി പള്ളിയില്‍ ബഹുഭൂരിപക്ഷം വരുന്ന യാക്കോബായ വിശ്വാസികളെ മാറ്റിനിര്‍ത്തി കോടതി വിധി നടപ്പാക്കാന്‍ കഴിയില്ലെന്ന്‌ കോടതിക്കും സര്‍ക്കാരിനും ബോധ്യം വന്നതായി സുന്നഹദോസ്‌ സെക്രട്ടറി ഡോ. ജോസഫ്‌ മോര്‍ ഗ്രിഗോറിയോസ്‌ മെത്രാപ്പോലീത്ത അറിയിച്ചു. നവംബര്‍ രണ്ടിനകം മന്ത്രിസഭാ ഉപസമിതി ഇരുസഭകളുമായി ചര്‍ച്ച നടത്തി തുല്യമായ നീതി നടപ്പാക്കുമെന്ന്‌ ശുഭാപ്‌തി വിശ്വാസമുണ്ടെന്നും ശ്രേഷ്‌ഠ ബാവ പറഞ്ഞു. കോടതിയും സര്‍ക്കാരും ഇടപെട്ട്‌ കോലഞ്ചേരി പള്ളിയില്‍ ഹിതപരിശോധന നടത്തി ഭൂരിപക്ഷത്തിനു ഭരണം കൈമാറണമെന്നു കുര്യാക്കോസ്‌ മോര്‍ ദിയസ്‌കോറസ്‌ മെത്രാപ്പോലീത്ത പറഞ്ഞു. പ്രശ്‌ന പരിഹാരത്തിനു വിട്ടുവീഴ്‌ചകള്‍ക്കു തയാറാണെന്ന്‌ അറിയിച്ച ശ്രേഷ്‌ഠ ബാവ, ഇടവക പള്ളികള്‍ ഇടകവകക്കാരുടേതാണെന്ന സുപ്രീം കോടതി വിധി ഓര്‍ത്തഡോക്‌സ്സഭ അംഗീകരിക്കണമെന്നും ആവശ്യപ്പെട്ടു. കണ്ടനാട്‌ ഭദ്രാസനാധിപന്‍ ഡോ. മാത്യൂസ്‌ മോര്‍ ഈവാനിയോസ്‌, ഏലിയാസ്‌ മോര്‍ അത്താനാസിയോസ്‌ മെത്രാപ്പോലീത്ത, സഭാ ട്രസ്‌റ്റി ജോര്‍ജ്‌ മാത്യു തെക്കേതലയ്‌ക്കല്‍, സെക്രട്ടറി തമ്പു ജോര്‍ജ്‌ തുകലന്‍ എന്നിവരും പത്രസമ്മേളനത്തില്‍ പങ്കെടുത്തു. സഭാ തര്‍ക്കവുമായി ബന്ധപ്പെട്ടു കഴിഞ്ഞ 20 ദിവസമായി നിലനിന്ന അനിശ്‌ചിതാവസ്‌ഥയ്‌ക്ക് കോടതി ഇടപെടലോടെ പരിഹാരമുണ്ടായിരിക്കുകയാണ്‌. ശ്രേഷ്‌ഠ ബാവ ഒക്‌ടോബര്‍ 3 മുതല്‍ ഉപവാസമാരംഭിച്ച്‌ ശക്‌തമായ പ്രതിഷേധവുമായി രംഗത്തുവരാനിരിക്കെയാണ്‌ ഇന്നലെ ഹൈക്കോടതിയുടെ പരാമര്‍ശമുണ്ടായതും ഉപവാസം പിന്‍വലിച്ചതും. ജില്ലാ കോടതി വിധി നടപ്പാക്കണമെന്നാവശ്യപ്പെട്ട്‌ ഓര്‍ത്തഡോക്‌സ് സഭാധ്യക്ഷന്‍ പരിശുദ്ധ ബസേലിയോസ്‌ പൗലോസ്‌ ദ്വിതീയന്‍ കാതോലിക്കാ ബാവ കഴിഞ്ഞ 10നു കോലഞ്ചേരി കുരിശിന്‍ തൊട്ടിയില്‍ ഉപവാസമിരിക്കുകയായിരുന്നു. തുടര്‍ന്ന്‌ ശ്രേഷ്‌ഠ ബാവയും പ്രാര്‍ഥനായജ്‌ഞം ആരംഭിച്ചു. കഴിഞ്ഞ 18ന്‌ മുഖ്യമന്ത്രിയുടെ ഉറപ്പിനെതുടര്‍ന്ന്‌ ഓര്‍ത്തഡോക്‌സ്സഭ ഉപവാസം അവസാനിപ്പിച്ചെങ്കിലും യാക്കോബായ സഭ പ്രാര്‍ഥനാ യജ്‌ഞം തുടരുകയായിരുന്നു.