കാതോലിക്കേറ്റ് അരമന കത്തീഡ്രല്‍ പെരുന്നാളിന് കൊടിയേറി
കോതമംഗലം: പരി. എല്‍ദോ മാര്‍ ബസേലിയോസ് ബാവയുടെ ഓര്‍മ്മപ്പെരുന്നാളിന് തുടക്കം കുറിച്ചുകൊണ്ട് കോതമംഗലം മൗണ്ട് സീനായ് മാര്‍ ബസേലിയോസ് കാതോലിക്കേറ്റ് അരമന കത്തീഡ്രലില്‍ കൊടിയുയര്‍ത്തി. വികാരി ഫാ. ബെല്‍ത്ത് എസ്. കുരുവിള ചടങ്ങുകള്‍ക്ക് കാര്‍മ്മികത്വം വഹിച്ചു. ഫാ. വര്ഗീസ് മൈക്കുളങ്ങര, ഫാ. ജോണ്‍ കോമയില്‍, ഫാ. കുര്യാക്കോസ് പാറയില്‍, പൗലോസ് കാട്ടുചിറ കോറെപ്പിസ്‌കോപ്പ തുടങ്ങിയവര്‍ നേതൃത്വം നല്‍കി.
ഞായറാഴ്ച രാവിലെ 8 ന് അഞ്ചിന്മേല്‍ കുര്‍ബാന പ്രസംഗം ശ്രേഷ്ഠ കാതോലിക്ക ബാവയുടെ മുഖ്യകാര്‍മ്മികത്വത്തില്‍ നടക്കും. 10.30 ന് പ്രദക്ഷിണവും, 11.30 ന് നേര്‍ച്ചസദ്യയും, 12.30 ന് കൊടിയിറക്കത്തോടെ പെരുന്നാള്‍ സമാപിക്കും.
ഞായറാഴ്ച രാവിലെ 8 ന് അഞ്ചിന്മേല്‍ കുര്‍ബാന പ്രസംഗം ശ്രേഷ്ഠ കാതോലിക്ക ബാവയുടെ മുഖ്യകാര്‍മ്മികത്വത്തില്‍ നടക്കും. 10.30 ന് പ്രദക്ഷിണവും, 11.30 ന് നേര്‍ച്ചസദ്യയും, 12.30 ന് കൊടിയിറക്കത്തോടെ പെരുന്നാള്‍ സമാപിക്കും.
കോലഞ്ചേരി: യാക്കോബായ സഭയുടെ ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ നടത്തുന്ന പ്രാര്‍ഥനാ യജ്‌ഞവും ഓര്‍ത്തഡോക്‌സ് സഭാധ്യക്ഷന്‍ പരിശുദ്ധ ബസേലിയോസ് പൗലോസ് ദ്വിതീയന്‍ കാതോലിക്ക ബാവയുടെ ഉപവാസസമരവും ഒരാഴ്‌ച പിന്നിട്ടതോടെ സഭാ തര്‍ക്കം പൊട്ടിത്തെറിയുടെ വക്കില്‍. കാതോലിക്കാ ബാവമാര്‍ക്കു പിന്തുണയറിയിച്ചു തുറന്ന പോരിനാണ്‌ ഇരു വിഭാഗവും തന്ത്രങ്ങള്‍ മെനയുന്നത്‌.
