കോലഞ്ചേരി പള്ളിത്തര്‍ക്കം: ഓര്‍ത്തഡോക്‌സ് നീക്കത്തിനെതിരെ എം.ജെ.എസ്.എസ്.എ.

കോലഞ്ചേരി പള്ളിത്തര്‍ക്കം: ഓര്‍ത്തഡോക്‌സ് നീക്കത്തിനെതിരെ എം.ജെ.എസ്.എസ്.എ.

കോതമംഗലം: ദേവാലയ അന്തരീക്ഷം സംഘര്‍ഷ ഭൂമിയാക്കുവാനുള്ള ഓര്‍ത്തഡോക്‌സ് വിഭാഗത്തിന്റെ ആസൂത്രിതമായ നീക്കത്തില്‍ എം.ജെ.എസ്.എസ്.എ. അങ്കമാലി ഭദ്രാസാനം പ്രതിഷേധിച്ചു.
കോലഞ്ചേരിയില്‍ യാക്കോബായ സുറിയാനി സഭയിലെ സെന്റ് പീറ്റേഴ്‌സ് പള്ളിയിലും സെന്റ് പോള്‍സ് പള്ളിയിലും നിലവിലുണ്ടായിരുന്ന ആരാധനാ സ്വാതന്ത്ര്യം നിഷേധിച്ചതിലും പ്രതിഷേധിച്ചു.
വിവിധ മതവിഭാഗങ്ങളില്‍പ്പെട്ടവര്‍പ്പോലും ശാന്തിയും അനുഗ്രഹവും തേടിയെത്തുന്ന സെന്റ് പീറ്റേഴ്‌സ് പള്ളിയിലെ ആരാധനാ സ്വാതന്ത്ര്യം നിഷേധിക്കുകയും ദേവാലയ അന്തരീക്ഷം കളങ്കപ്പെടുത്തുകയും ചെയ്ത ഓര്‍ത്തഡോക്‌സ് വിഭാഗത്തിന്റെ ആസൂത്രിത നീക്കത്തെ എന്തുവില കൊടുത്തും ചെറുക്കുമെന്ന് യോഗം മുന്നറിയിപ്പ് നല്‍കി.
കോതമംഗലം മൗണ്ട് സീനായ് അരമനയില്‍ കൂടിയ യോഗത്തില്‍ ഭദ്രാസന ഡയറക്ടര്‍ പി.പി.പൗലോസ് അധ്യക്ഷത വഹിച്ചു. പ്രമേയം മേഖലാ ഡയറക്ടര്‍ എല്‍ദോ ഐസക് അവതരിപ്പിച്ചു. ടി.ടി.ജോയി, സി.വൈ.വര്‍ഗീസ്, എന്‍.എ.ജോസ്, കെ.പി.പൗലോസ്, പി.ഐ.ഉലഹന്നാന്‍, എല്‍.ബി.വര്‍ഗീസ്, വി.പി.ജോയി, തോമസ് പോള്‍, ഡി.കോര, ബേബി വര്‍ഗീസ്, എം.വി.മാണി, ബിജു മാത്യു, പി.വി.ജേക്കബ് തുടങ്ങിയവര്‍ സംസാരിച്ചു.

യാക്കോബായ സഭാവിശ്വാസികള്‍ പ്രതിഷേധ റാലി നടത്തി

യാക്കോബായ സഭാവിശ്വാസികള്‍ പ്രതിഷേധ റാലി നടത്തി

മൂവാറ്റുപുഴ: കോലഞ്ചേരി പള്ളി ഭൂരിപക്ഷ ഇടവകാംഗങ്ങളെ അടിച്ചമര്‍ത്തി പിടിച്ചെടുക്കാന്‍ ശ്രമിക്കുന്നു എന്നാരോപിച്ച് യാക്കോബായ സഭാ മൂവാറ്റുപുഴ മേഖലാ സമിതിയുടെ നേതൃത്വത്തില്‍ നഗരത്തില്‍ പ്രതിഷേധ റാലി നടത്തി. സന്ധ്യയ്ക്ക് നടന്ന റാലിയുടെ സമാപന സമ്മേളനം ദയറാധിപന്‍ ഗീവര്‍ഗീസ് മാര്‍ ബര്‍ണാബസ് മെത്രാപ്പോലീത്ത ഉദ്ഘാടനം ചെയ്തു.
പ്രതിഷേധ റാലിയില്‍ മിഖായേല്‍ റമ്പാന്‍, ജോര്‍ജ് മാന്തോട്ടം കോര്‍ എപ്പിസ്‌കോപ്പ, ഗീവര്‍ഗീസ് തെക്കുംചേരില്‍ കോര്‍ എപ്പിസ്‌കോപ്പ, ഫാ. തമ്പി മാറാടി, ഫാ. കുര്യാക്കോസ് മണിയാട്ട്, ഫാ. ബിജു കൊച്ചുപുരയ്ക്കല്‍, ഫാ. ജിഷോ ആലുങ്കല്‍, ഷെവലിയര്‍ ബിജു ചെരക്കുന്നത്ത്, ഷെവലിയാര്‍ കമാന്‍ഡര്‍ സി.കെ. ഷാജി ചുണ്ടയില്‍, സാബു പി.വാഴയില്‍, അജി വര്‍ഗീസ് എന്നിവര്‍ നേതൃത്വം നല്‍കി.

കോടതിയെ ഉപയോഗിച്ച്‌ മറുപക്ഷം സ്‌ഥാപനങ്ങള്‍ പിടിച്ചെടുക്കുന്നു: യാക്കോബായ സഭ

കോലഞ്ചേരി: കോടതിയെ ഉപയോഗിച്ച്‌ ഓര്‍ത്തഡോക്‌സ് സഭ തങ്ങളുടെ സ്‌ഥാപനങ്ങള്‍ പിടിച്ചെടുക്കുകയാണെന്ന്‌ യാക്കോബായ സഭയുടെ ശ്രേഷ്‌ഠ കാതോലിക്കാ ബസേലിയോസ്‌ തോമസ്‌ പ്രഥമന്‍ ബാവ. തര്‍ക്ക പരിഹാരത്തിന്‌ ഹിതപരിശോധനയാണ്‌ സഭ ആവശ്യപ്പെടുന്നതെന്ന്‌ അദ്ദേഹം അറിയിച്ചു.

Hon. Union Minister Shri Vayalar Ravi visits His Beatitude Baselios Thomas I...

Hon. Union Minister Shri Vayalar Ravi meets media after having talks with His Beatitude

അനുരഞ്ജന ശ്രമം വിഫലം :യാക്കോബായ സഭ സമരവുമായി മുന്നോ

അനുരഞ്ജന ശ്രമം വിഫലം :യാക്കോബായ സഭ സമരവുമായി മുന്നോട്ട്

 മര്‍ത്തോമ്മ സഭയിലെ വലിയ മെത്രാപ്പോലീത്ത ഫിലിപ്പോസ് മാര്‍ ക്രിസോസ്റ്റം ശ്രേഷ്ഠ ബാവയെ സന്ദര്‍ശിച്ചപ്പോള്‍

കോലഞ്ചേരി: അനുരഞ്ജന ചര്‍ച്ചകള്‍ പരാജയപ്പെട്ട സാഹചര്യത്തില്‍ സമരം കൂടുതല്‍ ശക്തമാക്കുമെന്ന് യാക്കോബായ-ഓര്‍ത്തഡോക്‌സ് സഭകള്‍ പ്രഖ്യാപിച്ചു. സര്‍ക്കാര്‍ നിയോഗിച്ച അഭിഭാഷക സമിതിയുടേയും ജില്ലാ ഭരണകൂടത്തിന്റെയും സാന്നിദ്ധ്യത്തില്‍ ഇരുവിഭാഗവും നടത്തിവരുന്ന ചര്‍ച്ചകള്‍ ഫലവത്താകാത്ത സാഹചര്യത്തില്‍ ഇരു സഭകളും ചര്‍ച്ചകള്‍ വിട്ട് സമരരംഗത്തേക്കിറങ്ങുവാന്‍ തീരുമാനിച്ചു.
എന്നാല്‍, സമരം അവസാനിപ്പിക്കുന്നതിലേക്കായി വെള്ളിയാഴ്ച രാത്രി പുത്തന്‍കുരിശ് ടിബിയില്‍ ജില്ലാ കളക്ടര്‍ ഇരുവിഭാഗവുമായി ചര്‍ച്ച നടത്തിയിരുന്നു.

യാക്കോബായ സഭ വെള്ളിയാഴ്ച വൈകീട്ട് ഇടവകാംഗങ്ങളുടേയും, മാനേജിംഗ് കമ്മിറ്റി അംഗങ്ങളുടേയും ഭക്തസംഘടനകളുടെയും സംയുക്തയോഗം ചേര്‍ന്നു. സമരം കൂടുതല്‍ ശക്തിപ്പെടുത്തുന്നതിന്റെ ഭാഗമായി ശനിയാഴ്ച വഞ്ചനാദിനം ആചരിക്കും. ഇടവക കുടുംബങ്ങളുടെ സെന്‍സസ് രേഖകള്‍ ജില്ലാ അധികൃതര്‍ക്ക് നല്‍കുവാനും, ഞായറാഴ്ച ഭദ്രാസനത്തിലെ വിശ്വാസികള്‍ കോലഞ്ചേരിയില്‍ ഒത്തുചേര്‍ന്ന് പ്രാര്‍ഥനാദിനം ആചരിക്കുവാനുമാണ് യോഗത്തില്‍ തീരുമാനമെടുത്തത്. മെത്രാപ്പോലീത്തമാരായ ജോസഫ് മാര്‍ ഗ്രിഗോറിയോസ്, ഗീവര്‍ഗീസ് മാര്‍ കൂറിലോസ്, മാത്യൂസ് മാര്‍ ഇവാനിയോസ്, മാത്യുസ് മാര്‍ അപ്രേം എന്നിവര്‍ സംബന്ധിച്ചു. വികാരി വര്‍ഗീസ് ഇടുമാരി അധ്യക്ഷനായി. പോള്‍ വട്ടവേലില്‍ കോര്‍ എപ്പിസ്‌കോപ്പ, ഫാ. എല്‍ദോ കക്കാടന്‍, ഫാ. പൗലോസ് പുതിയമഠം, സ്ലീബ ഐക്കരക്കുന്നത്ത് ബാബുപോള്‍ എന്നിവര്‍ പ്രസംഗിച്ചു. രാത്രി യാക്കോബായ സഭയുടെ നേതാക്കളുടെ പ്രത്യേക യോഗവും നടത്തി സമരപരിപാടികള്‍ ആസൂത്രണം ചെയ്തു. വെള്ളിയാഴ്ച വൈകീട്ട് കോലഞ്ചേരിയില്‍ പ്രകടനവും നടത്തി. ശ്രേഷ്ഠ കാതോലിക്ക ബസ്സേലിയോസ് തോമസ് പ്രഥമന്‍ ബാവ പ്രാര്‍ഥനായജ്ഞ സമരം തുടര്‍ന്നു.

കോലഞ്ചേരിയില്‍ വിശ്വാസസംരക്ഷണ റാലി

കോലഞ്ചേരി പള്ളിയില്‍ യാക്കോബായ സഭയ്ക്ക് ആരാധനാ സ്വാതന്ത്ര്യം നല്‍കണമെന്നാവശ്യപെട്ട്  ഞായറാഴ്ച ഉച്ച കഴിഞ്ഞു 3 മണിയ്ക്ക് യാക്കോബായ സഭയുടെ ഒരു ലക്ഷം പേര്‍ പങ്കെടുക്കുന്ന വിശ്വാസസംരക്ഷണ റാലി കോലഞ്ചേരി പട്ടണത്തില്‍ നടക്കുന്നു.പങ്കെടുക്കുക..വിജയിപ്പിക്കുക.

കോലഞ്ചേരി പള്ളിയില്‍ നീതിയ്ക്കു വേണ്ടി....

കോലഞ്ചേരി പള്ളിയില്‍ നീതിയ്ക്കു വേണ്ടി....

ക്ലിക്ക് ചെയ്താല്‍ വലുതായി കാണാം.

കടന്നപ്പള്ളി രാമചന്ദ്രന്‍ ശ്രേഷ്ഠ കാതോലിയ്ക്കാബാവായെ സന്ദര്‍ശിച്ചു

കടന്നപ്പള്ളി രാമചന്ദ്രന്‍ ശ്രേഷ്ഠ കാതോലിയ്ക്കാബാവായെ സന്ദര്‍ശിച്ചു

മുന്‍ മന്ത്രി ശ്രീ കടന്നപ്പള്ളി രാമചന്ദ്രന്‍ ശ്രേഷ്ഠ കാതോലിയ്ക്കാബാവായെ സന്ദര്‍ശിക്കാന്‍ എത്തിയപ്പോള്‍

മുംബൈ ഭദ്രാസനം ശനിയാഴ്ച ഉപവാസം അനുഷ്ടിക്കും.

                                 

Malankara Achdiocese of USA extended Full Support to H.B.Catholicos Strike for Justice .

Malankara Achdiocese of USA extended Full Support to H.B.Catholicos Strike for Justice .

NEWYORK: The Malankara Archdiocese of the Syrian Orthodox Church in North America has extended their full support and prayers to the Hunger Strike and Fasting Prayers being conducted by H. B. Catholicos Baselius Thomas 1st ,Bishops,Priests and Faithfuls of Malankara Jacobite Syrian Church at St. Peters and St. Pauls Church in Kolencherry. The Special Archdiocesan Council convened on 13th September unanimously passed a resolution and requested the Government Authority to establish the will of majority and freedom of their worship. His Eminence Mor Titus Yeldho, the Archbishop and Patriarchal Vicar presided over the meeting .
" The accounts of tensions in malankara Parishes especially now at our Kolencherry church is very disturbing and paiful for the faithfuls here in America.We are truely concerned about the challenge ahead of our church where our Beloved Catholicos, Metropolitans, Priests along with hundreds of faithfuls are seeking justice for worship. We wholeheartedly express our solidarity to our Catholicos Bava Thirumeni and Metropolitans who are on an indefinite fasting prayer and hunger strike. We pray for the good health and well being of our Bava Thirumeni, a peaceful settlement and justice to be served. " quoted in the Resolution.
H.E.Archbishop Mor Titus Yeldho Metropolitan requested faithful to continue their prayers and support to our Catholicos Bava Thirumeni and Bishops until the peaceful settlement are established.

കൂത്താട്ടുകുളം മേഖല റാലി.

കൂത്താട്ടുകുളം മേഖല റാലി.

ശ്രേഷ്ഠ കാതോലിയ്ക്കാ ബാവായുടെ നേതൃത്വത്തില്‍ കോലഞ്ചേരി പള്ളിയില്‍ ആരാധനാ സ്വാതന്ത്ര്യം നല്‍കണമെന്നാവശ്യപെട്ടു നടത്തുന്ന സമരത്തിനു പിന്തുണ പ്രഖ്യാപിച്ചു കൂത്താട്ടുകുളംമേഖലയുടെ ആഭിമുഖ്യത്തില്‍ കോലഞ്ചേരിയില്‍ നടന്ന റാലി.

കോലഞ്ചേരി പള്ളി: മധ്യസ്‌ഥനീക്കം ഫലംകണ്ടില്ല; ഇരുവിഭാഗവും ഉറച്ചുതന്നെ

കൊച്ചി: കോലഞ്ചേരി പള്ളിത്തര്‍ക്കം പരിഹരിക്കുന്നതിന്‌ ജില്ലാ ഭരണകൂടവും ഹൈക്കോടതിയുടെ കേരള മീഡിയേഷന്‍ സെന്ററും യാക്കോബായ-ഓര്‍ത്തഡോക്‌സ് വിഭാഗങ്ങളുമായി നടത്തിയ ചര്‍ച്ചയില്‍ രണ്ടാംദിവസത്തെ ചര്‍ച്ചയിലും തീരുമാനമായില്ല. ജില്ലാ കലക്‌ടര്‍ പി.ഐ. ഷെയ്‌ഖ് പരീത്‌, സീനിയര്‍ അഡ്വ. എന്‍. ധര്‍മ്മദന്‍, അഡ്വ. ശ്രീലാല്‍ വാര്യര്‍ എന്നിവരാണ്‌ -മധ്യസ്‌ഥ ചര്‍ച്ചയ്‌ക്ക് നേതൃത്വം നല്‍കിയത്‌.
രാവിലെ ഇരുവിഭാഗവും പഴയനിലപാടില്‍ ഉറച്ചുനിന്നെങ്കിലും ചര്‍ച്ചയിലെ ധാരണപ്രകാരമാണ്‌ ഇരുവിഭാഗവും അവരവരുടെ ചാപ്പലിലേക്ക്‌ മാറിയത്‌.
മാറിയില്ലെങ്കില്‍ പോലീസ്‌ ബലമായി മാറ്റുമെന്ന പ്രചാരണവുമുണ്ടായി. ചര്‍ച്ച മുന്നോട്ടു കൊണ്ടുപോകുന്നതിന്‌ പുറത്തെ സമരം നിര്‍ത്തണമെന്ന അഭ്യര്‍ത്ഥന ഇരുവിഭാഗവും അംഗീകരിക്കുകയായിരുന്നു.
കോലഞ്ചേരി പള്ളിയുടെ ചാപ്പലായ കോട്ടൂര്‍ ദേവാലയത്തില്‍ മാസത്തില്‍ മൂന്നുമണിക്കൂര്‍ യാക്കോബായ വിഭാഗത്തിന്‌ നല്‍കാമെന്ന്‌ ഓര്‍ത്തഡോക്‌സ് തത്വത്തില്‍ സമ്മതിച്ചു. സെമിത്തേരിയില്‍ മൃതദേഹം അടക്കാം. ചാപ്പലില്‍ നിന്ന്‌ ഗേറ്റ്‌ പണിതു നല്‍കാമെന്നും അവര്‍ പറഞ്ഞു. എന്നാല്‍ യാക്കോബായ വിഭാഗം പ്രധാന പള്ളിയില്‍ ആരാധനാവകാശം വേണമെന്ന ആവശ്യത്തില്‍ ഉറച്ചുനിന്നു.
കോലഞ്ചേരി പള്ളിയില്‍ യാക്കോബായ വിശ്വാസികള്‍ക്ക്‌ ആരാധനയ്‌ക്ക് പ്രവേശനം നല്‍കാമെന്നും മറുഭാഗം വൈദികരെ അനുവദിക്കാനാവില്ലെന്നും ഓര്‍ത്തഡോക്‌സ് വിഭാഗം അറിയിച്ചു.
യാക്കോബായ സഭയെ പ്രതിനിധീകരിച്ച്‌ എപ്പിസ്‌കോപ്പല്‍ സുന്നഹദോസ്‌ സെക്രട്ടറി ഡോ. ജോസഫ്‌ മോര്‍ ഗ്രിഗോറിയോസ്‌, സഭാ സെക്രട്ടറി തമ്പു ജോര്‍ജ്‌ തുകലന്‍, ട്രസ്‌റ്റി ജോര്‍ജ്‌ മാത്യു, ടി.യു. കുരുവിള എം.എല്‍.എ, യാക്കോബായ വിഭാഗം വികാരി യാക്കോബ്‌ കക്കാട്ട്‌, ട്രസ്‌റ്റി സീബ്ല ഐക്കരക്കുന്നത്ത്‌, പൗലോസ്‌ പി. കുന്നത്ത്‌ എന്നിവരും ഓര്‍ത്തഡോക്‌സ് പക്ഷത്തെ പ്രതിനിധീകരിച്ച്‌ വൈദിക സെക്രട്ടറി റവ. ഡോ. ജോണ്‍സ്‌ എബ്രഹാം കോനാട്ട്‌, സഭാ സെക്രട്ടറി ജോര്‍ജ്‌ ജോസഫ്‌, വികാരി ജേക്കബ്‌ കുര്യന്‍, ഫാ. സി.എം. കുര്യാക്കോസ്‌, സാജു പി. വര്‍ഗീസ്‌ എന്നിവരും പങ്കെടുത്തു.

കോലഞ്ചേരി പള്ളിത്തര്‍ക്കം നിലപാടുകളില്‍ ഉറച്ച് ഇരു വിഭാഗവും; ചര്‍ച്ചയില്‍ പരിഹാരമായില്ല

കോലഞ്ചേരി പള്ളിത്തര്‍ക്കം നിലപാടുകളില്‍ ഉറച്ച് ഇരു വിഭാഗവും; ചര്‍ച്ചയില്‍ പരിഹാരമായില്ല

കൊച്ചി: കോലഞ്ചേരി പള്ളി സംബന്ധിച്ച് ഹൈക്കോടതി നിയോഗിച്ച അഭിഭാഷക സംഘവും യാക്കോബായ-ഓര്‍ത്തഡോക്‌സ് സഭാ പ്രതിനിധികളുമായി നടത്തിയ ചര്‍ച്ച തീരുമാനമാകാതെ പിരിഞ്ഞു. രണ്ടാം ദിവസവും തുടര്‍ന്ന ചര്‍ച്ചയില്‍ ഇരു വിഭാഗവും തങ്ങളുടെ നിലപാടുകളില്‍ ഉറച്ചുനിന്നു. ഇരു വിഭാഗത്തിലെയും സഭാ മേലധ്യക്ഷന്‍മാരും നേതാക്കളുമായി ചര്‍ച്ച ചെയ്ത ശേഷം നിലപാടുകള്‍ വെള്ളിയാഴ്ച അറിയിക്കാമെന്ന് കമ്മീഷനെ അറിയിച്ചു.
കോലഞ്ചേരി സെന്റ് പീറ്റേഴ്‌സ് ആന്‍ഡ് സെന്റ് പോള്‍സ് പള്ളിയുടെ അവകാശത്തര്‍ക്കം രമ്യമായി പരിഹരിക്കാന്‍ അഭിഭാഷക കമ്മീഷന്‍ ചില നിര്‍ദേശങ്ങള്‍ മുന്നോട്ടുവച്ചു. പള്ളിത്തര്‍ക്കം ശാശ്വതമായി പരിഹരിക്കുന്നതിനാണ് കമ്മീഷന്‍ മുഖ്യമായും ശ്രമിച്ചത്. എന്നാല്‍ കോലഞ്ചേരിയില്‍ നിലനില്‍ക്കുന്ന തര്‍ക്കങ്ങള്‍ ഉടന്‍ പരിഹരിക്കണമെന്നും ബാവമാരുടെ ഉപവാസ സമരവും പ്രാര്‍ഥനാ യജ്ഞവും അവസാനിപ്പിക്കണമെന്നും അഭിഭാഷക കമ്മീഷന്‍ നിര്‍ദേശിച്ചു. എന്നാല്‍ തങ്ങള്‍ക്ക് നീതി ലഭിക്കണമെന്നും ആരാധനാ സ്വാതന്ത്ര്യം വേണമെന്നും ഇരു വിഭാഗവും ശക്തമായി ആവശ്യപ്പെട്ടു.
കമ്മീഷന്‍ മുന്നോട്ടുവച്ച നിര്‍ദേശങ്ങള്‍ സഭാ നേതൃത്വവുമായി ചര്‍ച്ച ചെയ്ത ശേഷം വെള്ളിയാഴ്ച ചര്‍ച്ചയില്‍ പങ്കെടുക്കുന്ന കാര്യം തീരുമാനിക്കുമെന്ന് ഓര്‍ത്തഡോക്‌സ് വിഭാഗം അറിയിച്ചു. നീതിയും ന്യായവും ലഭ്യമാകുന്നതുവരെ ഉപവാസ സമരവുമായി മുന്നോട്ടുപോകുമെന്ന് ഓര്‍ത്തഡോക്‌സ് സഭാ വൈദിക ട്രസ്റ്റി ഫാ. ജോണ്‍സ് എബ്രഹാം കോനാട്ട് പറഞ്ഞു.
ആരാധനാ സ്വാതന്ത്ര്യം മാത്രമാണ് തങ്ങള്‍ ആവശ്യപ്പെടുന്നത്. ആ നിലപാടില്‍ ഉറച്ചുനില്‍ക്കുന്നതായും യാക്കോബായ സഭാ സെക്രട്ടറി തമ്പു ജോര്‍ജ് തുകലന്‍ പറഞ്ഞു. ശാന്തമായ അന്തരീക്ഷമാണ് തങ്ങള്‍ ആഗ്രഹിക്കുന്നതെന്നും അദ്ദേഹം വ്യക്തമാക്കി.
ഇരു വിഭാഗത്തിന്റെയും തീരുമാനങ്ങള്‍ കളക്ടറെ അറിയിച്ച ശേഷമേ വെള്ളിയാഴ്ച ചര്‍ച്ച ഉണ്ടാകുമോ എന്ന കാര്യത്തില്‍ തീരുമാനം ഉണ്ടാകൂ.
ഹൈക്കോടതി നിയമിച്ച അഭിഭാഷക സംഘം പ്രതിനിധികളായ സീനിയര്‍ അഡ്വക്കേറ്റ് എന്‍. ധര്‍മദന്‍, അഡ്വ. ശ്രീലാല്‍ വാര്യര്‍, ജില്ലാ കളക്ടര്‍ പി.ഐ. ഷെയ്ക്ക് പരീത് എന്നിവരുമായിട്ടാണ് സഭാ പ്രതിനിധികള്‍ ചര്‍ച്ച നടത്തിയത്.

പിറവത്ത് പ്രകടനം നടത്തി.

പിറവത്ത് പ്രകടനം നടത്തി.

ശ്രേഷ്ഠ കാതോലിയ്ക്കാ ബാവായുടെ നേതൃത്വത്തില്‍ കോലഞ്ചേരി പള്ളിയില്‍ ആരാധനാ സ്വാതന്ത്ര്യം നല്‍കണമെന്നാവശ്യപെട്ടു നടത്തുന്ന സമരത്തിനു പിന്തുണ പ്രഖ്യാപിച്ചു പിറവം വലിയ പള്ളിയുടെ ആഭിമുഖ്യത്തില്‍ പിറവത്ത് പ്രകടനം നടത്തി.ഫാ.ഗീവര്‍ഗീസ് തെറ്റാലില്‍, ട്രസ്റ്റി മത്തായി തെക്കും മൂട്ടില്‍, ഷാജു ഇലഞ്ഞിമറ്റം,ഏലിയാസ് നാരേക്കാട്ടു, സാബു കോട്ടയില്‍, റെജി പി വര്‍ഗീസ്, ബിജു വര്‍ഗീസ് , ദിപു പാലക്കല്‍ , ബെന്നി വി വര്‍ഗീസ് എന്നിവര്‍ നേതൃത്വം നല്‍കി.  

മുസ്ലിംലീഗ് സംസ്ഥാന പ്രസിഡന്റ് ഹൈദരാലി ശിഹാബ് തങ്ങളും സംസ്ഥാന ഭാരവാഹികളും ശ്രേഷ്ഠ കാതോലിക്ക ബാവയെ സന്ദര്‍ശിച്ചു.

കോലഞ്ചേരി:യാക്കോബായ സഭയുടെ കോലഞ്ചേരി പാളിയില്‍ ആരാധനാ സ്വാതന്ദ്ര്യം ലഭിക്കണ മെന്നാ വശ്യപെട്ട്   സമരം നടത്തുന്ന  ശ്രേഷ്ഠ കാതോലിക്ക ബാവയെ   ജില്ലാ കളക്ടര്‍ പി.ഐ. ഷേയ്ക്ക് പരീതിന്റെ നേതൃത്വത്തില്‍ അനുരഞ്ജന സമിതിയും, മന്ത്രി വി.കെ. ഇബ്രാഹിംകുഞ്ഞും മുസ്ലിംലീഗ് സംസ്ഥാന പ്രസിഡന്റ് ഹൈദരാലി ശിഹാബ് തങ്ങളും സംസ്ഥാന ഭാരവാഹികളും സന്ദര്‍ശിച്ചു. ബുധനാഴ്ച രാത്രി എട്ടോടെ ജില്ലാ കളക്ടര്‍ക്ക് പുറമേ മീഡിയേഷന്‍ അഭിഭാഷകരായ ശ്രീലാല്‍വാര്യര്‍, സദാനന്ദ, ആര്‍ഡിഒ ആര്‍.മണിയമ്മ എന്നിവരാണ് ഇരുവിഭാഗം ബാവയെ സന്ദര്‍ശിച്ചത്.
പിറവം, വെട്ടിത്ര, മാമാലശ്ശേരി , കുറുഞ്ഞി, കണ്ണ്യാട്ടുനിരപ്പു ,പാങ്കോട് പള്ളികളുടെ നേതൃത്വത്തില്‍ കോലഞ്ചേരിയില്‍ വിശ്വാസികള്‍ പ്രകടനം നടത്തി. ആയിരക്കണക്കിനാളുകള്‍  പ്രകടനത്തില്‍ പങ്കെടുത്തു.കൂടാതെ കോലഞ്ചേരി പള്ളിയിലെ 16 കുടുംബയൂണിറ്റുകളുടെ നേതൃത്വത്തിലും വിശ്വാസികള്‍ പ്രകടനം നടത്തി. 

യാക്കോബായ സുറിയാനി സഭയ്‌ക്ക് അര്‍ഹമായ നീതി ലഭിക്കണം

Protest Meeting held at Mylapore Diocese

Protest Meeting held at St.Gregoriose JSOC,Florance,Italy  

Protest Meeting held at St.Mary's JSOC,Switzerland

Protest Meeting held at St.Peters & St.Pauls JSOC ,Rome